א רעפטל קאקאש, א הייסע קאווע, און פרישע נייעס

נייעס און באריכטן

די אחראים: אחראי, געלעגער

בעל מנוחה
שר חמישים ומאתים
תגובות: 495
זיך איינגעשריבען אום: מאנטאג אוגוסט 21, 2017 5:08 pm

Re: א רעפטל קאקאש, א הייסע קאווע, און פרישע נייעס

תגובהדורך בעל מנוחה » דינסטאג דעצמבער 15, 2020 1:01 am

א גרויסן דאנק @אלעקסיי
אלעקסיי דער דריטער האט געשריבן:מאנטאג מקץ

פאר צוויי יאר צוריק האט ניו יארק גאווערנאר קאומו אפגעשטאט א באזוך ביי די באן שינעס וואס ציען זיך אונטער די האדסאן טייך, מיט'ן ציל צו ציען אויפמערקזאמקייט פון די פעדעראלע רעגירונג זיי זאלן באשטעטיגן געלטער פאר די "געיטוועי פראיעקט" - א 13 ביליאן דאללער פראיעקט צו גראבן פרישע, און איבערמאכן עקזיסטירענדע, טונעלן און באן שינעס אונטער די טייך - די טראמפ אדמיניסטראציע האט אפגעזאגט די פארלאנג.
יעצט אין די צייט וואס זשאו ביידען - וואס איז אלס באטראכט געווארן אלס מער סימפאטיש צו די פראיעקט - קומט אריין אין אפיס ווערט באריכטעט אז דער זעלבע קאומו איז אויפגעקומען מיט א פרישע שטודיע וואס שטעלט די גאנצע פראיעקט אונטער פראגע צייכן - די שטודיע ברענגט אויף די געדאנק אז מעגליך פעלט גענצליך נישט אויס צו בויען פרישע טונעל און שינעס.
* * * *

וואס איז די פרטי השטודיע?
וירא מנוחה כי טוב ויט שכמו לסבול
ווען מען איז זיך סובל קען מען שפירן די ריכטיגע מנוחה

אוועטאר
צוקער וואסער
שר האלף
תגובות: 1182
זיך איינגעשריבען אום: מיטוואך אוגוסט 01, 2018 10:23 pm

Re: א רעפטל קאקאש, א הייסע קאווע, און פרישע נייעס

תגובהדורך צוקער וואסער » דינסטאג דעצמבער 15, 2020 2:03 pm

Rak Tov האט געשריבן:;l;p-
שכח אלעקסיי.

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » דינסטאג דעצמבער 15, 2020 10:38 pm

