טשעינדזש: קאליד שעיך מוכמעד ימ"ש אין אונזער געגענט

באריכטן און אנאליזן

די אחראים: אחראי, געלעגער

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » זונטאג נובעמבער 15, 2009 11:05 am

הייסט עס אז די מידיא אין אמעריקא איז אונטערגעקויפט אדער אונטערגעווארפן אונטער די ראדיקאלע מוסלמענער וואס זוכן אנצוזייען טעראר ווי אימער איבער די וועלט ?

זייט ווען האט דאס פאסירט ? פארוואס טראכט איהר אז די מידיא זאל וועלן געבן גינסטיגע דעקונג פאר די חיות ?
אה ווייל אבאמא איז פרעזידענט , פארגעסן , א פשוטע איינס מיט איינס הא ?

און דאס וואס דו טענהסט וועגן לויערס, וויל איך טאקע פארשטיין, וויזוי קען מען באשולדיגן א מענטש און הינריכטן אן איהם לאזן האבן א סניגור ?
איז נישט דאס די וועג און די "איינציגסטע וועג" צו געפונען א מענטש שולדיג ?
להבדיל אין אונזער יוריסדוקציע איז אויך פארהאן אזא זאך אז כולו חייב איז זכאי ,
אז ער האט נישט די רעכטן אין די מעגליכקייט זיך צו פארטיידיגן קען דאך זיין שולד נישט איבערגעוויזן ווערן,
אין משנה געפונט מען שוין אזא מין הנהגה , פאר מען טראגט ארויס א מענטש צו מיתת בי"ד רופט מען אויס טעג נאכאנאנד אין די גאנצע שטאט כל מי שיש ללמד זכות יבא וילמד, און דאס איז שוין נאך שבע חקירות ובדיקות , עדות , און התראות. מאיימין על העדות. סאיז דא א פחד פון זוממין,
א ביד של כ"ג... און נאך די גאנצע זאך רופט מען סניגורים ללמד זכות ,
פארוואס ? ווייל אויב נישט וועט אפשר איינער טענה'נען אז מען האט שלא ביושר'דיג געהרגעט א מענטש... און די וועג דאס צו פארמיידן איז דורך שלעפן די קעיס, רופן סניגורים, וכו וכו ,
האט נישט די סנייפער באקומען טויט שטראף פאריגע וואך ,
ער האט געהאט א לויער, אמת , אפילו צוויי . אבער אין די ענד האט ער איינגענומען זיין טויט,
און די מידיא האט איהם נישט געגעבן א פלאטפארמע,
און מען האט איהם היגעריכטעט לעיני די באטרעפנדע משפחות,
סאדאם כוסעין האט מען געהרגעט , מיט זיינע לויערס אינאיינעם איא ?

און אלא מאי ביי די פריערדיגע אדמיניסטראציע איז געוועהן בעסער ווייל ער איז כמעט אכט יאהר געזיצן אין גיטמאו און געגעסן פרישטאג לאנטש נאכטמאהל פון "אייערע טעקס געלט " וואס איז בעסער ?

עניוועי טענקס פארן פרובירן מסביר צו זיין אבער ..... איך בין דום ? אפשר
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » זונטאג נובעמבער 15, 2009 12:21 pm

פרייליכערהייט ;l;p-

אבער צו פארגלעכענען צו די תורה איז נישט רייט.

די תורה האט נישט ג'הרג'ט קיין מענטש אן התראה, און מיט עדים לייוו, סאו לויט די תורה ווייס איך נישטעמאל צו מ'וואלט אים ג'הרג'ט...

די תורה איז צו ליבעראל???

נאר וואס דען, דאס איז נאר געזאגט געווארן ביי א מערדער פון צווישן אחינו בני ישראל, אבער למשל אזא גלית'ן האט מען אפגעהאקט דעם קאפ איינס צוויי...

נ'שוין, וועגן דעם לעבן מיר היינט אין צוואנציג'סטן יאר הונדערט, וואו אלע זענען גלייכבארעכטיגט
תכלית המבינות שנבין שאיננו מבינים...

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » זונטאג נובעמבער 15, 2009 12:29 pm

אייער צושטעל צו גלית פארשטיי איך אינגאנצן נישט

קודם כל ביי מלחמות האט דאך כלל ישראל אויסגעהארגעט טויזענטע און צעהן טויזענטע, א מלחמה איז דאך גאהר עפעס אנדערש,

אמעריקע הארגעט אויך אין די מאסן אין מלחמה , און אויף דעם איז דאך דא די דזשיניווא אינטערנאציאנאלע געזעצן און פארשריפטן וואס און ווען מלחמה הייסט,

און נאכדעם ביי גלית איז דאך געוועהן אזא מין קאנטעסט ער איז דאך געקומען אויף אזא שפיל נאר ער האט א טעות געהאט, בא להרוג ונמצא הרוג,

און אוודאי אז טאמער די עף סיקסטין'ס וואלטן באצייטנס אלארמירט געווארן , און ארויפגעיאגט אין די ניו יארקער הימלען תיכף ביים היידשעקינג וואלטן זיי אראפגעשאסן די פליגערס און פארמיטן די אטאקעס, כאטש אן א קארטס ערלויבעניש צו הרגענען אטא'ן מיט זיינע מענטשן ,

ביטע נישט צושטעלן דאס נישט צוגעשטעלטע,

און מיין צושטעל צו די תורה איז בלויז געוועהן די געדאנק , און כאב עס נאר גענוצט אויף אילוסטראציע ,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג נובעמבער 15, 2009 12:46 pm

פרייליכערהייט, דיין פענע מאכט מיר פרייליך...

