דשי. עם. דארף הילף!

באריכטן און אנאליזן

די אחראים: אחראי, געלעגער

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

דשי. עם. דארף הילף!

תגובהדורך סתם_אזוי » דאנארשטאג נובעמבער 13, 2008 12:06 pm

דשענעראל מאטארס (אדער וואו מען רופט זיי "דשי. עם.") איז אויף געהאקטע צרות. זיי האבן געמאלדן אז אויב ביז אפאר וואכן וועט די רעגירונג זיי נישט העלפן מיט ביליאנען דאללאר וועלן זיי דארפן פיילן טשעפטער 11. די אנדערע צוויי קאמפאניס זענען גארנישט בעסער. פארד האט באריכטעט גרויסע פארלוסטן די לעצטע פאר חדשים. און די אנדערע, וויאזוי הייסט עס נאר? אה! קרייסלער איז אויך טיף אין די ערד.

דשי. עם. איז די ערשטע געלאפן צו די רייכע פעטער און געבעטן מען זאל זיי געבן אביסל פון די שטייערן וואס איך צאל. בוש האט זיי זייער קלאר געזאגט אז אויב זיי האבן נישט גוט געפירט זייער ביזנעס די לעצטע פאר יאר, איז זיי קיינער גארנישט שולדיג. זיי קענען טרעפן א צווייטן פון וועמען צו שנארען געלט. און בכלל קען נישט די פעדעראלע רעגירונג אפקויפן יעדע קאמפאני וואס האט פראבלעמען.

אבאמא האט זיך יא ווארימער אנגערופן צו די וויי געשריי פון דשי. עם. און געזאגט אז ווען ער וועט אריינגיין אין אמט, וועט ער זיי טרייען צו העלפן מיט עפעס. דשי. עם. זאגט אז דעמאלטס קען שוין זיין צו שפעט.


איך פערזענליך זעה נישט פארוואס מען דארף העלפן דשי. עם. אויב איך וועל איין טאג אויפמאכן א סטאר, און עס וועט גיין שלאפן, וועל איך אויך קענען באקומען געלט פון אבאמא? אויב נישט, דאן פארוואס זאל דשי. עם. יא באקומען?

איך בין נייגעריג וואס ענק האלטן.


(מנהלים, אויב דאס קומט אונטער אן אנדערע אשכול, ביטע אהינלייגן)
איך האב עס געזאגט.... סתם אזוי. איך האב עס געפרעגט.... סתם אזוי.

לעווי
שר האלף
תגובות: 1914
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג נובעמבער 13, 2008 12:48 pm

הע סטאמי, וואס מאכסטו?

ווען דיין טוי קארעלע ביזנעס גייט ח"ו שלאפן וועסטו אפשר דארפן הילף חתונה צו מאכן דיינע קינדער, אויך דיין סעילסלעידי'ס מאן וועט אפשר מוזן ארויס גיין פון כולל און זוכן א דזשאב, און דערנאך וועט די רעגירונג פארלירן אפשר צען טויזנט דאלער א יאר שטייערן, און אויך וועלן זיי פארלירן ווייל דו וועסט מוזן נעמען מעדיקעיד און פודסטעמפס צו קענען לעבן. אבער דאס איז, נישט געפערליך פאר א מאלטי טריליאן דאלערדיגע רעגירונג.

ווען GM גייט פייפן מיינט עס - צווישן אנדערע - די פאלגענדע:

1)הונדערטער טויזנטע פאלירן דזשאבס, און די אנאימפלוימענט רעיט גייט ארויף ביג טיים.
2)דורך דעם וועלן אלע קלענערע ביזנעסער, ווי גראסערי און קליידער סטארס, און אנדערע געשעפטן פארלירן די ביזנעס פון די הונדערטער טויזנטער אנאימפלויד חברה ווייל זיי האבן נישט קיין געלט צו קויפן.
3)די אלע קאמפאניס וואס מאכן די פארטס פאר GM וועלן גיין שלאפן מיט זייערע צענדליגע טיזנטער ארבייטער און די זעלבע ווי אויבן וועט געשעהן צו זיי אויך.
4)די רעגירונג וועט פארלירן ביליאנען אין טעקס געלטער, און דארפן ספענדן ביליאנען אין וועלפעיר, מעדיקעיד, און פודסטעמפס.
5)מענטשן וועלן קויפן מער אויסלענדישע קארס, וואס דאס איז איינער פון די קרעסטע גורמים פון אינפלאציע וואס איז גורם אז די סטאק מארקעט זאל אראפ גיין.


דאס איז נאר א קליינע טייל פון די סייד עפעקטס וואס וועלן קומען נאך דעם וואס GM גייט באנקראט, דאס איז אויסער דעם וואס אנאימפלוימענט איז גורם אז די מאסן ווערן אויפגערעגט און האבן צייט צו דעמאנסטרירן אויף יעדע נארישע זאך און איז גורם אומסטאביליטעיט אינעם לאנד.

בקיצור ווען אמעריקא גיבט אדער בארגט GM פופציג ביליאן דאלער, שפארען זיי זיך איין אין די לאנג ראן אסאך אסאך מער פון דעם. דאס איז אויסער וואס ווען GM גייט קראכן וועלן מענטשן נאך מער פארלירן זייערע זיכערהייט אין די מארקעטס און וועלן ווייניגער אינוועסטן אין איר, ווי אויך קען עס ציגרונד לייגן גאנצעטע געגנטער וועלכער לעבן אויף די אויטא אינדאסטריע.

פארשטייסט שוין די חילוק צווישן GM און 'סתם אזוי'?