דינסטאג מקץ

אין ווייטערדיגע אנטוויקלונגען ארום די העקינג אטאקע אויף די אמעריקאנע רעגירונג אפטיילונגען:
עס ווערט באריכטעט אז די פארטיידיגונג דעפארטמענט איז אויך פון די וואס זענען געפאלן א קרבן דערצו - א ווארטזאגער פאר די עפארטמענט זאגט אז צוליב זיכערהייט סיבות קען מען נישט ארויסגעבן סיי וועלכע דעטאלן ארום די אטאקע און די רעאקציע דערצו - סעקראטערי אוו סטעיט מייק פאמפעיאו זאגט נעכטן אז די אקציע איז טייל פון אן אנגייענדע פארזוך דורך רוסלאנד זיך צו אריינברעכן אין אמעריקאנע סערווערס - נעשאנעל סעקיוריטי עדווייזאר ראבערט אוברייען וואס האט זיך געפונען אויף א באזוך אין די מיטל-מזרח האט זיך צוריקגיעיאגט קיין אמעריקא - אוברייען וועט אין די קומענדע טעג אנפירן הויכראנגיגע זיצונגען צו דיסקוסירן די וואספארא שריט עס זאלן גענומען ווערן דערוועגן - א "פאראייניגטע סייבער קאארדינאציע גרופע" איז אויפגעטעלט געווארן, אין ליניע מיט אן עקזעקיוטיוו ארדער פון פרעזידענט אבאמא - די רעלעוואנטע סענאט קאמיטעען האבן באקומען באריכטן פון דירעגירונג'ס דעפארטמענט'ס אפעקטירט דערפון.
* * * *
טראץ וואס די היי יעריגער וואל סעזאן האט געבראכן א רעקארד מיט די צאל וויילער וואס האבן אנטייל גענומען אין די פראצעדור און געשטימט, וועט אנגעוויזן אז ארום א דריטל פון אלע שטים בארעכטיגטע אין לאנד - ד.ה. ארום 80 מיליאן אמעריקאנע - האבן נישט אפגעגעבן קיין שטומע ביי די פארלאפענע עלעקשאן'ס.
אין א אויספרעג, זאגן: ארום 30% אז די אורזאך דערצו איז ווייל זיי זענען נישט רעגיסטרירט - 23% זענען נישט אינטרעסירט אין פאליטיקס - 20% גלייכן נישט סיי וועלכע קאנדידאט - און ארום 10% האבן נישט געקאנט באשליסן פאר וועם צו שטימען.
* * * *
אריזאנא סטעיט סענאט יורידישע קאמיטע פארזיצער האט היינט ארויסגעשיקט א סובפינע פאר מאריקאופע קאונטי - די גרעסטע קאונטי אין די סטעיט - וואו ער פארלאנגט א פארענזיק אודיט אויף אלע מאשינען און סאפטוועיר גענוצט ביי די פארלאפענע וואלן. די אודיט ברויך זיין פערטיג פרייטאג 5 אזייגער נאכמיטאג
* * * *
רעפובליקאנע סענאט פירער מיטש מעקאנעל האט היינט עפענטליך אנערקענט זשאו ביידען אלס די געוואונער פון די פארלאפענע וואלן, זאגענדיג: "אונזער לאנד האט שוין יעצט א פרעזידענט-עלעקט" - איידער ער האט דאס געזאגט האט ער אינפארמירט ווייסע הויז באאמטע דערוועגן.
* * * *
ביי א פאון געשפרעך מיט קאלעגע רעפובליקאנע סענאטארן, האט מיטש מעקאנעל היינט פארלאנגט אז זיי זאלן נישט שטערן די פראצעדור פון באשטעטיגן די עלעקטראלע קאלעזש אין יאנואר - אונטער די געזעץ פעלט זיך אויס אז אויב וויל מען צווינגען א דעבאטע אויף, און מעגליך ארויסווארפן, די עלעקטאר'ס פון א געוויסע סטעיט מוז א קאנגרעסמאן אינאיינעם מיט א סענאטאר אבזשעקטן די עלעקטאר'ס פון יענע סטעיט.
* * * *
א ניו יארק סטעיט ריכטער האט היינט פארארדענט די טראמפ ארגאנייזעישאן זאל איבערגעבן פאר די סטעיט אטוירני זשענעראל טויזענטער דאקומענטן אין פארבינדונג מיט אן אויספארשונג וואס די סטעיטפירט אדורך אויף מעגליכע פינאנציעלע מיסברויכן. די טראמפ ארגאנייזעישאן האט גע'טענה'ט אז די דאקומענטן זענען באשיצט אונטער די "קלייענט-אטוירני פריווילעזש" אבער די ריכטער האט דאס אפגעווארפן.
* * * *
א פאמיליע וואס האט געוואלט פון דענווער, קאלאראדאו, קיין ניו זשערסי מיט יונייטעד, איז געווארן אראפגעווארפן פון די פלייט צוליב וואס זייער צוויי-יעריגער האט זיך אנטזאגט פון אנטוען א מאסקע - א ווידעאו וואס האט רעקאדירט די געשיכטע און געווארן ארויפגעשטעלט אויף סאציאלע מידיע, איז שוין געווארן אראפגענומען דורך טוויטער און איסטעגרעם.
* * * *
געוועזענע הויפט סייבער סעקיוריטי באאמטע, קריסטאפער קרעבס, וואס איז געווארן ארויסגעווארפן דורך פרעזידענט טראמפ, וועט אויפטרעטן מיטוואך פאר די "סענאט היימלאנד זיכערהייט" קאמיטע - וואו ער וועט טעסטיפייען איבער די פארלאפענע וואלן.
* * * *
פעיסבוק זאגט אז זייער פארבאט אויף פאליטישע עדס וועט ווערן אראפגענומען אין זשארזשיע, אין ליכט פון די בעפארשטייענדע ראנא פארמעסטן.
* * * *
די סענאט האט היינט באשטעטיגט טאמאס קירש אלס ריכטער אויף די זיבעטע קרייז געריכט, וואו ער וועט ערזעצן ריכטערין בעררעט וואס סערווירט יעצט אויפן סופרים קאורט - די אפשטימונג איז אדורך 51-44 מיט דריי דעמאקראטן וואס האבן געשטימט אין זיין שטיצע.
* * * *
ראזשער סטאון - א נאנטע פארבינדעטע מיט פרעזידענט טראמפ - האט געלאזט פאלן אנדייטונגען אז ער קלערט פון מעגליך אונטערנעמען א פריימערי פארמעסט קעגן פלארידא סענאטאר מארקא רוביא אין יארע 2022.
* * * *
זשענאס מארטאן וואס איז געלאפן פאר די מאנהעטן די.עי. פאסטן האט זיך ארויסגעמויגן פון די פארמעסט, נאכ'ן נישט קענען צוזאמקראצן גענוג געלטער אויף צו קענען ווייטער אנגיין - ער איז גאר א שטארקע שטיצער פון די באוועגונג אז די טרויעריג בארימטע "רייקערס איילענד" טורמע קאמפלעקס זאל פארשלאסן ווערן.
* * * *
ניו יארק סטעיט סענאט ספיער קארל העיסטי זאגט אז ס'איז דא א מעגליכקייט אז געזעצגעבער וועלן זיך אומקערן קיין אלבאני אין די קומענדיגע וואך-צוויי, מיטן ציל צו דורכפירן א "אולטרא-רייכע שטייער" געזעץ - ווי ער זאגט ערקלערט איז דא אן אינטרעסע ביי סטעיט פירער אז די געזעץ זאל ווערן דורכגעפירט נאך איידער די אנקום פון די נייע למספרם יאר.
* * * *
ניו יארק סטעיט האט איינגמאלדן פאר די "צווייטע קרייז אפעלאט געריכט" אז די סטעיט וועט מער נישט אינפארסירן געוויסע צוימונגען אויף רעליגיעזע געבעט הייזער.
* * * *
די סאציאלע מידיע פירמע "פינטרעסט" איז איינגעגאנגען צו צאלן 22.5 מיליאן דאללער צו שליכטן א דיסקרימנאציע לאוסוט אריינגעגעבן דורך א געוועזענע עקזעקיוטיוו - יענער האט באשולדיגט אז מ'האט איר ארויסגעווארפן צוליב וואס זי האט זיך אפגערעדט און אויפברענגט פראגן איבער די וועג וויאזוי די פירמע באציעט זיך צו פרויען איינגעשטעלטע.
* * * *
די ביידען איינשווערונג קאמיטע האט היינט די ערשטע באשטעטיגט אז די צערמאניע וועט פארקומען פארנט פון די קעפיטאל געביידע, אויך וועט ביידען פון דארט געבן זיין איינשווערונג'ס רעדע - אנדערע טיילן פון די צערמאניע וועלן זיין געצוימט, מיט א ווארשיינליכקייט אז עס וועלן זיין ווירטואלע טיילן אויך.
* * * *
די עף.די.עי. עדווייזאר פאנעל וועט זיך טרעפן דאנערטאג צו דיסקוסירן די "מאדערנא" וואקסין, עס איז ערווארטערט צו ווערן באשטעטיגט א טאג דערויף - ארום 6 מיליאן דאזעס וועלן זיין גרייט צו ווערן אפגעליפערט צו צענטערן ארום די לאנג איינמאל עס ווערט באשטעטיגט.
* * * *
אמטירענדע סעקרעטערי אוו סטעיט מייק פאמפעיאו וועט דאנערשטאג אפהאלטן א זיצונג מיט אנטאני בלינקען - די אריינקומענדע סא"ס.
* * * *
דורכאויס די לעצטערע וואכן הערט מען גאר אסאךפון פרעזידענט טראמפ אז ער פארלאנגט אז קאנגרעס זאל ריפיעלען די "סעקשאן 230" - וואס באשיצט סאציאלע מידיע פירמעס פון טראגן פאראנטווארטליכקייט אויף דאס מערהייט פון די מאטעריאל וואס ווערט דארט ארויפגעשטעלט. אזוי אויך איז די לעצטערע וואכן אונטעגענומען געווארן עטליכע לעגאלע קאמפן קעגן די פירמעס, אזוי אויך שטייען זיי אויס פארמערטע דרוק פון געזעצגעבער אין וואשינגטאן.
היינט ווערט באריכטעט אז די גרינדער/פירער פון די פירמעס האבן איינגעזעהן אז ס'איז צייט צו ארויסהעלפן קאנגרעס נעמען די "ריכטיגע שריט" - איידער קאנגרעס נעמט אונטער די אומריכטיגע שריט. מארק זוקערבער פון פעיסבוק זאגט אז ער האלט מ'דארף אפדעיטן די געזעץ - יענקל דארסי פון טוויטערלאנד זאגט אז מ'קען מעליך אויסברייטערן די געזעץ - גוגל האט אנערקענט אז ס'אזענען פארהאן 'לעגיטימע פראגן' ארום די געזעץ - אזוי אויך האבן א רייע קלענערע אזוינע פירמעס זיך צוגעשטעלט צו אזעלכע סארט סטעיטמענטס.
* * * *
זשאו ביידען האט אויסגעקליבן פיעט בוטיזשעזש אלס טראנספארטאציע סעקרעטאר.
* * * *
ביידען האט באשלאסן צו נאמינירן געוועזענע מישיגען גאווערנאר פרוי גרענהאלם פאר ענערזשי סעקרעטאר.
* * * *
אמעריקא האט ארויפגעשטעלט סאנקציעס אויף טערקיי אין רעאקציע צו דעם וואס טערקיי האט זיך איינגעהאנדעלט די רוסישע "עס. 400" מיסיל פארטיידיגונג סיסטעם, אין פארלעצונג פון די אמעריקאנע געזעץ - די מעלדונג איבער די סאנקציעס אז געקומען עטליכע טעג נאך וואס קאנגרעס האט באשטעטיגט א דעפענס אוטאריזאציע עקט וואס האט פארלאנגט די אדמיניסטראציע זאל נעמען די דאזיגע שריט.