כ'וועל בלויז צוגעבן וואס סענאטאר פעטריק לעהי האט יעצט אינדערפרי געזאגט אויף "סי בי עס ניוז".

ער האט זיך באצויגן איבער די שארפע אטאקע וואס דער רעפובליקאנער קאנגרעסמאן פיטער האקעסטרא איז ארויסגעקומען קעגן דער באשלוס פון עריק האלדער און דער פרעזידענט צו שטעלן קאליד שעיך מוכאמעד צום געריכט אין ניו יארק סיטי.

לעהי האט געזאגט אז "אנצוקוקן דאס פראצעסירן מוכאמעד'ן אין ניו יארק ווי א אקט פון זיך ברעכן פאר טעראר איז נאריש! דאס אפצוטייטשטן אז מען וויל אים צושטעלן א נארמאלע ציווילע געריכט ווי יעדער צווייטער אמעריקאנער בירגער איז פארקערט פונעם נארמאלן שכל".

"דאס אז מיר האבן נישט מורא אים צו ברענגען קיין ניו יארק, ווייזט אז אמעריקע האט נישט מורא צו עפענען אירע וואונדן ווען עס פעלט זיך אויס און דאס באהאנדלען אויף א סענטימענטאלע וועג. מען ברענגט אים קיין ניו יארק, טאקע אויפן ארט וואו עס זענען פארגעקומען די ביטערע אטאקעס וועלכע ער האט אזוי טייוולאניש אויספלאנירט. גענוי ווי מיר האבן נישט מורא געהאט צו פראצעסירן טימאטי מעגוועי אין א געהעריגן אמעריקאנעם געריכט".
א ליידיגער מאגן איז א נעגאטיווער ראטגעבער, טא עס עפעס!

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » זונטאג נובעמבער 15, 2009 12:50 pm

עסעפעס:
הייסט עס אז דער פעטריק לעהי ליינט מיינע תגובות ??

פיינע נייעס ,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג נובעמבער 15, 2009 12:52 pm

חחחחח פריילי

דא האסטו א לינק צו די נייעס איבער לעהי'ס סטעיטמענטס.
א ליידיגער מאגן איז א נעגאטיווער ראטגעבער, טא עס עפעס!

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » זונטאג נובעמבער 15, 2009 1:27 pm

פרייליכערהייט, הודה ולא בוש, ביסט גערעכט, ס'קיין פארגלייך, פארקערט, אינ'אמת'ן האב איך דיר גאר ארויסגעהאלפן. ליין איבער
תכלית המבינות שנבין שאיננו מבינים...

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג נובעמבער 15, 2009 1:29 pm

דא איז אמאל געווען אן אומאיינגענעמע הודעה.

(כדי מען זאל פארשטיין דעם המשך)
לעצט פאראכטן דורך שטארק זיך אום זונטאג נובעמבער 15, 2009 1:51 pm, מאל פאראכטן געווארן 1 סך הכל.
What's your MO? mine is
8373
-the KOLBE index
Know - Go - Show - GROW

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » זונטאג נובעמבער 15, 2009 1:39 pm

שטארק זיך, ביטע נישט ווערן פערסאנעל
דא איז א פלאץ פאר יעדעם מיט זיין מיינונג, ביטע נישט אריינברענגן די יוגנטליכע אנגעהיצקייט ווען יענער זאגט זיין מיינונג, און ענטפער מיט רעספעקט, און צו דער זאך
תכלית המבינות שנבין שאיננו מבינים...

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג נובעמבער 15, 2009 1:44 pm

מבין לעבן,

אוואו פעלט רעספעקט, יודל מענדלזאהן באדערט נישט ווען רופט עהם קאסערוועטיוו, טא, וואס איז די פראבלעם צו רופן איינעם ליבעראל?

זיי מסביר ביטע.
What's your MO? mine is
8373
-the KOLBE index
Know - Go - Show - GROW

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג נובעמבער 15, 2009 1:48 pm

דער פראבלעם איז דער וועג וויאזוי דו האסט אונז "מקבל פנים" געווען... שטארק זיך מאך זיך נישט נאריש, דו ווייסט גוט
א ליידיגער מאגן איז א נעגאטיווער ראטגעבער, טא עס עפעס!

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג נובעמבער 15, 2009 1:49 pm

אקעי איך מעק..

אז צווייי אידן פארשטייען אזוי מסתמא ליגט עפעס דערינען.

זייט מיר מוחל.
What's your MO? mine is
8373
-the KOLBE index
Know - Go - Show - GROW

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » זונטאג נובעמבער 15, 2009 1:51 pm

שטארק זיך

פארוואס לעיבלסטו?

פארוואס טעגסטו ?

אז איינער רעדט צו די זאך , וואס דארף מען טוהן ? אנרופן יענעם א מין נאמען און זיך פארשטעלן אז אויך אויף אנדערע אישוס האלט ער אזוי ?