יעצט צו די רעגירונג זאל טאקע ארויס העלפן GM אדער נישט בין איך אליינס נישט זיכער וואס איך האלט, אויב איך וועל האבן צייט שפעטער וועל איך מאריך זיין אין דער ענין אביסל און מסביר זיין די צדדי האיבעי'.
ארויף קריכט מען פאוואליע, אבער אראפ קוילערט מען זיך שנעל!

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג נובעמבער 13, 2008 12:49 pm

GM איז א יוניאן קאמפאני וואס פארפיגט איבער צענדליגער טויזנטער ארבייטער, אויב גייט ער קראכן וועט די עקאנאמי זיך נאכשלעפן אונטער אים.
שוש אשיש בה', תגל נפשי באלקי! (ישעיה סא)

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג נובעמבער 13, 2008 12:56 pm

ר' לעווי,וואס איך מאך? איך מאך א קאראלע קאמפאני :lol:

איך געב דיר 100% גערעכט. מען דארף "עפעס" טון זיי צו ראטעווען. אבער פארוואס זאל א צווייטע גרויסע קאמפאני (למשל ???) וואס זעהט אז די רעגירונג העלפט אזוי גרינג ארויס דשי. עם. נישט מאכן די זעלבע פעלערס וואס דשי. עם. האט געמאכט, מיטן חשבון אז אויב עפעס דראסטיש געשעט, האבן זיי א רייכע פעטער וואס וועט זיי ארויסהעלפן.
לעצט פאראכטן דורך סתם_אזוי אום דאנארשטאג נובעמבער 13, 2008 1:04 pm, פאראכטן געווארן 2 מאל סך הכל.
איך האב עס געזאגט.... סתם אזוי. איך האב עס געפרעגט.... סתם אזוי.

לעווי
שר האלף
תגובות: 1914
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג נובעמבער 13, 2008 1:02 pm

סתם_אזוי האט געשריבן:ר' לעווי, איך געב דיר 100% גערעכט. מען דארף "עפעס" טון זיי צו ראטעווען. אבער פארוואס זאל א צווייטע גרויסע קאמפאני (למשל ???) וואס זעהט אז די רעגירונג העלפט אזוי גרינג ארויס דשי. עם. נישט מאכן די זעלבע פעלערס וואס דשי. עם. האט געמאכט, מיטן חשבון אז אויב עפעס דראסטיש געשעט, האבן זיי א רייכע פעטער וואס וועט זיי ארויסהעלפן.


איך זעה אז דו האסט נישט גוט געליינט מיין תגובה, איך האב אין ערגעץ נשיט געשריבן אז די אמעריקא זאל געבן GM די געלט. איך האב דיר פשוט מסביר געווען פארוואס די גאווערנמענט קאנסידערט עס, און פארוואס אויב א שפוט'ע מענטש גייט באנקראט קען ער קיין טענות נישט האבן.

צו די רעגירונג זאל למעשה העלפן א קאמפאני וואס האט געפירט זיער בינעס ווי צולאזטע משוגעים פאר די לעצטע אכט יאר? דאס ווייס איך שוין נישט, פון איין זייט וויל איך נישטגעבן א REWARD פארן פירן א ביזנעס שלעכט. פון די אנדערע זייט וועל איך אליינס דאך ליידן פון די צוזאמפאל פון אזא קאמפאני. די גאצע לאנד קען ליידן אויב די רעגירונג וועט מאכן די ריכטיגע און יושר'דיגע באשלוס.
ארויף קריכט מען פאוואליע, אבער אראפ קוילערט מען זיך שנעל!

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג נובעמבער 13, 2008 4:07 pm

סאו אין אנדערע ווערטער זאגסטו "די ריכטיגע און יושר'דיגע באשלוס" איז אז מען דארף זיי נישט געבן קיין געלט. די שאלה איז נאר צו מען זאל מאכן די יושר'דיגע באשלוס צו נישט. האב איך גוט פארשטאנען?
איך האב עס געזאגט.... סתם אזוי. איך האב עס געפרעגט.... סתם אזוי.

אוועטאר
מאשקע
מ. ראש הקהל
תגובות: 12552
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » דאנארשטאג נובעמבער 13, 2008 7:03 pm

לעווי, דו האסט מיך פשוט אויפגעקלערט. ס'איז מיר פארענטפערט געווארן די הארבע קשיא.
An article a day keeps the babies away

אוועטאר
קאלטס און ווארעמס
שר מאה
תגובות: 155
זיך איינגעשריבען אום: מאנטאג נובעמבער 10, 2008 4:05 pm
פארבינד זיך:

תגובהדורך קאלטס און ווארעמס » דאנארשטאג נובעמבער 13, 2008 7:22 pm

אין אנדערע צייטן, ווען מען קען זיך ערלויבן לויטן מצב אין לאנד, וואלט ווען יעצט פעטר שמואל געדארפט געבן א לעסן פארGM אז עס זאל זיך קיינעם נישט גליסטן נאכאמאל אזוי צופירן אזא גויסן פארצוויגטן ביזנעס וואס שלעפט אריין די גאנצע לאנד ווי לעווי האט פריער געשריבן אבער אזוי ווי די מצב איז יעצט זאל דער אייבערשטער אפהיטן וואס עס קען געשען אויב מען וועט זיי נישט אויסלייזן ווי אויבן דערמאנט :-(

אוועטאר
מאשקע
מ. ראש הקהל
תגובות: 12552
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » דאנארשטאג נובעמבער 13, 2008 8:12 pm

אין אנדערע צייטן, ווען די עקאנאמיע וואלט גוט געווען, וואלט מען דאך בכלל נישט געדארפט צוקומען דערצו. כאפסט? מיט דריי יאר צוריק האט מען פון קיין בעיל-אוט נישט געהערט.
An article a day keeps the babies away

ווייסעך וואס
שר חמש מאות
תגובות: 548
זיך איינגעשריבען אום: מיטוואך נובעמבער 05, 2008 7:06 pm

תגובהדורך ווייסעך וואס » דאנארשטאג נובעמבער 13, 2008 9:01 pm

מיר איז אינטערסאנט עפעס אנדערש!