אוועטאר
Rak Tov
שר חמש מאות
תגובות: 560
זיך איינגעשריבען אום: דינסטאג אוגוסט 18, 2020 12:35 pm
לאקאציע: זיך אקציע אונטערגענימענגעווארן

Re: א רעפטל קאקאש, א הייסע קאווע, און פרישע נייעס

תגובהדורך Rak Tov » מיטוואך דעצמבער 16, 2020 1:02 am

א ריזן דאנק אלעקסיי!
מיר באלעקן זיך מיט יעדעס ווארט!
רק טוב!

אוועטאר
צוקער וואסער
שר האלף
תגובות: 1182
זיך איינגעשריבען אום: מיטוואך אוגוסט 01, 2018 10:23 pm

Re: א רעפטל קאקאש, א הייסע קאווע, און פרישע נייעס

תגובהדורך צוקער וואסער » מיטוואך דעצמבער 16, 2020 1:15 am

Rak Tov האט געשריבן:א ריזן דאנק אלעקסיי!
מיר באלעקן זיך מיט יעדעס ווארט!

אוועטאר
מיין שטעלונג
שר חמש מאות
תגובות: 801
זיך איינגעשריבען אום: דינסטאג אוגוסט 04, 2015 5:58 pm
לאקאציע: אין מוח

א ניי-זעלאנד טשיילד-אביוז אויספארשונג פירט צו טראגישע געפינסן

תגובהדורך מיין שטעלונג » מיטוואך דעצמבער 16, 2020 12:25 pm

באקענט אייך מיט די "מאאורי" שבט. זיי זענען די אלטגעזעסענע 'פאלענזיער' פון ניו-זילאנד, וואס זענען שוין אהינגעקומען וואוינען אין די 1300 יארן. ווען די אייראפעער זענען עווענטועל אנגעקומען אהין, זענען די אלטע "מאאוריס" געווען אויסגעשטעלט צו לאנד-פארכאפונג, מגיפות און נאך - מענטשן אומרעכטן וואס האבן זיך נישט אפגעשטעלט קעגן זיי אין די נאכפאלגנדע יאר-הונדערטערן. לענינינו: פאראיאר, האבן זיך טויזענטער מאאורי מיטגלידער ארויסגעלאזט אויף די גאסן צו פראטעסטירן קעגן דאס וואס די ארטיגע רעגירונג פארכאפט פראבלעמאטישע קינדער פון די עלטערן, און לייגט זיי אריין אין רעגירונג אנשטאלטן.

נעכטן, האט ניו-זילאנד ארויסגעגעבן אירע געפינסן אויף א פובליק-אויספרעג איבער די לאנד'ס גלויבן-באזירטע און רעגירונג-געפירטע אינסטוטוציעס. לאמיר נישט מאלן קיין וואסער: אזויפיל ווי 256,000 קינדער זענען געווארן פיזיש און גייסטיש מיסברויכט און געפייניגט אין די סארט אנשטאלטן אנגעהויבן פון די 1950'גער יארן ביז אריין אין די פריע 2000'טער. דאס קומט אויס איבער 40 פראצענט פון די קינדער וואס האבן זיך דארט אויפגעהאלטן דורכאויס די אלע יארן. די פארפאלגטע קינדער זענען געווען צווישן די עלטערס פון 5 ביז 17, איבערוויגנדער מערהייט פון די מאאוריס.

דער באריכט געבט אן אז געוויסע קירכע באזירטע קינד-הייזער האבן געארבעט "אויסצואוואשן" די קולטוראלע אידענטיטעט פון די מאאורי קינדטום דורך רדיפות. די קאטוילישע קירכע האט זיך שוין אנטשולדיגט און זאגט אז זי וועט אריינקוקן אין די באריכטן צו פארשטיין וויאזוי זי קען דאס פארמיידן אינעם צוקונפט.

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » מיטוואך דעצמבער 16, 2020 9:51 pm