דו ביזט דאך נישט קיין אגענדע געטריבענע , ביזט דאך נישט אין די מידיא וואס איז איינזייטיג און האקט טשייניקעס,

ביטע הער די רוף און זייזשע מסביר בטוב טעם ודעת וואס די פראבלעם איז

קענסט אפילו נאכזאגן וואס אנדערע זאגן שרייבן, אבער זאג עס אזוי אז סאל מאכן סענס אין א יידישע קאפ זאל עס פארשטיין,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג נובעמבער 15, 2009 1:52 pm

אנטשולדיגט, אנטשולדיגט, שוין געמעקט.
What's your MO? mine is
8373
-the KOLBE index
Know - Go - Show - GROW

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » זונטאג נובעמבער 15, 2009 1:59 pm

וואלסט נישט געדארפט מעקן...
תכלית המבינות שנבין שאיננו מבינים...

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג נובעמבער 15, 2009 2:09 pm

כ'האב איבער געלאזט א מזכרת...
What's your MO? mine is
8373
-the KOLBE index
Know - Go - Show - GROW

קעש פאר קלאנקערס
שר חמש מאות
תגובות: 913
זיך איינגעשריבען אום: דינסטאג אוקטובער 06, 2009 8:29 pm

תגובהדורך קעש פאר קלאנקערס » זונטאג נובעמבער 15, 2009 4:36 pm

עסעפעס אויב דו ברענגסט יא פון סי בי עס זייזשע מוחל און ברענג אויך די אנדערע זייט פון די מטבע ווי דער קאנגרעסמאן האט גאר גוט ארויס געברענגט די הימל שרייענדע עוולה, אז דער ארכי טעראריסט האט שוין געפליט גילטי!!! איז וואס ברענגט מען אים אהער דא בלויז צו שלעפן די צייט מיט לויערס וועלכע וועלן זיך שטעלן אויף פיץ פיצלעך.
כ'מיין אז ס'מלחמה צייטן יעצט, און אין מלחמה צייטן איז דא א קאורט פאר מלחמה פארברעכער ער האט נישט וואס צו זוכן אין א סיוועל קאורט מיט די בענעפיטס וואס דו און איך האבן.
יא פרייליך, ער איז געזעצן אכט יאר אין טורמע ווי מ'האט אים גוט געפייניגט (פרייליך שריי אריין "נעבאך"...) און אזוי ארום געוואוסט ווי זיך צו היטן דא אין די פאראייניגטע שטאטן.
די מידיא? כ'מיין דו ווייסט ווי אינזער מידיא שטייט היינט. אז די עי פי גיבט אריין א קלאגע אז מ'מוז ארויסגעבן פיקטשערס פון די מיליטער כאטש יעדער אין די פענטיגאן האלט אז דאס שטעלט סאלדאטן עט ריסק.
סאדאם כוסעין איז טאקע די בעסטע משל, כ'ווייס נישט אויב דו געדענקסט וואסערע ליצנות ער האט געמאכט פון אונז - און דאס איז נישט געווען אויף אונזער ערד, איז שטעל זיך פאר ווען ער איז דא מיט סאך נער בענעפיט.
בכלל, וועם גייט ער יא אהער ברענגען דא און וועם נישט? ווער ס'האט געגעבן געלט פאר זיין קאמפיין?
איך זאג עשה!

קעש פאר קלאנקערס
שר חמש מאות
תגובות: 913
זיך איינגעשריבען אום: דינסטאג אוקטובער 06, 2009 8:29 pm

תגובהדורך קעש פאר קלאנקערס » זונטאג נובעמבער 15, 2009 9:28 pm

פרייליכערהייט האט געשריבן:האט נישט די סנייפער באקומען טויט שטראף פאריגע וואך ,
ער האט געהאט א לויער, אמת , אפילו צוויי . אבער אין די ענד האט ער איינגענומען זיין טויט,


העיר יא גא!! ווילאנג האט גענומען זיין טרייעל?
איך זאג עשה!

אוועטאר
יודל מענדלזאהן
שר שלשת אלפים
תגובות: 3082
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

עולם הפוך: קהאליד שעיך מוחאמאד אין אמעריקאנע ציווילע געריכט

תגובהדורך יודל מענדלזאהן » דינסטאג נובעמבער 17, 2009 1:20 am

עולם הפוך: קהאליד שעיך מוחאמאד אין אמעריקאנע ציווילע געריכט

זייט מיר מוחל פאר נישט זיך אנרופן פריער. עס איז מיר פשוט געווען שווער צו גלויבן אז דאס איז א דבר הטעון הסבר. שיין האבן מיר דערלעבט...

אבער פטור בלא כלום אי אפשר.