פארוואס זענען די פינאנציעלע אינסטוטושענס מער מיוחסים פון די אויטא אינדוסטריע?

איך רעד נישט פון דעם עפעקט וואס עס קען האבן אויף די אמעריקאנער עקנאמיע, איך וויל אויסשמועסן דא א צווייטע פוינט!

וועם קען מען מער בלעימען? די גרויסע בענק וואס האבן געפירט א הפקר ווערטשאפט און געטיילט מארטדעגשעס אן קיין חשבון, צו די קאסטעמערס וועלן יא קענען באצאלן צו נישט, אדער די עקזעקעטיוון פון די אויטא-פירמע'ס?

כמיין אזוי צו זאגן, די אויטאמאביל-פירמעס פירן זייער ביזנעס לויט די אומשטענדן, אבער מען האט שוין געהערט אז א ביזנעס גייט נישט, מען מאכט א שלעכטן ביזנעס דעסעזישן, ווצב"ש: דזשי עם האט אינוועסטירט אין די האמערס, ווייל 5 יאר צוריק איז עס געווען דער חלום פון אן אמעריקאנעם יענקי צו דרייוון א כמו מיליטערישן האמווי, און בשעתו איז עס גוט געגאנגען, איינמאל די אויל פרייזן האבן אנגעהויבן ארויף צו פארן איז די גאנצע האמער אינוועסמענט געגאנגען קראכן.

משא"כ ביי די בענק זיי זענען דאך הפקר יונגען, פארוואס בארגסטו אוועק יענעמס געלט פאר צווייפל האפטיגע פארשוינען.

עס איז אינטערסאנט אנצומערקן אז איין באנק האט טאקע דורך געשוויצט (ביזדערווייל) דעם גאנצען קריזיס, דאס איז טשעיס קוק דא, דאס איז געווען די קאווער פעידש פון די פאפאלערע מאגאזין Fortune אין סעפטעמבער, זיי ברענגען ארויס אז דער טשיף עקזעקעטיוו פון טשעיס, דשעימי דיימאנד שמו, איז טאקע געווען זייער קאנסערוועטיוו מיט די סוב פריים מארטגעדשעס, און וועגן דעם האבן זיי דורך געשוויצט דעם קריזיס, דער דעקל פון די אויסגאבע שרייט "די סורווייוערס" The survivors.

עכ"פ מיר איז אינטערסאנט פארוואס איז דא סופארט פאר די בענק, אינוועסטמענט, אינשורענס פירמעס, מער ווי פאר אנדערע.
תכלית הידוע שלא נדע

לעווי
שר האלף
תגובות: 1914
זיך איינגעשריבען אום: זונטאג יוני 22, 2008 12:04 pm

תגובהדורך לעווי » פרייטאג נובעמבער 14, 2008 10:05 am

סתם_אזוי האט געשריבן:סאו אין אנדערע ווערטער זאגסטו "די ריכטיגע און יושר'דיגע באשלוס" איז אז מען דארף זיי נישט געבן קיין געלט. די שאלה איז נאר צו מען זאל מאכן די יושר'דיגע באשלוס צו נישט. האב איך גוט פארשטאנען?


איך ווייס אליינס נישט וואס 'איך' האלט, איך וועל נאך אמאל איבער חזרן די ווערטער וואס איך האב פריער געזאגט.

יעצט צו די רעגירונג זאל טאקע ארויס העלפן GM אדער נישט בין איך אליינס נישט זיכער וואס איך האלט,


איך פארשטיי אבער די סברות לכאן ולכאן. קען זיין אז מען דארף יעצט ארויסבעילין GM צוליב די חשבן וואס איך האב אויבן געמאכט. קען זיין אז מען זאל בעסער נישט ארויס העלפן GM ווייל איה"נ אפשר אין די קומנדיגע פינף צען יאר לוינט זיך בעסער זיי יא ארויס צו העלפן, אבער אין די לאנג ראן אויב זיי גייען יא באנקראט, פאר די נעקסטע הונדערט יאר וועלן אלע געדענקן נישט נאך צו מאכן די זעלבע נארישקייטן וואס GM האט געטון און עס וועט פארזיכערן אז אזא זאך זאל נישט געשעהן נאך אמאל.

בכלל זענען דא וואס טענה'ן אז בעצם וועט עס נישט האבן אזא שטארקע עפעקט אויף די עקאנאמיע אויב זיי גייען שלאפן, ווייל לויט געוויסע אנאליסטן וועלן זיך נאר איינס אדער צוויי פון די אוטא פירמעס זיך פארשפארן, און די איבערגעבליבענען פירמע/ס (לכאורה פארד) וועט איבערנעמען זיבעציג אדער אכציג פראצענט פון די ביזנעס וואס די אנדערע האבן איבערגעלאזט. סאו ממילא וועט עס נאר האבן א דרייסיג פראצענט רעדוקציע אין די אויטא אינדאסטריע פון אעריקא.