מיטוואך מקץ

די בריטישע "וואקסין מיניסטער" זאגט היינט אז העכער 130,000 מענטשן האבן שוין באקומען די וואקסין אין די ערשטע וואך זינט עס איז אריין אין באנוץ.
* * * *
לויט שאצונגען פון די "ארמיי קאור אוו ענזשינירס" קען די אמעריקאנע רעגירונג שפארן ארום 2.6 ביליאן דאללער אויב זאל זשאו ביידען אויספירן זיין פארשפרעכונג אז "קיין איין פיס מער וועט נישט ווערן צוגעלייגט צום גרעניץ וואנט" - די ביידען טראנזישאן טיעם האט זיך פאריגע וואך געטראפן מיט "קאור אוו ענזשינירס" צו דורכשמועסן די טעמע.
* * * *
די "ביטקאון" ווירטואלע וואלוטע איז היינט - צום ערשטן מאל - געשטיגן צו א ווערד פון העכער 20,000 דאללער.
* * * *
מ'הערט שוין רעדן די לעצטע פאר מאנאטן איבער די געברויך און פארלאנג צו "קוואראנטינען" - אט הערט (ניין, ענדערש זאל איר ליינען...) וואס מען האט די וואך קווארנטינד:
ווי באקאנט איז פאריגע וואך געווארן באשטעטיגט די "פייזער" וואקסין קעגן די וויירוס, און די וואך האט די פירמע אנגעהויבן מיטן ליפערן די וואקסין צו אלע עקן אמעריקא - איינע פון די ספעציעלע געברויכן פון די וואקסין איז, אז זי ברויך ווערן געהאלטן ביי א טעמפראטור פון מינוס-94 דעגריס פערענהייט.
צוויי ליפערונגען פון די וואקסין - איינע אין אלאבאמע, און די אנדערע אין קאליפארניע - זענען אנגעקומען צו די גוטע צייט, אבער צו די שטוינונג פון באאמטע אויפן ארט האט זיך ארויסגעשטעלט אז די דאזעס זענען געהאלטן געווארן ביי א טעמפראטור פון מיינוס-133 דעגרי - דאס איז שוין צו קאלט.
נו, וואס טוט מען אין אזא פאל? מ'האט קווארנטינד די וואקסין, שיין פארפאקט, זיי צוריקגעשיקט צו די פאבריק און מקבל פנים געווען די ערזאץ דאזעס.
* * * *
וויצע פרעזידענט מייק פענס גרייט זיך פאר מעמד "זיך לאזן שטעכן" ווען ער וועט באקומען די וואקסין - די מעמד איז געסקעזשועלט אויף פרייטאג צופרי און וועט ביים ווייסן הויז. די וויצע פרעזידענט פארלאנגט אז ווי מער נעטווארקס זאלן ווייזן מראות ה. . . . לייוו בשעת מעשה
בבחינת ממנו יראו וכן יעשו. . . .
* * * *
טעקסאס, אינאיינעם מיט נאך 9 שטאטן, האט היינט ארגעטראגן א קלאגע אין געריכט קעגן די ריזן זוכעניש קארפאראציע "גוגל", מיט די באשולדיגונג אז די פירמע ארבעט צוזאמען מיט "פנים-בוך" מיטן ציל צו אפשטעלן קאמפעטישאן. די קלאגע פארלאנגט אז גוגל זאל ארויסצאלן שטראף געלטער צו פארגיטיגן די סטעיט'ס, אויך פארלאנגען זיי אז די פירמע זאל ווערן צובראכן בבחינת כפטיש יפוצץ סלע. . . .
* * * *
אין אנדערע נייעס, איז ערווארטערט אז א ברייטע בייפארטיזאן קאאליציע פון סטעיט אטויניס זשענעראל וועלן מארגן אריינגעבן א באזונדערע קלאגע אין פעדעראלן געריכט הויז קעגן גוגל - מיט די באשולדיגונג אז גוגל האט בעפארצוגט זייערע אייגענע פראדוקטן ביים ארויסשפייען די רעזולטאטן פון א סוירטש.
* * * *
עמעזאן האט היינט אפגעשיקט א פארלאנג צו די רעגירונג אז אירע וועירהאוז און גראסערי ארבעטער זאלן ווערן אריינגעשטעלט אין די ערשטע גרופע פון וואקסין געניסער - די בריוו באציעט זיך בכלל איבער וויכטיגע ארבעטער, א שטייגער וועירהאוז און גראסערי איינגעשטעלטע.
די ריזן פירמע זארגט זיך נישט בלויז פאר אירע ארבעטער. . . .
* * * *
פרישע אינפארמאציע צייגט אז ארום א פערטל פון די וועלט'ס באפעלקערונג וועט נישט האבן קיין צוטריט צו א וויירוס וואקסין ביז יארע 2022 - צוליב וואס רייכערע לענדער האבן שוין באשטעלט אזויפיל דאזעס אז עס בלייבט נישט איבער גענוג פאר די ארימערע לענדער.
* * * *
היינט ווערט באריכטעט א פרישע קרבן אין די מאסיווע העקינג אטאקע - דאס מאל איז די רעדע איבער די אגריקולטור דעפארטמענט און די יו.עס.פי.עס.
נו, אפשר פארדעם האט מען געקענט דורכפירן אזא מאסיווע פראוד אפעראציע מיט די מעיל אין בעללאט'ס. . . .
* * * *
סענאטארשע עליזאבעט ווארען - דער וואס איז אמאל געלאפן צו ווערן פרעזידענט פון די פאראייניגטע שטאטן - גרייט זיך ארויסצוקומען מיט א פרישע בוך, ווי זי וועט באשרייבן זעקס געשעהנישן וואס האבן גאר שטארק באיינפלוסט איר לעבן און אויסבליק אויף געוויסע אישוס.
* * * *
לויט באריכטן האלט פרעזידענט זשאו ביידען גאר נאנט צו באשליסן וועם ער וועט אויסקלויבן אלס "ערציאונגס סעקרעטאר" - ווי מ'הערט איז יעצט דא אויפן טיש צוויי קאנדידאטן: איינער איז לעסלי פענוויק - וואס האט געארבעט ביי די "האוערד יוניווערסיטי" אין די.סי. - די צווייטער נאמען וואס מ'הערט איז מיגועל קארדאנע - וואס דינט אלס ערציאונגס קאמישאנער אין קאנעטיקוט. א מעלדונג איז ערווארטערט אויף קומענדיגע וואך.
איינער איז א אפריקאנע-אמעריקאנע, די אנדערע איז א לאטינאו אפשטאמיגע.
* * * *
די טראמפ קאמפיין האט געהאט פארלאנגט פון באאמטע אין וויסקאנסין אז ס'זאל ווערן דורכגעפירט א ריקאונט אין צוויי ארטיגע קאונטיס - אין איינקלאנג מיט די סטעיט געזעץ, האט די סטעיט פארלאנגט אז די קאמפיין זאל פאראויס צאלן די סומע פון 3 מיליאן דאללער צו דעקן די קאסטן.
יעצט הערט מען אז צוויי ארטיגע רעפובליקאנע לעגיסלאטורן האלטן אויף די געלטער און ווילן עס נישט ארויסגעבן פאר די קאונטי'ס - דערווייל איז אומקלאר גענוי וואס זייער ציל איז דערמיט.