עס ווייסט די גאנצע וועלט ווי דעמאקראטיש און נאענסטע צום סאמע שפיץ פון יושר די אמעריקאנע געריכט סיסטעם איז. צו פארמשפט ווערן אין אן אמעריקאנע געריכט איז א פריוויליגיע - א פריוויליגיע פון וועלכע נאר אמעריקאנער בירגער געניסן. פאר'משפט צו ווערן דורך א דזשורי וואס באשטייט פון בירגער דיינס גלייכן, a jury of your peers, איז א זאך פון וואס מערסטע בירגער איבער'ן גארער וועלט קענען נאר חלומ'ן. די זעלבע איז אויך שייך ביי אלע אנדערע הלכות מיט וועלכע אמעריקע'ס געריכט סיסטעם איז באקאנט. אין די לענדער פון וואו די אראבישע טעראריסטן שטאמען הערשט געווענליך די "שאריא" געזעץ אדער ענליכס, די סארט געזעץ וואס האקט אפ א האנט פאר אן " ספק ספיקא פון אבק גזל".
דא פרעגט זיך די ערשטע פראגע: מיט וואס האט קהאליד שעיך מוחאמאד פארדינט די רעכטן פון אן אמעריקאנע ציווילע געריכטליכע פראצעס? דערמיט וואס ער האט בארבאריש געמארדעט אמעריקאנע בירגער? דערפאר וואס ער האט פארשמירט זיינע הענט מיט אמעריקאנע [און להבדיל אידישע] בלוט, איז ער בארעכטיגט צו א דעמאקראטישע ציווילע געריכט פראצעס? וואו קומט דאס אז א מאסן מערדער וואס איז ניטאמאל אן אמעריקאנער בירגער, ווערט פלוצלונג געשאנקען בירגער רעכטן מיט אלע אמעריקאנער צוגלייך? וואו איז די לאגיק? וואו איז יושר?

בעצם דארף מען נישט געבן קיין לאנגע הסברים. אויב אמעריקע האט ערקלערט קריג קעגן טעראר, דאן פארוואס פארמשפ'ט מען א זעלנער פון די קעגנערישע ארמיי אין א ציווילע געריכט? נישט פארדעם איז די מיליטערישע געריכט געשאפן געווארן? פעט ביוקענען ברענגט קלאר ארויס די פונקט. יא, ער איז אן עקסטרעם רעכטער. אבער קבל את האמת ממי שאמרו. לייענט דורך זיין ארטיקל און פרובירט עס אפווענדען.

די פראבלעמען וואס אמעריקע קען זיך אנשטויסן אין א ציווילע געריכטליכע פראצעס קעגן א טעראריסט זענען פילצאליג. גענוג אבער טאמער מיר וועלן דערמאנען איין ווארט: CIPA.
וואס מיינט דאס? אהא! איר האט נישט געליינט אונזער ערשטע ארטיקל אין די סעריע פון "די אמעריקאנע ציווילע געריכט אין דינסט פון טעראר".

נאט אייך עטליכע פאראגראפן:
דער פראבלעם באשטייט אבער אין דעם אז אבאמא וויל פארמשפט'ן די טעראריסטן אויפ'ן זעלבן סיסטעם ווי די פון די '93 וואורלד טרעיד צענטער באמבאדירונג, און נישט אין א מיליטערישע געריכט. און דא, ווייל ער האט גענוצט זיין פרעזידענטליכע מאכט זיך צו מישן אין לעגאלע ענינים און אפשטעלן די מיליטערישע טריבונאלן, האט ער זיך זעלבסט פארוויקלט אין א פראבלעם וואס ער הויבט ניטאמאל אן צו פארשטיין די לעגאלע אספעקט דערפון, און אוודאי נישט די שרעקליכע קאנסעקווענצן.

דהיינו: דער פרעזידענט פארשטייט נישט די ראלע וואס די 'קלאסיפיצירטע אינפארמאציע פראצעדורן אקט' באקאנט אלס CIPA, שפילט אין א געריכט הויז. די CIPA געזעץ טיילט איין ווי אזוי געהיימע אינפארמאציע ווערט באנוצט אין א משפט. די זעקסטע אמענדמענט גאראנטירט די באשולדיגטע דאס רעכט צו וויסן ווער עס האט זיי באשולדיגט, און וואס די ראיות זענען, אבער די רעגירונג האט א וויכטיגע אינטערעסע אין א טעראר משפט למשל, נישט ארויסצוגעבן זייערע באווייזן, עדות, און מעטאדן פון זאמלען אינפארמאציע. אונטער די CIPA געזעץ, אין א קעיס וואו געהיימע אינפארמאציע ווערט גענוצט, האט די רעגירונג צוויי ברירות, אדער געבן זיי ארויס די אינפארמאציע, אדער קענען זיי עס אינגאנצן נישט נוצן אין געריכט.

די בוש אדמיניסטראציע האט באהאנדלט די טעראר ארעסטאנטן אנדערש, און זיי געשטעלט צום משפט פאר מיליטערישע געריכטן וואו די 6'טע אמענדמענט איז נישט געווען גילטיג, פארמיידנדיג א נאציאניאלע זיכערהייט געפאר. וואס איז די געפאר?

לאמיר נעמען אלס ביישפיל טאקע די פראצעס פון די 1993 וואורלד טרעיד צענטער טעראריסטן. מיר וועלן דא נישט רעדן פון דעם אז טייל פון די טעראר אטאקע פלאנירער האט מען פריי געלאזט, נאר שפעטער צו טרעפן פארמישט אין טעראר אין איראק. נאך וויכטיגער איז די פאקט, אז ווייל די פראצעס און אינפארמאציע איז געווען אפן, האט די על-קעידא זיך אויסגעלערנט ווי אזוי צו טוהן דעם דזשאב אסאך בעסער קומענדיגעס מאל, און אפילו די קלאסיפיצירטע אינפארמאציע וואס איז ארויסגעלייגט געווארן ביים פראצעס, איז אנגעקומען ביז אפאר וואכן אין די הענט פון אסאמא בין לאדען.