לדעתי איז נאריש צו פרעגן פארוואס די בענק יא און די אוטא פירמעס נישט, ווייל די בענק זענען די וואס די גאנצע עקאנאמיע איז געוואנדן אין זיי. א יעדע גרויסע באנק האט אינטער זיך צענדליגע אדער הונדערטער פירמעס אין די גרויס פון GM וואס וועלן גיין באנקראט אויב זיי גייען באנקראט.

און איה"נ זייער אסאך פאליטיקאנטן ספעציעל די עקסטרעם קאפאטיליסטן/קאנסערוויטיוון זענען געווען אקעגן די בעילאוט פון די בענק. זיי האבן געהאלטן אז אויב מען וועט יעצט לאזן די בענק אונטער גיין (נאך אמאל נאר אפאר וואלטן אונטער געגאנגן און די אנדערע ואולטן זיך געבויט אויף די נייע ביזנעס וואס זיי באקומען דורך דעם) וועט יעצט זיין א שווערע ריסעסיע, אבער מען וואלט זיך אויבגעלערנט ווי אזוי צו פירן בינעס ווי א נארמאלע מענטש און פאר די קומענדיגע הונדערט יאר וואלטן אלע קאמפאניס געוואוסט ווי צו פירן זייערע ביזנעס אן נעמען גרויסע ריזיקעס.

בכלל איז דא וואס טענה'ן אז די בעילאוט וועט בעקפייערן אין אפאר יאר ארום. ווייל היות די רעגירונג גייט זיין אינוואלווד אין אזויפיל פירמעס/בענק וכדו'... וועט די אווערהעד פון ביוראקריטעט אפקאסטן פאר שטייער צאלער מער ווי די באוניסעס וואס די עקזעקיוטיוון פלעגן באקומען. אויך צייגן זיי אן אז די היסטאריע ווייזט אז ביזנעס וואס די גאווערנמענט פירט גייט באנקראט, עי' ערך מעדיקעיר, סאשעל סעקיורעטי וכו'.

עכ"פ אפילו די וואס האבן יא געשטיצט די בעילאוט פלאן סיי צו זיי האלטן בעצם דערפון און סיי צו זיי האלטן נישט דערפון נאר זיי האבן עס געשטיצט צוליב איר פאפיולעריטעט ביים פאלק, איז אבער דא ביי די אוטא פירמעס זעהן נישט אלע אזוי שטארק די נחיצת הענין.

וואס זאג איך? איז זאג אז איך וויל נאך שטודירן דער נושא מער פאר איך מאך אפ מיין מיינונג (כאילו איינעם גייט עס אן :wink: ).
ארויף קריכט מען פאוואליע, אבער אראפ קוילערט מען זיך שנעל!

אוועטאר
קאלטס און ווארעמס
שר מאה
תגובות: 155
זיך איינגעשריבען אום: מאנטאג נובעמבער 10, 2008 4:05 pm
פארבינד זיך:

תגובהדורך קאלטס און ווארעמס » פרייטאג נובעמבער 14, 2008 1:14 pm

מאשקע האט געשריבן:אין אנדערע צייטן, ווען די עקאנאמיע וואלט גוט געווען, וואלט מען דאך בכלל נישט געדארפט צוקומען דערצו. כאפסט? מיט דריי יאר צוריק האט מען פון קיין בעיל-אוט נישט געהערט.

איך מייין נישט צו זאגן אז עס קען געשען אין אנדערע צייטן נאר אזוי ווי עס איז יעצט אזוי טאר מען נישט קוקן אויף זייערע עוולות נאר טוהן צו די זאך און ראטעווען די מצב...
נ.ב. ווי גלייך די סעקראטאר פון די פעדערל רעזערוו ליינט וואס איך שרייב דא...

זאנוויל
שר חמש מאות
תגובות: 821
זיך איינגעשריבען אום: מיטוואך סעפטעמבער 24, 2008 11:59 am

תגובהדורך זאנוויל » זונטאג נובעמבער 16, 2008 2:22 am

איידער אלעם א יש"כ פאר הרב סתם אזוי פארן ארויף ברענגן די נושא, און פארן באריכטן די נייעס בכלל, אונז וואלט מיר הנאה געהאט ווען איר טוט עס ווען עפטער.

און אז מען שמועסט דא אזויפיל איבער GM איז אינטערעסאנט אנצומערקען אז אויב זיי גייען פייפן איז עס נישט טויזענטער דזשאבס פארלוסטן, נאר א גאנצע מעלאנע פון מענטשען וואס גייען ווערן ארבייטסלאז און לעבן אויף וועלפער!

עס קוקט אויס אביסל שרעקעדיג, הא?!

אבער ווערטס נישט אזוי באזארגט, ווי לעווי האט שוין אויבן דערמאנט אז געווענטליך קויפט איין קאמפאני אויס די צווייטע, ווי אויך איז דא נאך א פוינט אז אפילו די רעגירונג וועט יא העלפן GM וועלן זיי נאך אלץ צןמאכן אסאך פון זייערע פלענטס, און פארשיקן גאר אסאך ארבייטער, נו איז דען נישט בעסער אז מען לאזט זיי גיין פייפן?

עטץ קענטס אלע האלטן אזוי, אבער רעבעצען פעלאסי האלט סיי ווי אנדערש און זי פלאנט זיי עניוועיס צי געבן הילף, סא לאמיר שטיין אין די זייט און לאזן ספיקער פעלאסי טון איר ארבייט בנאמנות..