* * * *
אין די טעג איידער עס איז געמאלדן געווארן די העקינג אטאקע ביי די סאלערווינדס פירמע, האבן צוויי אינוועסטמענט פירמעס - וואס אינאיינעם קאנטראלירן זיי 70% פון די קאמפעני - פארקויפט מיליאנען דאללער ווערד אין סטאק'ס, אויפברענגענדיג פראגן אז זיי האבן שוין געוואוסט פון די אנצידענט און אויסגענוצט זייער וויסנשאפט צו פארדינען געלטער. א ווארטזאגער פאר די פעדעראלע עס.אי.סי. זאגט אז די אגענטור וועט אונטערנעמען אן אויספארשונג דערוועגן צו דערגיין די ווארהייט.
* * * *
אין רעאקציע צו די יעצטיגע פלענער אין קאנגרעס איבער א פרישע סטימילוס ביל, וואס רעכענט אריין 600 דאללער טשעקלעך פאר אלע אמעריקאנע אבער ווייניגער אנעמפלוימעענט בענעפיטן, האט קאנגרעספרוי קארטעז זיך געלאזט הערן: "די פאקט אז רעפובליקאנע צווינגען דעמאקראטן צו קלויבן צווישן סטימילוס געלטער אדער אנעמפלוימענט - כאילו מיר קענען נישט אויספירן ביידע - איז בארבאריש".
* * * *
באריכטן פארציילן אז פרעזידענט טראמפ איז געווען גאר שטארק אויפגעברויזט אויף עף.בי.איי. דירעקטאר קריס רעי, אז ער האט שוין ערנסט געהאלטן ביים ארויסשיקן א טוויטשקעלע ווי ער מעלדט איין פאר'ן פאלק די פרישסטע ביורא דירעקטאר - בלויז ווייסע הויז לעגאלע קארפן קעפ האבן געווארנט און געסטראשעט - און זיך געבעטן בתחנונים - דעם פרעזידענט אז נעמען אזא ריכטונג וועט עפענען די וועג פאר לעגאלע קאפוויי, וויבאלד דאס וועט באטראכט ווערן ווי אן עמטליכע "לויעלטי פייערונג".
* * * *
לויט א יערליכע באריכט ארויסגעגעבן דורך די "טויט שטראף אינפארמאציע צענטער" האט די פעדעראלע רעיגרונג היי יאר אויסגעפירט מער הינריכטונגען ווי אלע סטעיטס אינאיינעם - דאס איז די ערשטע מאל אין די היסטאריע וואס די פעדס. שטייגן איבער די סטעיטס און איז אויך די העכסטע צאל פעדעראלע הינריכטונגען דורכגעפירט אין איין יאר זינט די 1800'ער יארן.
* * * *
קוועלער נאנט צום ווייסן הויז פארציילן אז די פרעזידענט האט אין די לעצטערע טעג זיך דורכגערעדט מיט זיינע לעגאלע ראטגעבער איבער די געדאנק פון לייגן פרעשור אויף די עקטינג אטוירני זשענעראל ער זאל שטעלן א ספעשל קאונסעל וואס זאל אויספארשן האנטער ביידען - לויט די באריכטן האט טראמפ שוין באטראכט די געדאנק פון אריינברענגען א פרישע עקטינג אטוירני זשענעראל, ווי אויך האט ער זיך נאכגעפרעגט צו די פרעזידענט זעלבסט האט די מאכט צו שטעלן א ספעציעלע אויספארשער.
* * * *
אין די לעצטערע וואכן הערט מען באריכטן אין די פרעסע אז די טראמפ פאמיליע פלאנט זיך צו ציען קיין מאר-א-לאגאו אין פלארידא מאך וואס טראמפ'ס טערמין ענדיגט זיך - אבער אויסער די לאגיסטישע טייל דערפון, הערט מען אז געוויסע איינוואוינער אינעם געגענט טענה'ן אז אזא וואוינונג וועט פארלעצן די אפמאך וואס טראמפ האט אויסגעהאמערט אין 1985 מיט די ארטיגע שטאטראט.
אונטער יענע אפמאך האט טראמפ זיך פארפליכטעט אז ער וועט זיך נישט אויפהאלטן אין די רעזארט ארט פאר מער ווי זיבן טאג אויפאמאל און נישט מער ווי דריי ווכאן דורכאויס א יאר.
* * * *
סא"ס מייק פאמפעיאו איז אריין אין איזאלירונג נאכ'ן זיין אויסגעשטעלט צו די וויירוס - די גענויע אומשטענדן זענען דערווייל אומקלאר, אבער ווי די דעפארטמענט זאגט איז פאמפעיאו זעלבסט דעווייל נעגאטיוו צום וויירוס.
* * * *
א מיטגליד פון די ביידען טראנזישאן פרעסע גרופע האט געטעסט פאזיטיוו פארן וויירוס - יענער איז דינסטאג געווען צוזאמען מיט ביידען, אבער ווי די טיעם זאגט איז ער "נישט געווען אין נאנטע בארירונג" לויט ווי אראפגעשטעלט אונטער די סי.די.סי. גיידליינס.
* * * *
די טרעזשורי דעפארטמענט האט באשולדיגט די שווייץ און וויעטנאם אז זיי זענען קארענסי מעניפיולעיטאר'ס - די ערשטע מאל וואס אמעריקא באשולדיגט די צווי לענדער אין אזוינע שריט. די דעזיגנירונג וועט פירן צו פארהאנדלונגען צווישן אמעריקא און די לענדער, אויב קומט מען זיך נישט אדורך, ווערט ארויפגעשטעלט עקנאמישע סאנקציעס.
די לעצטע מאל די טרעזשורי דעפארטמענט האט באשולדיגט א אנדערע לאנד דערמיט, איז געווען אין 2019 מיט טשיינע - דערנאך האט טשיינע טאקע געשלאסן די "ערשטע פאזע" אפמאך מיט די טראמפ אדמיניסטראציע.
* * * *
א שעריף אין קאליפארניע האט זיך אנטזאגט צו אויספאלגן א געריכטליכע באפעל צו ארויסלאזן 1,800 ארעסטאנטן.
פריער אין יאר האט די עי.סי.על.יו. אריינגעגעבן א קלאגע קעגן די אראנזש קאונטי שעריף אז ער פארלעצט די רעכטן פון ארעסטאנטן מיטן זיי האלטן איינגעשפארט דורכאויס די וויירוס - די שעריף האט טאקע ארויסגעלאזט ארום 1,400 ארעסטאנטן. פאריגע וואך האט א סטעיט ריכטער פארארדענט די שעריף ער זאל פריילאזן די פארבליבענע ארעסטאנטן, אבער די שעריף אנטזאגט זיך דערפון זאגענדיג אז די פארבליבענע ארעסטאנטן זענען מערדער און אנדער גאר מסוכן'דיגע פארברעכער.
* * * *
באואינג זוכט אויפצונעמען 160 פרישע פילאטן צו העלפן איר 737-מעקס פליגער זיך הייבן ווידעראמאל - די קוואליפיקאציעס דערצו זענען: אמווייניגסטענס 1,000 פלי עקספיריענס, אן סיי וועלכע אינצידענט, עקסידענט, פארלוסט, אדער סיי וועלכע פארלעצונג.