ווי אזוי, ווילט איר וויסן? די טעראריסטן האבן גענוצט א פשוטע טריק, און דערביי גוט אויסגענוצט די CIPA געזעץ. וויבאלד זיי האבן אונטער קלינטאן געהאט די זעלבע רעכטן ווי אמעריקאנע בירגער, האט דאך די געריכט זיי געמוזט צושטעלן אן אדוואקאט. זיי האבן אבער אפגעזאגט דעם אדוואקאט, און זיך אליין באשטימט אלס אייגענע אדוואקאטן. אזוי ארום האבן זיי באקומען דירעקטע צוטריט צו אלע קוואליפיצירטע דאקומענטן וועלכע וועלן אין געריכט גענוצט ווערן קעגן זיי, פונקט ווי אדוואקאטן באקומען אין יעדע קרימינאלע פראצעס כדי זיך צו קענען אנגרייטן א פארטיידיקונג. אט אזוי האבן זיי זיך פונקטליך אויסגעלערנט די אמעריקאנע שפיאנאזש מעטאדן און קוועלער - ווי אזוי מען האט זיי געכאפט, וואספארא אינפארמאציע מען ווייסט איבער זיי, און פון וואו מען איז דאס געוואויר געווארן, און אפילו ווער צווישן זיי איז א פאררעטער האבן זיי געקענט פון דעם פארשטיין. ווייל לאמיר זאגן אז עס ווערט געברענגט אינעם דאקומענט אז פון א געוויסע טעראר מיטינג אין עפעס א טעראר הייל האט די סי.איי.עי. זיך דערוואוסט אט די אינפארמאציע. נו, ווער נאך ווייסט אזוי גוט ווי די טעראריסטן ווער עס איז אנוועזענד געווען ביי די מיטינג, קען זיי דאך צוזאמשטעלן איינס מיט איינס און באלד כאפן ווער דער שפיאן איז. זיי ווייסט דאך פונקטליך יעדע איינצעלהייט פון די מיטינג, נאך בעסער ווי די שפיאנאזש אגענטורן.

זאל מען אונז דערפאר באשולדיגן אלס ווילדער קאנספיראציע טעאריסט פאר'ן העזה צו טראכטן אויב נישט טאקע אט די '93 משפט, האט פארגעברייט און ארויסגעהאלפן די טעראריסטן דורכצופירן די שרעקליכע 9/11 טעראר אקציעס.

די רעגירונג האט אין אזא פאל נישט קיין אנדערע ברירה, ווי זיך נישט צו באנוצן מיט די אינפארמאציע וועלכע ווייזט קליפ און קלאר אז די טעראריסטן זענען א געפאר פאר'ן מענטשהייט. דאן ווערט די אבסורדע צושטאנד, אין וועלכע די פארטיידיקער פארלאנגען ווי מער באווייזן, און דער פראקוראר וויל גאר ארויסגעבן ווי ווייניגער. נאך אלעם איז די אמעריקאנע לעגאלע סיסטעם נישט אויסגעשטעלט פאר אזעלכע וואס האבן נישט קיין פראבלעם מיט'ן פארמשפט ווערן צום טויט, אבי די טעראר זאל ווייטער אנגיין.

די דאזיגע טענה, און נאך, האט בורלינגעים ארויפגעברענגט ביי די מיטינג. אבאמא האט דערויף געענטפערט: "עס איז נישטא קיין אורזאך אז מיר זאלן זיי (פאר די טעראריסטן) ארויסגעבן אלעס." זעהט אויס אז אבאמא האלט אז אלס פרעזידענט קען ער אויסוועהלן וועלכע קאנסטיטוציאנאלע רעכטן יא צו שענקען פאר די טעראריסטן, און וועלכע נישט. ער פארגעסט אז אט דאס איז די הויפט טענה פאר וועלכן די דעמאקראטן קריטיקירן פרעזידענט בוש, אז ער האט געטוהן מיט די קאנסטיטוציע ווי אזוי עס איז אים געפאלן.

דער ווייסער הויז לעגאלע ראטגעבער גרעג קרעיג, וועלכער איז געשטאנען נעבן דעם פרעזידענט און אים 'אונטערגעזאגט' אזוי ווי ביים פארהער אין חדר, האט שפעטער אנערקענט פאר מס. בורלינגעים אז דער פרעזידענט האט נישט ריכטיג אויסגעלייגט די געזעץ ביים שמועס מיט די פאמיליעס. דא האט ער מודה געווען אז ער אליין האט גארנישט געטראכט פון דעם פראבלעם ווען ער האט איר געפרעגט אויב CIPA איז אויך גילטיג אין א משפט וואו טעראריסטן פארטיידיגן זיך זעלבסט, זאגנדיג אז "דאס איז א זאך וואס מיר האבן נישט געקלערט פון." אויב נאר פון דעם לעצטן זאץ, קענען מיר קלאר דרינגען, אז די באשלוס זיך צו איילן מיט'ן שפארן פון גוואנטאנאמאו און די מיליטערישע טריבונאלן איז געווען אן אומצוגעגרייטע פאליטישע שפיל, און קען גאנץ מעגליך ברענגען גרויס שאדן פאר'ן נעשאנעל סעקיוריטי פון די פאראייניגטע שטאַטן.