אוועטאר
שוועמל
שר עשרת אלפים
תגובות: 14176
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג נובעמבער 16, 2008 2:47 am

לעווי;
עס שיינט אז איר ווייסט אביסל אין דעם נושא. איך וואלט געוואלט הערן וואס איז געווען אין היסטאריע מיט מעדיקער און סאשאל סעקיוריטי, וואס הייסט ס'יז באנקראט?

און וואס איז געווען די גרויסע מחלוקה אין קאנגרעס איבער די בעילאוט, פארוואס האבן עס רוב אנידערגעשטימט קודם, און הערשט נאך גרויס דרוק איז עס יא אדורך?
שוש אשיש בה', תגל נפשי באלקי! (ישעיה סא)

לעווי
שר האלף
תגובות: 1914
זיך איינגעשריבען אום: זונטאג יוני 22, 2008 12:04 pm

תגובהדורך לעווי » זונטאג נובעמבער 16, 2008 12:38 pm

שוועמל האט געשריבן:לעווי;
עס שיינט אז איר ווייסט אביסל אין דעם נושא. איך וואלט געוואלט הערן וואס איז געווען אין היסטאריע מיט מעדיקער און סאשאל סעקיוריטי, וואס הייסט ס'יז באנקראט?

און וואס איז געווען די גרויסע מחלוקה אין קאנגרעס איבער די בעילאוט, פארוואס האבן עס רוב אנידערגעשטימט קודם, און הערשט נאך גרויס דרוק איז עס יא אדורך?



הרב שוועמעל, צוויי גרויסע און שווערע בקשות האט איר דא. א יעדע איינס פון דיינע צוויי שאלות פארדינן זיך אן ענטפער ארוכה מיני ים. די דעבאטע ביי די בעילאוט האב איך נישט אזוי שטארק מיטגעהאלטן אבער איך קען מיך פארשטעלן די צדדים לכאן ולכאן, אבער די סאשעל סעקיורעטי באנקראטירונג האב איך גוט ארורך געטון פאר אפאר יאר צוריק ווען עס איז געווען אויף די אג'ענדע, אדערווייל האב איך נישט קיין צייט היינט צו שרייבן אזוי פיל, אי"ה לכשירחיב וועל איך שרייבן אין אן עקסטרע אשכל (עס קומט דאך בעצם נישט אריין דא).
ארויף קריכט מען פאוואליע, אבער אראפ קוילערט מען זיך שנעל!

זאנוויל
שר חמש מאות
תגובות: 821
זיך איינגעשריבען אום: מיטוואך סעפטעמבער 24, 2008 11:59 am

תגובהדורך זאנוויל » זונטאג נובעמבער 16, 2008 1:06 pm

לעווי זאלט איר וויסן אז די בקשה פון שוועמל, קומט ארויס פון די הארץ פון די גאנצע קרעטשמע, אונז ווארט מיר אלע דערויף מיט שפאנונג, און כידוע ווען לעווי מאכט א ארטיקל איז עס ווי עס ברויך צי זיין.

זאנוויל
שר חמש מאות
תגובות: 821
זיך איינגעשריבען אום: מיטוואך סעפטעמבער 24, 2008 11:59 am

תגובהדורך זאנוויל » דאנארשטאג נובעמבער 20, 2008 1:13 am

ווער עס האט נאך נישט געזען די ווידיאו פון עי בי סי, ווי זיי מאכן חוזק פון די עקזעקעטיווס פון די קאר קאמפאניס, איבער זייער פארן מיט פרייועט דזשעטס, זאל מוחל זיין און עס שוין גיין קוקן, עס איז ווערט אחע געלטער.

אוועטאר
קאלטס און ווארעמס
שר מאה
תגובות: 155
זיך איינגעשריבען אום: מאנטאג נובעמבער 10, 2008 4:05 pm
פארבינד זיך:

תגובהדורך קאלטס און ווארעמס » דאנארשטאג נובעמבער 20, 2008 3:34 pm

א לינק פליז :oops:

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג נובעמבער 20, 2008 4:28 pm

היינט האבן די דעמאקראטן פארפירט אז מען זאל זיי אויסלייזן. (די ביג [?] 3).
איך האב עס געזאגט.... סתם אזוי. איך האב עס געפרעגט.... סתם אזוי.

זאנוויל
שר חמש מאות
תגובות: 821
זיך איינגעשריבען אום: מיטוואך סעפטעמבער 24, 2008 11:59 am

תגובהדורך זאנוויל » דאנארשטאג נובעמבער 20, 2008 5:44 pm

הרב קאלט און קאלטס, די לינק וועל איך שפעטער לייגן לכשירחיב.

סתם אזוי גראדע האבן ביידע סיי פעלאסי און סיי ריעד עס אפגעשטיפט.

יידישיסט
שר חמש מאות
תגובות: 609
זיך איינגעשריבען אום: מיטוואך אוגוסט 13, 2008 10:48 pm

תגובהדורך יידישיסט » זונטאג נובעמבער 23, 2008 2:42 pm

די עקזעקוטיוון זענען געקומען צו פארן ביז וואשינגטאן זיך בעטן מען זאל זיי "באגנאגדיגן". זייער דרשה פאר'ן קאנגרעס איז געווען זייער א הארציגע, עס האט געקענט אזש רירן א הארץ פון שטיין... עס האט זיך געדאכט אז אט אט און זיי מאכן עס. אבער נאכ'ן פארענדיגן זייערע הארציגע רעדעס (וואס האט - דאכט זיך - גענומען עטליכע שטונדן) האבן די קאנגרעסלייט אנגעהויבן זיי צו אטאקירן איינס ביי איינס. מען האט זיי פארגעווארפן איבער אלע פעלערן וואס זיי האבן געמאכט די לעצטע יארן מיט זעלבסט-פארריסנקייט און שטאלץ, נישט וועלנדיג צוהערן די ווארנונגען וואס זענען געקומען פון אלע זייטן.