אוועטאר
Rak Tov
שר חמש מאות
תגובות: 560
זיך איינגעשריבען אום: דינסטאג אוגוסט 18, 2020 12:35 pm
לאקאציע: זיך אקציע אונטערגענימענגעווארן

Re: א רעפטל קאקאש, א הייסע קאווע, און פרישע נייעס

תגובהדורך Rak Tov » מיטוואך דעצמבער 16, 2020 10:28 pm

Wow wow
thank you!
רק טוב!

אוועטאר
פרוביר אויך
שר האלפיים
תגובות: 2076
זיך איינגעשריבען אום: דינסטאג יולי 09, 2013 11:02 pm

Re: א רעפטל קאקאש, א הייסע קאווע, און פרישע נייעס

תגובהדורך פרוביר אויך » מיטוואך דעצמבער 16, 2020 10:44 pm

Rak Tov האט געשריבן:Wow wow
thank you!
אז יענער קען קענסטו אויך

מטעמים
שר שבעת אלפים
תגובות: 7795
זיך איינגעשריבען אום: זונטאג מאי 04, 2014 10:06 pm

Re: א רעפטל קאקאש, א הייסע קאווע, און פרישע נייעס

תגובהדורך מטעמים » מיטוואך דעצמבער 16, 2020 11:21 pm

הערליכע און קנאקעדיגע באריכט!!!! די דאנקעס וואלט ווען געדארפט גרייכען אין די הינדערטערס אבער ומה יעשה אז נאר זיך טענהן און זיך שטעכן איז לעצטענס פאפולער.
די עיקר פראבלעם פון א ביידען געוואונס ליגט אין די נאכפאלגענדע עקסייטמענט און מאכט פארשפרייטונג פון די פעיק ניוז מעינסטריעם מידיע.

אוועטאר
Rak Tov
שר חמש מאות
תגובות: 560
זיך איינגעשריבען אום: דינסטאג אוגוסט 18, 2020 12:35 pm
לאקאציע: זיך אקציע אונטערגענימענגעווארן

Re: א רעפטל קאקאש, א הייסע קאווע, און פרישע נייעס

תגובהדורך Rak Tov » מיטוואך דעצמבער 16, 2020 11:36 pm

מטעמים האט געשריבן:הערליכע און קנאקעדיגע באריכט!!!! די דאנקעס וואלט ווען געדארפט גרייכען אין די הינדערטערס אבער ומה יעשה אז נאר זיך טענהן און זיך שטעכן איז לעצטענס פאפולער.

;l;p-
רק טוב!

הר גריזים
שר חמש מאות
תגובות: 542
זיך איינגעשריבען אום: מאנטאג אוגוסט 14, 2017 1:34 pm

Re: א רעפטל קאקאש, א הייסע קאווע, און פרישע נייעס

תגובהדורך הר גריזים » דאנארשטאג דעצמבער 17, 2020 12:48 am

שכח אלעקסיי!

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » דאנארשטאג דעצמבער 17, 2020 9:35 pm