דער פרעזידענט האט צוגעזאגט אז די טעראריסטן וועלן געברענגט ווערן צו "שנעלע און זיכערע גערעכטיגקייט", אבער עס ווערט איצט קלאר אז די גערעכטיגקייט וועט נישט קומען שנעל, איז אינגאנצן נישט זיכער, און אין ענדע וועט עס מעגליך גארנישט זיין גערעכט.

ע"כ א טייל פון די ארטיקל. זוכט עס אויף דא אין קרעטשמע.

צו דעם קומען נאך צו די סעקיוריטי פראגעס פון פארזיכערן די שטאט. וואס איז איצט איז די געשמאקסטע פאנטאזיע פון א מוסלעמענער טעראריסט, ווייסט איר? זיך אויפצורייסן אין א טראק פארנט פון די געריכט הויז, אדער אמווייניגסטנס ערגעץ-וואו אין די געגענטץ הייסט עס אלזא אז די אבאמא אדמיניסטראציע האט דא אריינגעשטעלט אין געפאר ניו יארקער איינוואוינער. פארוואס? וואס זענען זיי נעבעך שולדיג? זיי האבן נישט גענוג אריינגעכאפט סעפ. 11?

פיל זאגן אויך אז מען רעכנט זיך נישט מיט די געפילן פון די געליטענע פאמיליעס, וועמען די אדמיניסטראציע טרעט דא אויף די הינער אויגן און גיסט זאלץ אויף אומ-פארהיילטע וואונדן.

אזוי נישטערנ'דיג טרעפן מיר דא אין קאמפיוטער בוזעם נאך אן ארטיקל וואס איז שטארק נוגע צו די איצטיגע הייסע טעמע:

קריג'ס פארברעכער אין א ציווילע געריכט הויז

- יודל מענדלזאהן -

ענגלישע פראקוארן האבן די וואך געהאט א געלעגענהייט צו קאסטן דעם טעם פון פאר'משפט'ן מלחמה פארברעכער אין א ציווילע קרימינאלע יוסטיץ סיסטעם.

און דער טעם איז אינגאנצן נישט געשמאק.

די בריטישע רעגירונג האט באקומען א געמישטע פסק אין דעם משפט פון די אכט טעראר פארדעכטיגטע וועלכע זענען אנגעקלאגט געווארן אין פלאנירן אויפצורייסן עטליכע עראפלאנען העכער'ן אטלאנטיק פון ענגלאנד קיין צפון אמעריקע דעם זומער פון 2006.

א דזשורי האט נאר געפינען 3 פון זיי שולדיג אין קאנספרירן צו מארדן, און די פראקוארן האבן נישט געקענט ארויסבאקומען קיין איינציגע באשולדיגונג אויף די גרעסערע 'טעראר קאנספיראציע' קלאגע, ווייל אז די פארדעכטיגטע האבן געפלאנט אויפצורייסן עראפלאנען.

די דזשורי האט נישט איינגעזעהן, טראץ דעם פאקט אז די פאליציי האבן געטראפן גענוג און נאך פליסיגע אויפרייס מאטעריאל, בעסער באקאנט אלס 'היידראדזשען פעראקסייד' ביים באהעלטעניש ארט פונעם גרופע, אינאיינעם מיט די איינצעלהייטן פון פילע טראנס-אטלאנטיק פלי-רייזעס.

אויב די אויבענדערמאנטע איז נישט גענוג, האט מען אויך געוויזן אין געריכט 'מארטירער' ווידיאוס פון 6 פון די פארדעכטיגטע. אין די ווידיאוס זאגן זיי קלאר וואס זייערע פלענער זענען, און זיי בארעכטיגן זייערע געפלאנטע שריט אנטקעגן אומשולדיגע ציווילע בירגער, רעדנדיג מיט האס קעגן די מערב וועלט בכלל, און אמעריקע, ענגלאנד, און די אידן בפרט.

עס איז פארהאן נאך פיל באווייזן קעגן די טעראריסטן, אבער די פראקוארן האבן נישט אלעס געקענט ארויסשטעלן, ווייל דאס וואלט אנטדעקט די שפיאנאזש מיטלען און געשטעלט אין געפאר געוויסע אגענטן.

נאך די לעצטע אורטייל, איז אבער א גרויסע ספק אויב די איבריגע באווייזן וואלט געהאלפן ארויסבאקומען א שולדיג אורטייל קעגן די טעראריסטן. די ציווילע מענטשען וועלכע דינען אויפ'ן דזשורי, האבן קיין קריג נישט מיטגעמאכט. זיי פארשטייען נישט דעם דזשיהאד מענטאליטעט און קענען גארנישט דערהייבן מיט זייער פלאכקעפיגקייט אז עס זענען פארהאן מענטשען וועלכע ווילן זיי פראסט דערמארדן אין נאמען פון זייער אללא, אן קיין פארוואס.

די איינציגסטע אנדערע אויסוועג פאר די ענגלישע אויטאריטעט'ן וואלט געווען, צו ווארטן ביז ווילאנג די אראבער זענען שוין אונטערוועגנס אויסצופירן זייערע גרויזאמע אקציעס, און זיי אפהאלטן דאן. דאס איז אבער געווען צו א גרויסע ריזיקע, און נעמענדיג אין באטראכט וואס עס שטייט דא אין קאן, האבן די פאליציי באשלאסן זיי צו ארעסטירן פריער.