...און דא, האט זיך אויפגעשטעלט איינער פון די קאנגרעסלייט, איינער א "בריה" (בעריע), און האט אויסגעשאסן טאקע די "מיליאן-דאלארדיגע טענה": ער האט געגעבן א שריי צו די דריי געערטע פרעזידענטן פון די אויטא-פירמעס: "צו איז דא איינער פון אייך וואס איז געקומען אהער קיין וואשינגטאן מיט א געווענליכן פליגער? אויב עס איז דא "איינער" זאל ער ביטע אויפהייבן די האנט"... שוין אפגערעדט פון דעם געווענליכן קלאס (עקאנאמיע) וואס האט אייך אפשר נישט געפאסט, אפילו נישט ביזנעס קלאס, אבער כאטש "ערשטע קלאס" האט איר געקענט נעמען מיט א געווענליכן פליגער. צו האט דאס איינער געטון? ביטע אויפהייבן א האנט...

פיין, איר זענט אלע גרויסע בעלי-גאוה'ס, עס האט אייך ממש נישט געפאסט אויפצוגעבן אייערע פריוואטע פליגערס - וואס קאסטן אפ צענדליגער טויזנטערס יעדעס איינס - אבער זענט איר כאטש געקומען אלע אינאיינעם מיט איין פליגער? ניין דאס אויך נישט, איז כאטש איינער פון אייך געפארן צוזאמען מיט א צווייטן, כדי צו שפארן די גרויסע הוצאות וואס אזעלכע רייזעס קאסטן? א פייג! אויב איז דא איינער וואס האט אזוי געטון, זאל ער ביטע אויפהייבן א האנט!

קיין האנט איז נישט געהויבן געווארן...

נאך דער אטאקע, האבן זיי נישט נאר געהויבן א האנט, נאר לכאורה געמוזט הייבן ביידע הענט (אלס אויפגעבונגס-צייכן), און עווענטועל אויך ביידע פיס, און אפציען פון דארט...

די ערשטע זאך וואס זיי האבן געטון אנקומענדיג אהיים, איז געווען דאס אז זיי האבן אלע אפגעזאגט זייערע פריוואטע פליגערס... :roll:

אוועטאר
סאכדעס
שר עשרים אלפים
תגובות: 20425
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » דינסטאג נובעמבער 25, 2008 11:02 am

יישר כוח פאר די ערשט-האנטיגע אינפארמאציע.

איז דיין לעצטע שורה אמת?

יידישיסט
שר חמש מאות
תגובות: 609
זיך איינגעשריבען אום: מיטוואך אוגוסט 13, 2008 10:48 pm

תגובהדורך יידישיסט » דינסטאג נובעמבער 25, 2008 1:16 pm

יא, אזוי האב איך געהערט (מיט'ן הערן איז עס שוין נישט קיין ערשט-האנטיגע זאך, עס איז כאטש צווייט-האנטיג).

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג דעצמבער 04, 2008 12:20 pm

זיי געבן נישט אויף. ביזדערווייל איז נאך קיינער נישט עכט שטארק מסכים, אבער מיך זעהט אויס אז זיי וועלן אויספירן.
איך האב עס געזאגט.... סתם אזוי. איך האב עס געפרעגט.... סתם אזוי.

אוועטאר
יודל מענדלזאהן
שר שלשת אלפים
תגובות: 3054
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

אין ליכט פונעם בעילאאוט פארלאנג פון די אויטא ריזן - קען דער

תגובהדורך יודל מענדלזאהן » דאנארשטאג דעצמבער 04, 2008 4:45 pm

אין ליכט פונעם בעילאאוט פארלאנג פון די אויטא ריזן - קען דער אלטער בער זיך נאך לערנען טאנצן?

- יודל מענדלזאהן -

די געוועזענע דריי 'גרויסע' זענען צוריק אין וואשינגטאן די.סי. מיט א פארלאנג פאר נאך $25-35 ביליאן, שוין נאך די $25 ביליאן וואס זיי האבן שוין באקומען פון אנקעל סעם פאר'ן בויען ענערגיע-גרינגע אויטאס. טאמער וועלן זיי נישט באקומען די געלט, ווארנען זיי, וועלן גאנצע שטעט צופאלן, נאציאנאלע זיכערהייט וועט זיין אין געפאר, מיליאנען וועלן דערלייגן זייערע ארבעט, צענדליגע מיליאנען וועלן צוקוקן ווי זייער 401-K'ס גייען א גאנג, און ..די סי.אי.או'ס פון די אויטא פירמעס וועלן דארפן פליען פורסט-קלעס אנשטאט אין זייערע אייגענע פירמע פליגער'ס.

אוי א בראך...

טראץ די ערווארטעטע שטיצע פון נענסי פעלאוסי און אנדערע אין קאנגרעס וועלכע גלויבן אז מען טאר נישט צולאזן די אויטא פירמעס זאלן פאלן, וועט זייער שטיצע בלויז ריזיקירן נאך געלטער פון די שטייער צאלער צו דערהאלטן ביים לעבן די שוין-עקספייערטע פירמעס.