דאנערשטאג מקץ

אין ווייטערדיגע אנטוויקלונגען ארום די מאסיווע העקינג אטאקע: זשאו ביידען זאגט אז די וואס שטייען אונטער דעם וועלן "ערנסט באצאלן" דערפאר - די "דעפארטמענט אוו ענערזשי", וואס איז פאראנטווארטליך אויף די נוקלעארע וואפן ארסענאל, האט היינט באשטעטיגט אז זי איז אויך געפאלן א וויקטים צו די העקינג אטאקע - א ווארטזאגער פאר די דעפארטמענט זאגט אז די "נאציאנאלע נוקלעארע זיכערהייט אדמיניסטראציע", וואס פירט פאקטיש אן מיט די וואפן, איז נישט געווארן אפעקטירט דערפון - די ריזן "מייקראסאפט" פירמע איז געווארן צוגעלייגט צו די ליסטע פון קרבנות - מייקראסאפט זאגט אז זי האט שוין אידענטיפיצירט העכער 40 פון אירע קאסטומערס וואס זענען באטראפן געוווארן פון די העקינג אטאקע
* * * *
ערשט מאליגע אנעמפלוימענט קלעימס פאריגע וואך איז געווען ביי 885,000 - ארויף פון 862,000 א וואך פריער.
* * * *
די דריי הויפט אינדעקסן אויף וואל סטריט האבן זיך היינט געשלאסן ביי פרישע רעקארד'ס - די דאו זשואנס איז ארויף צו 30,303.
* * * *
אמעריקאנע אינערן סעקרעטאר, דעיוויד בערנהאדט, איז געווארן די לעצטע אין א רייע הויכראנגיגע ווייסע הויז באאמטע צו ווערן אנגעשטעקט מיט די וויירוס.
* * * *
די עף.די.עי. זאגט אז די פלעשלעך פון די פייזער וואקסין ארויסגעשיקט פריער אין וואך טוען אנטהאלטן מיט 2 דאזעס מער ווי געמיינט - דאס באדייט אז די סופליי איז מיט 30-35% מער ווי געשאצט ביז יעצט.
* * * *
וויצע פרעזידענט מייק פענס וועט יאנואר 6 ברויכן אנפירן אין קאנגרעס די ציילונג און סערטיפיקעישאן פון די עלעקטארלע קאלעזש שטימען וואו זשאו ביידען וועט ענדגילטיג באשטעטיגט ווערן אלס די 46'טע פרעזידענט - גלייך דערנאך, פלאנט פענס צו אפפיצן פון די פאראייניגטע שטאטן אויף א רייזע צו די מיטל-מזרח און אייראפע.
* * * *
וויצע פרעזידענט מיק פענס האט היינט באזוכט אין זשארזשיע וואו ער האט געזוכט צו אויפהייטערן די רעפובליקאנע וויילער באזע אין ליכט פון די בעפאר שטייענדע ראנאף וואלן.
* * * *
ניו יארק סטעיט "דעפארטמענט אוו פיינענשעל סערוויסעס" האט ארויסגעשטעלט א פארלאנג אז העלטה אינשורענס פירמעס מוזן דעקן די קאסטן פון די וויירוס וואקסין פאר זייערע קליענטן.
* * * *
אקטיוויסטן אין ניו יארק פאלינרן ווייטערדיגע שריט איבער דאס רעפארמירן די קרימינאלע יוזטיץ סיסטעם איבער די סעטיט - ווי זיי ווייזן אן פארמאגן דעמאקראטן א סופער מאיאריטעט אין אלבאני און דאס צייגט אז די וויילער ווילן אזוינע רעפארמירונגען.
* * * *
די באקאנטע "ראבינהוד" סטאק טרעידענג עפפ איז איינגעגאנגען צו צאלן 65 מיליאן דאללער שטראף געלטער פאר די עס.אי.סי. - די אגענטור האט באשולדיגט אז די עפפ האט נישט פולשטענדיג אינפארמירט באנצער איבער די סטרוקטור פון די פרייזן.
* * * *
זשאו ביידען האט אויסגעקליבן מייקעל רעיגען צו סערווירן אלס אי.פי.עי. הויפט.
* * * *
ביידען אויסגעקליבן קאנגרעספרוי דעבS האלאנד פון ניו מעקסיקאו אנצופירן די אינערן דעפארטמענט - אויב ווערט זי בשטעטיגט וועט זי זיין די ערשטע נעיטיוו-אמעריקאן צו ווערן באשטעטיגט צום קאבינעט. די אינערן דעפארטמענט גיט זיך אפ - צווישן אנדערע - מיט די פעדעראלע רעיגרונגס באציאונגען מיט די נעיטיוו אמעריקאן טרייבס.
* * * *
ניו יארק סטעיט זוכט צו צוריקנעמען ארום 1.1 ביליאן דאללער וואס די סטעיט האט ארויסגעצאלט דורכאויס די געיעג נאך סופלייס אנהייב פון די וויירוס עפאכע - געוויסע סופלייערס ווערן באשולדיגט אין נישט אויספירן די קאנטראקטן, אנדערע זוכט די סטעיט צו קענסלען די קאנטראקט.
* * * *
גענעאל מארק מילי - פארזיצער פון די פאראייניגטע שטאב הויפטן - האט זיך דעי וואך געטראפן מיט טאליבאן באאמטע, אין א פארזוך צו פאראויסרוקן די שלום געשפרעכן און פארהאנדלונגען צוישן די אפגאנע רעגירונג און די גרופע.
* * * *
פרעזידענט טראמפ האט געהאט גאר ברייטע, ער האט געוואלט בעטן קאנגרעס זאל אריינשטעלן 2,000 דאללער טשעקלעך פאר אמעריקאנע - זיינע נאנטע האבן איהם אפגעהאלטן דערפון צוליב וואס עס וואלט געקענט גענצליך צושטערן די פארהאנדלונגען.
* * * *
די טרעזשורי דעפארטמענט זוכט צו פארוואסערן די אפעקטן פון אן עקזעקיוטיוו ארדער אונטעגעשריבן דורכ'ן פרעזידענט - די ארדער טוט פארבאטן אמעריקאנע פון אינוועסטירן אין כינעזע פירמעס וואס ווערן באשולדיגט אין האבן פארבינדונגען מיט דיארטיגע מיליטער, די דעפארטמענט וויל אז סובסידייערי פירמעס זאלן נישט זיין אריינגערעכענט אין די פארבאט.
* * * *
די פעדעראלע "סעקיוריטיס ענד עקסטשינזש קאמישאן" - עס.אי.סי. - האט אנגעקלאגט א קאליפארניע באזירטע פירמע אז זי האט פארפירט אינוועסטירער - די "דעסיזשאן דייאגנאסטיקס" פעירמע האט געזאגט אז זי האט ערצייגט א טעסט וואס קען אין אונטער א מינוט צייגן צו א מענטש איז אנגעשטעקט מיטן וויירוס, מיט בלויז א שטעך אין די פינגער.
* * * *
דורכאויס אן אויפטריט אין קאנגרעס, האט א געוועזענע היימלאנד זיכערהייט דעפארטמענט אנאליסט האשולדיגט אז די פירערשאפט פון די דעפארמטענט האט געלייגט דרוק טז ער זאל אויפבלאזן די פראבלעמען ביי די גרעניץ, און צו די זעלבע צייט זאל ער אויך פארברייטערן די ראלע פון לינקע גרופעס ביי די פראטעסטן פארגעקומען אין פארטלענד פריער אין יאר.
* * * *
זשאו ביידען זאגט היינט אז ער איז גענצליך אומבאזארגט איבער די באשולדדיגונגען קעגן זיין זוהן - "זיי טוען דאס בלויז צו קענען אנקומען צו מיר. איך מין דאס איז נישט אויסגעהאלטן".
* * * *
טוויטער זאגט אז זי וועט אנהויבן אידענטיפיצרן "באט אקאונטס" אלס אזעלכע, אזוי אויך וועט די פירמע אנהויבן באצייכענען די אקאונטס פון מענטשן וואס זענען שוין געשטארבן.
* * * *
די טראמפ אדמיניסטראציע האט היינט געמאלדן אז זי וועט צוריקהאלטן ארום 200 מיליאן דאללער מעדיקעיד געלטער פון קאליפארניע - דאס איז צוליב א סטעיט געזעץ וואס צווינגט אינשורענס פראוויידערס צו דעקן רציחה פראצעדורן.
* * * *
אין אנדערע נייעס, האט די זשוסטיס דעפארטמענט געמאלדן קלאגעס קעגן א ווערמאנט שפיטאל פאר'ן צווינגען א איינגעשטעלטע אנטייל צו נעמען אין א רציחה פראצעדור, טראץ וואס יענער האט אויסגעדרוקט קעגנערשאפט דערצו.
* * * *
די "נעשאנעל לעיבאר רילעישאנס באורד" האט היינט באשולדיגט עמעזאן מיטן אומלעגאל אויפזאגן אן ארבעטער צוליב וואס יענער האט פראטעסטירט קעגן די ארבעט'ס אומשטענדן - די פירמע האט יעצט די ברירה זיך צו אויסגלייכן מיט די אויגעזאגטע ארבעטער, אז נישט קען קומען א געריכטליכע קלאגע.
* * * *
די זשוסטיס דעפארטמענט גרייט זיך צו ארויסשטעלן קלאגעס קעגן מוכאממעד אבאוזשילא מאסוד - א ליביע בירגער - די קלאגעס וועלן איהם באשולדיגן מיט'ן שפילן א ראלע אין די לאקערבי באמבאדירונד טעראר אטאקע דורכגעפירט אין יאר 1988.
די אטאקע האט פאסירט ווען א פען-עם פליגער אויפן וועג פון לאנדאן קיין ניו יארק האט אויפגעריסן העכער די דערפל לאקערבי - אומברענגענדיג 270 מענטשן. אויספארשונגען האבן געפירט צו באשולדיגונגען אז די רעזשים פון דאן-דיקטאטור מואממאר קאדאפי איז געווען די שולדיגע. ביז היינט איז בלויז איינער אנגעקלאגט געווארן דערויף - און יענער האט ניטאמאל סערווירט זיין פולער טורמע טערמין.
די קלאגעס טראגן א ספעציעלע באדייט פאר אטוירני זשענעראל וויליאם בארר, ער האט דאן אויך אנגעפירט די יוסטיץ דעפארטמענט און דערקלערט שטייפערהייט "די אויספארשונג איז נישט פאראיבער. מיר וועלן נישט איינרוען ביז אלע שולדיגע ווערן געשטעלט פאר יוסטיץ".
* * * *
קענטאקי גאווערנאר ענדי בעשיר האט פאריגע מאנאט פארארדענט אלע שולעס אין די סטעיט זיך צו שליסן צוליב די וואקסענדע צאל וויירוס קעיסעס אין די סטעיט. די "דעינוויל קריסטליכע אקאדעמיע" איז געלאפן אין געריכט מיט די טענה אז די פארארדענונג טוט דיסקרימינירן קעגן רעליגיע, הלמאי אנדערע אינדאור צענטערן און יוניווערסיטי'ס מעגן יא בלייבן אפן - די דיסטריקט געריכט האט געגעבן גערעכט פאר די סקול. די סטעיט האט אפעלירט צום "זעקסטע קרייז געריכט" וואס האט אפגעווארפן די אורטייל פון די נידעריגע געריכט און געאזט שטיין די גאווערנאר'ס פארארדענונג.
היינט האט די סופרים קאורט געמאלדן אז זיי נעמען נישט די אפיעל אין די קעיס, צוליב וואס די פארארדענונג וועט סייווי אפלויפן אין די קומענדיגע טעג - די געריכט זאגט אז אויב זאל די פראגע ווערן ווידעראמאל אקטועל, קענען די קלעגער דאן פרובירן.