אבער די תירוץ העלפט נישט פאר די פאליציי אין דער ציווילער געריכט. זייער טעראר פראבלעם - מיינסטענס פון היימישע, ענגלאנד געהאדעוועטע אראבער, וועלכע רעדן ענגליש מיט'ן פערפעקטן ענגליש'ן אקצענט – איז דאס אז די טעראר פלאנירער קענען פאדערן זייערע 'רעכטן', און עס טאקע באקומען אין די בריטישע ציווילע געריכט.

פון ענגלאנד'ס געריכטליכע דורכפאל קען מיר אבער פארשטיין די גראדע לאגיק פון די אמעריקאנע טעראר פאליסיס – און מיר מיינען טאקע די געהיימע מיליטערישע טריבונאל'ן אין גוואנטאנאמאו בעי, וועלכע די ליבעראלע שרייען געוואלד אז עס פארלעצט די מעעענטשן רעכטן... מענטשן רעכטן? גאנץ רעכט ווען עס רעדט זיך פון מענטשן, ווי איז אבער ווען מען האנדלט מיט טייוול'ן?

די ליבעראלן פארלייקענען די 'מלחמה קעגן טעראר' כאילו עס עקזיסטירט נישט, און ווען זיי זענען יא מודה דערין, זאגן זיי אז די אמעריקאנע האבן זיך עס אליין אנגעברענגט. אט די ליבעראלע זענען די אורזאך פארוואס מיר דארפ'ן אנהאלטן א שטארקע אפענסיווע קעגן די טעראריסט'ן באשר הוא שם, אוואו זיי זאלן זיך נישט געפינען. ווייל נאך אלעם, מערב-וועלט ליבעראלע-ציווילע יוסטיץ-סיסטעמ'ן זענען נישט אויפ'ן שפיץ פון על-קעידא'ס דאגות ליסטע. אונזערע געריכטן דערשרעקן זיי גאנץ קנאפ.

אט אזא טעם האט עס ווען טעראר-קריג'ס פארברעכער באקומען די רעכטן פון ציווילע בירגער און ווערן אנגעקלאגט אין א ציווילע געריכט. ווירקליך, א נותן טעם לפגם...

ע"כ פון די ארטיקל.

נאך אלע טענות, סיי די וואס מיר האבן ארויפגעברענגט און נאך צענלדיגע שטארקע ארגומענטן וואס מיר האבן נישט דערמאנט, קומען מיר צוריק צום ערשטן פראגע:

מיט וואס האט קהאליד שעיך מוחאמאד פארדינט די רעכטן פון אן אמעריקאנע ציווילע געריכטליכע פראצעס?

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » דינסטאג נובעמבער 17, 2009 7:51 am

יודל. גאר גוט ארויסגעברענגט - ווי אלעמאל - און יישר כח פארן זיך אנרופן.

גייט דאס דא אויך גיין דורך א דזשורי?
איך בין צייטליך און איך האב עפראווד די תגובה.

אוועטאר
שמאטע
שר שלשת אלפים
תגובות: 3173
זיך איינגעשריבען אום: דאנארשטאג מארטש 26, 2009 3:40 pm

תגובהדורך שמאטע » דינסטאג נובעמבער 17, 2009 11:09 am

יודל מענדלזאהן האט געשריבן:ע"כ א טייל פון די ארטיקל. זוכט עס אויף דא אין קרעטשמע.


1
http://www.yiddishworld.com/forum/index ... =viewtopic

2
http://www.yiddishworld.com/forum/index ... =viewtopic

3
http://www.yiddishworld.com/forum/index ... =viewtopic
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » דינסטאג נובעמבער 17, 2009 11:48 am

יודל, אוויא אימער, שטאנדהאפטיג, קלאר און פראפעסיאנאל,

יישר כוח פאר'ן זיך אנרופען.
What's your MO? mine is
8373
-the KOLBE index
Know - Go - Show - GROW

אוועטאר
געלעגער
שר עשרת אלפים
תגובות: 11885
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » דינסטאג נובעמבער 17, 2009 7:18 pm

יודעלע, מתוק מתוק....

אזוי שיין צולייגט, אזש ס'לאזט זיך נישט טראכטען וואו אזוי א בר דעת קען טראכטען אנדערש,
מיר ווארטען אז די אידן וואס האבען פריערט געשריבן אז זיי פארשטייען נישט די פראבלעם, זאלען יעצט צוריק קומען זאגן צו זיי פארשטייען שוין,

נאכאמאל ש'כח יודל,

קעש פאר קלאנקערס
שר חמש מאות
תגובות: 913
זיך איינגעשריבען אום: דינסטאג אוקטובער 06, 2009 8:29 pm

תגובהדורך קעש פאר קלאנקערס » דינסטאג נובעמבער 17, 2009 8:52 pm

יודלע! כ'גיי מאכן קאפי פעיסט פון מיין פריעדיגע ארטיקל.
ווי אלעמאל - דע בעסט!!!
איך זאג עשה!