דזשענעראל מאטארס (GM) אליין האט פארברענט $5 ביליאן א מאנאט אין די לעצטע קווארטל, און וועט אינגאנצען אויסנוצן זייערע רעזערוון אין די קומענדיגע מאנאט. די אנדערע צוויי וועלן ווייזט אויס אויך נישט מאריך ימים זיין לאנג דערויף. דאס מיינט, נאך $25 ביליאן, וועט זיי בלויז העלפען אנציען פאר מאקסימום נאך 5 מאנאט'ן, נישט אזוי?

איצט ווילן די אנפירער פון די פירמעס איינרעדן פאר וואשינגטאן אז אין ווייניגער פון א האלבע יאר וועלן זיי באווייזן ארומצודרייען דאס רעדל און אנהויבן צו שטיין אויף די אייגענע פארדינסטן-פיס? אויב די פירמעס וואלטן גענאסן פון געלונגענע פירערשאפט ביז היינט, וואלט אויך געווען שווער צו באווייזן אזא קונץ. ווי נאך אז צענדליגע יארן פון יוניאן-אנגעוויזנקייט און אומקאפאטענטע פירערשאפט האבן פארקריפלט די ריזן אינדוסטריעס, ווען קיינע פון די צוויי הויפט כאראקטעריסטישע דורכפאלן ווייזן נישט קיין צייכנס פון דראסטישע טויש.

די 'יונייטעד אויטא וואורקערס(UAW) ' שעף ראן געטעלפינגער, וועלכער איז מיטגעפארן מיט די אויטא פירמע CEO'ס אויף זייער שטייערצאלער אויסשנארעריי מיסיעס קיין וואשינגטאן, האט ביז די לעצטע טעג אויסגעשלאסן א מעגליכקייט פאר נייע קאנצעסיעס צו די דעטרויט דריי. "מיר האבן געמאכט דראמאטישע טוישן, און די UAW איז אפלאדירט געווארן דערפאר," זאגט ער. "די בליק דארף דא זיין אויף די גאנצע עקאנאמיע, נישט אויף די UAW קאנטראקט." פון וואס באשטייען די "דראמאטישע טוישן" וועלכע געטעלפינגער דערמאנט? די UAW האט מסכים געווען צו א קאנטראקט פאראיאר וועלכע האט טיילווייז געשניטן פון די צאלונגען פאר די ארבעטער, און וועט רעדוצירן די וועידזש חילוק צווישן ארבעטער פאר די גרויסע דריי און ארבעטער פון טאיאטע, פון בערך $25 פער שעה ביז בלויז $10 א שעה, און דאס אויך - ערשט אין 2011. דאס מיינט אז ביז דאן, וועט יעדע קאר וואס קומט ארויס פון דעטרויט קאסטן לכל הפחות מיט $1,500 מער ווי די אויסלענדישע אויטאס פראדוצירט דאהי, און נאכדעם וועט די פרייז דיפרענץ נאך אלץ זיין באדייטנד.

געטעלפינגער וויל אויך נישט טוישן די קרומע ארבעט'ס-פלאץ געזעצן וועלכע האבן שוין פון לאנג פארלאנגזאמט די ארבעט'ס פראדוקטיוויטעט. צום ביישפיל, די געזעץ וועלכע פארמיידט פון ארבעטער צו טוהן עטליכע סארט ארבעט (א בחינה פון אין מלאך אחד עושה שתי שליחות..), און אלס רעזולטאט קען מען נישט אריבערטוישן ארבעטער צו אנדערע ערטער אין די אינדורסטריע לויט ווי די מארקעט פארלאנגט. געטעלפינגער וויל אויך נישט הערן פון די פלענער זאפארט אפצושטעלן די בלוט-צאפנ'דע 'דזשאב באנק פראגראם' וועלכע צאלט פאר פארשיקטע ארבעטער באלד אזוי פיל ווי זייער ארגינעלע וועידזש פאר יארן נאכאנאנד.

קען זיין אז געטעלפינגער ציהט די צייט און שטעלט בלויז אן א פנים. נאך אלעמען האט ער פארגאנגענעם סוף-וואך באשטימט א UAW מיטינג 'איבערצוקלערן' געוויסע קאנצעסיעס. אבער אויב די געפאר פון באלדיגע צוזאמפאל קען אים נישט באאיינפלוסן צו טוהן אלס וואס נויטיג צוריקצושטעלן די פראפיטן פון די אויטא אינדוסטריע, אויף וועלכע ער איז דאך אליין אנגעוויזן, דאן פארוואס זאלן מיר טראכטן אז ער וועט זיך דערשרעקן נאכדעם וואס די אויטא אינדוסטריע וועט באקומען א 25 ביליאן 'מוציא' פון די רעגירונג?

קומט דאך אויס, און דא דארף מען א דריי טאהן מיט די גראבע פינגער אויף אראפ, אז די בעילאאוט וועט צוואונגען אלגעמיינע נישט-אויטא ארבעטער – וועלכע דארפן אפשפארן אין פאל מען וועט זיי סערווירן א פינק-סליפ – צו סובסידירן ארבעטס-לאזע אויטא ארבעטער, כדי זיי זאלן קענען באקומען פעטע טשעקלעך פאר נאך עטליכע מאנאט!

צו פארזיכערן אז די בעילאאוט געלט ווערט נישט פארשווענדעט אויף די איבערגעצאלטע יוניאן'ס, זאל הייסן אז פרעזידענט-עלעקט אבאמא קלערט וועגן א "פרי-פעקעדזשט באנקראט" פאר די אויטא אינדוסטריע. דאס מיינט אז די געלט איז על-תנאי אויב די אויטא פראדוצירער און ארבעטער יוניאן'ס וועלן אויסארבעטן אן איבערבוי פלאן איידער זיי גייען אריין אין טשעפטער 11.