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » דינסטאג נובעמבער 17, 2009 9:31 pm

דא פרעגט זיך די ערשטע פראגע: מיט וואס האט קהאליד שעיך מוחאמאד פארדינט די רעכטן פון אן אמעריקאנע ציווילע געריכטליכע פראצעס? דערמיט וואס ער האט בארבאריש געמארדעט אמעריקאנע בירגער? דערפאר וואס ער האט פארשמירט זיינע הענט מיט אמעריקאנע [און להבדיל אידישע] בלוט, איז ער בארעכטיגט צו א דעמאקראטישע ציווילע געריכט פראצעס? וואו קומט דאס אז א מאסן מערדער וואס איז ניטאמאל אן אמעריקאנער בירגער, ווערט פלוצלונג געשאנקען בירגער רעכטן מיט אלע אמעריקאנער צוגלייך? וואו איז די לאגיק? וואו איז יושר?


כפארשטיי נישט, וואספארא געזעץ זאגט אז נאר אמעריקאנע בירגער האבן די רעכט ? די געזעץ זאגט - און די קאנסטיטוציע פארלאנגט אז "אזוי משפט מען אין די פרייע דעמאקראטישע מדינה-די יונייטעד סטעיטס אף אמעריקא" נישט מאכנדיג קיין חילוק צו ער איז אן אמעריקאנער בירגער צו א געבוירענע אמעריקאנער, דארט איז אויך נישט מבואר קיינע חילוקים צו ער האט פארשמירט זיינע הענט מיט אמעריקאנע (און להבדיל אידישע) בלוט, און די קאנסטיטוציע מאכט זיך אויך נישט וויסנדיג צו ער איז א מאסן מערדער צו ער האט געמארדעט איין פערזאן, אין קורצן אזוי: "אזוי משפט מען אין אמעריקא מענטשן [ליין: אויך אום מענטשן ווי למשל טעראריסטן] וואס האבן אויסגעפירט קרימינאלע אקטן און געטרעטן אויף די געזעץ פון לאנד אא"וו,
אזוי האט מען געמשפט טימאטי מעקוועי, כאטש ער האט פארשמירט זיין האנט מיט אמעריקאנע בלוט, און האט געהאט די סטאטוס פון א טעראריסט, און אזוי האט מען געמשפט די סנייפער פון ווירדשיניע כאטש מען איז אין מלחמה מיט טעראר און ער איז געוועהן פון זייערע פוסגייער, ....
פרעגסט ווי איז דער לאגיק ? פארוואס איז עס נישט לאגיש, אויב דאס איז די חוק המדינה, פרעגסט וואו איז יושר, פארוואס איז דאס קעגן ישרות, אויב דאס איז די טרוקענע געזעץ,

לאמיר אצינד ווייטער גיין:

בעצם דארף מען נישט געבן קיין לאנגע הסברים. אויב אמעריקע האט ערקלערט קריג קעגן טעראר, דאן פארוואס פארמשפ'ט מען א זעלנער פון די קעגנערישע ארמיי אין א ציווילע געריכט? נישט פארדעם איז די מיליטערישע געריכט געשאפן געווארן? פעט ביוקענען ברענגט קלאר ארויס די פונקט. יא, ער איז אן עקסטרעם רעכטער. אבער קבל את האמת ממי שאמרו. לייענט דורך זיין ארטיקל און פרובירט עס אפווענדען.


אמת אמעריקא האט ערקלערט קריג קעגן טעראר, איז דאס א קריג קעגן א לאנד ? קעגן א פאלק ? עס איז קעגן א מציאות קעגן א מצב קעגן א פירונג, און די מלחמה איז אויסצוראטן די טעראר פון די וועלט, און זי טוט דאס דורך אסאך וועגן,
א' זי טוט אויסראטן די טאליבאנער ב' זי טוט נאכיאגן און כאפן טעראריסטן ג' זי ברעכט טעראריסטישע נעטווארקס ד' זי פארמשפט די טעראריסטן בדבר אשר זדו עליהם, איז דאס שוין א קריג וואס האט דיני מלחמה בין מדינה למדינה פארפלוכטעט דורך די דשעניווא אפמאכן זיך אומצוגיין מיט דרכי מלחמה ? געט דאס שוין פאר די טעראריסטן וואס זענען גראדע די מיטל פאר טעראר "א קריגס געפאנגענע" סטאטוס וואס בארעכטיגט איהם צו משפטן אין א מיליטערישע טריבונאל ? א מלחמה האט א אינטערנאציאנאלע אפטייטש, און אויב די תנאים ווערן נישט נאכגעקומען אפילו די צד שכנגד האט אויסגעפירט בארבארישע מעשים אשר לא יעשו גייט עס נישט אריין בגדר מלחמה, דאס אז טעראריסטן זענען א מיליטער פון א לאנד איז קלאר א פאלשע טייטש, און א דירעקטע אפנויג פון די ריכטיגקייט,
פרעגסט צו נישט פארדעם איז די מלחמה געריכט געשאפן געווארן ? די תירוץ איז ניין! די מיליטערישע געריכט איז געשאפן געווארן צו משפטן מלחמה פארברעכער,

כוועל נאך אי"ה צוריקקומען צו די אנדערע טענות, אין א אנדער געלעגנהייט, שכוח פארן אויסהערן,
קעש: לייג אויך צו א אויער,
לעצט פאראכטן דורך פרייליכערהייט אום דינסטאג נובעמבער 17, 2009 9:55 pm, פאראכטן געווארן 2 מאל סך הכל.
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: yid101 און 36 געסט