אויב אפילו אזא פלאן וועט צוואונגען די יוניאן'ס זיך אויפצו-וועקן איידער עס איז צו שפעט, וועט עס אבער נישט אדרעסירן די אנדערע הונט וועלכע האט באגראבן די אינדוסטריע: מענעדזשמענט אומקאמפאטענץ.

נאך איידער די לעצטע פינאנציעלע קריזיס, איז די יערליכע פארלוסט פון GM פאר'ן יאר פון 2007 געווען באלד $40 ביליאן, די גרעסטע אין די היסטאריע פון אן אויטא פירמע, כאטש טייל דערפון איז צוליב די קאסטן פון אויסקויפן אירע ארבעטער. פארד און קרייסלער זענען אויך נישט געווען שטארק אונטערשטעליג אין די ביליאנען דאלארן פארלוסטן.

מען קען טאקע נישט פארקוקן די פאקט אז די דריי אויטא פירמעס האבן זיך היבש פארבעסערט אין די לעצטע יארן. GM איז לעצטענס אפיר געקומען מיט געוואלדיגע אויטאס וועלכע האבן געוואונען לויב אויך אין ערטער וואו מען האלט עס פאַר א מצוה צו בארעדן אמעריקאנע אויטאס. זייער שעווי מאליבו האלט לויט עקספערטן אויפ'ן זעלבען שטאפל ווי איר נאענסטע קאמפעטישאן די האנדע עקארד. די פארד פיוזשען הייבריד האט נאך בעסערע געז מיילעדזש פון די טאיאטע קעמרי הייבריד און עס קאסט גארנישט מער.

אין די איצטיגע שוואכע עקאנאמיע, ווען קיין קרעדיט איז אויך נישטא, דארף אבער געשען עפעס אויסערגעווענליך אז עמיצער זאל אפלאזן זיין טאיאטע אדער האנדא און גיין קויפן אן אמעריקאנע אויטא, ווי גוט עס זאל נישט זיין. אז די אויטא פירמעס זאלן איצט צוריקדרייען דעם זייגער און זיך ראטעווען פון אונטערגאנג, דארפן זיי אפיר קומען מיט סופער-געלונגענע אויטאס, פאר שפאט-ביליגע פרייזן, און נאך באווייזן צו פארדינען עפעס דערויף.

עס וועט דארפן פארקומען דראסטישע רעפארמען אין די סיסטעם און געדאנקען-גאנג וואס די אלט-געזעסענע קארפארעיט קולטור וויל נישט וויסן דערפון. סיליקאן וועלי'ס היי-טעק פירמעס האבן קלאר דעמאנסטרירט אז כדי צו קעמפען עפעקטיוו מיט די קאמפעטישאן אין די שנעל-טוישנ'דע וועלט דארף די ארבעט'ס-פלאץ זיין אן ארט וואו מענטשען קענען טראכטן און רעדן אפן און פריי, אן די געווענליכע דרוק און זארג פון העכערע ראנקיגע ארבעטער. די דעטרויט דריי האבן נאכנישט געלערנט די און פיל אנדערע לעקציעס, און ווייסן גאר נישט אין וועלכן ריכטונג די ווינט בלאזט אין די היינטיגע ביזנעס גאסן. זיי פונקציאנירן נאך אויפ'ן אלטן סטיל, ווען די שיינע וואונקל אפיס מיט די גרויסע פענסטער באקומט דער וואס קענען די בעסטע חנפ'נען, אנשטאט דער מיט די ארגינעלסטע רעיונות פאר נייע פראדוקטן.

איז דען א וואונדער אז די פירער פון די פירמעס זענען געצימבל'ט געווארן אין קאנגרעס פארוואס זיי זענען געקומען קיין וואשינגטאן פאריגעס מאל יעדער אויף זיין פריוואטע פליגער, אנשטאט צו 'קאר-פּוּלן' און קומען צוזאמען, אדער גאר פארן פורסט קלעס און שפארן פאר די פירמעס שווערע טויזענטער דאלארן. זיי האבן אזוי פיל נישט פארשטאנען אז ווען מען קומט שנארן געלט פונעם שטייער צאלער באווייזט מען נישט קיין אויגן פארבלענדענישע רייכקייט. דאס צייגט נאר ווי ווייט זיי זענען 'נישט אין בארירונג' מיט די רעאליטעט פון די עקאנאמיע, און די רעאליטעט פון זייערע אייגענע וואקלדיגע פירמעס.

עס מוז באמערקט ווערן, אז טראץ דעם וואס אלע אויטא פראדוצירער ליידן פון די עקאנאמישע צושטאנד, זענען נאר די 'גרויסע דריי' אויסגעשטעלט צו א געפאר פון טאטאלער צוזאמפאל. אמעריקע'ס 'אנדערע אויטא אינדוסטריע' – וועלכע באשטייט פון אזיאטישע איבערפלאנצונגען – וועלן איבערלעבן גאנץ לייכט, לויט די פינאנציעלע באריכטן.

מעמא צום קאנגרעס: ארויסבעיל'ן די ריזן וועלכע האבן שוין לאנג פארלוירן קאנטאקט מיט מארקעט רעאליטעט וועט זיי נישט מוטיגן זיך איבערצובויען פונדאסניי, ארויסשטעלן זיי אויפ'ן קאלטן גאס צו די חסדים פונעם עמאציאל-לאזן מארקעט וועט אבער יא.


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: Baidu [Spider], joegreen, maybeeynot, rogers, יאנקעל פעדראטשיק, יישר כח, משה11, פעטער שמואל און 66 געסט