אביסל טיפער
שר האלף
תגובות: 1607
זיך איינגעשריבען אום: מוצ"ש ינואר 11, 2020 8:09 pm
לאקאציע: לאנדאן 1935

Re: א רעפטל קאקאש, א הייסע קאווע, און פרישע נייעס

תגובהדורך אביסל טיפער » דאנארשטאג דעצמבער 17, 2020 10:21 pm

יישר כוח @אלעקסיי, פריש און געשמאק
ספענט 20$ און באקומט 20$ דורך זיך אויפסיינען דא
און אזוי אויך באקומט איהר קעשבעק ווען איהר קויפט איין נאכן זיך אויפסיינען

"און פארגעסט נישט אז תורה איז די בעסטע סחורה"

אוועטאר
Rak Tov
שר חמש מאות
תגובות: 560
זיך איינגעשריבען אום: דינסטאג אוגוסט 18, 2020 12:35 pm
לאקאציע: זיך אקציע אונטערגענימענגעווארן

Re: א רעפטל קאקאש, א הייסע קאווע, און פרישע נייעס

תגובהדורך Rak Tov » פרייטאג דעצמבער 18, 2020 12:45 am

אביסל טיפער האט געשריבן:יישר כוח @אלעקסיי, פריש און געשמאק
רק טוב!

צל עובר
שר עשרת אלפים
תגובות: 15101
זיך איינגעשריבען אום: מיטוואך סעפטעמבער 27, 2017 6:22 pm

Re: א רעפטל קאקאש, א הייסע קאווע, און פרישע נייעס

תגובהדורך צל עובר » פרייטאג דעצמבער 18, 2020 1:45 am

מטעמים האט געשריבן:הערליכע און קנאקעדיגע באריכט!!!! די דאנקעס וואלט ווען געדארפט גרייכען אין די הינדערטערס אבער ומה יעשה אז נאר זיך טענהן און זיך שטעכן איז לעצטענס פאפולער.

גערעכט.

ישר כח אלעקסיי פאר די באריכטן.

איין הערה, אויף מיטוואך, איך מיין אז עס הייסט אז די דעמאקראטן האבן חשק אז טראמפ זאל יא פייערן קריסטאפער רעי, אזוי וועט ביידן קענען אריינלייגן א דעמאקראט צו פירן דורך בײ איי, צום ערשטן מאל אין צענליגער יאר אדער גאר בכלל.

און איין הערה אויף דאנערשטאג, פארוואס דארפן די אינשורענס קאמפעניס צאלן פאר די וואקסינאציעס? איך האב געמיינט אז די רעגירונג צאלט עס.
Extremists on the left are a small sect operating mostly outside the Democratic Party. Extremists on the right control the Republican Party.

2016: Trump cheated and won.
2020: Trump cheated and lost.

Goodmorning
שר ארבעת האלפים
תגובות: 4310
זיך איינגעשריבען אום: דינסטאג מארטש 06, 2018 2:32 pm

Re: א רעפטל קאקאש, א הייסע קאווע, און פרישע נייעס

תגובהדורך Goodmorning » פרייטאג דעצמבער 18, 2020 2:11 am

אביסל טיפער האט געשריבן:יישר כוח @אלעקסיי, פריש און געשמאק
שויתי ה' לנגדי תמיד

אוועטאר
בעסער אזוי
שר האלף
תגובות: 1248
זיך איינגעשריבען אום: מיטוואך מארטש 11, 2020 3:00 pm
לאקאציע: אין מיין באקס

Re: א רעפטל קאקאש, א הייסע קאווע, און פרישע נייעס

תגובהדורך בעסער אזוי » פרייטאג דעצמבער 18, 2020 10:21 am

צל עובר האט געשריבן:
מטעמים האט געשריבן:הערליכע און קנאקעדיגע באריכט!!!! די דאנקעס וואלט ווען געדארפט גרייכען אין די הינדערטערס אבער ומה יעשה אז נאר זיך טענהן און זיך שטעכן איז לעצטענס פאפולער.

גערעכט.

ישר כח אלעקסיי פאר די באריכטן.

איין הערה, אויף מיטוואך, איך מיין אז עס הייסט אז די דעמאקראטן האבן חשק אז טראמפ זאל יא פייערן קריסטאפער רעי, אזוי וועט ביידן קענען אריינלייגן א דעמאקראט צו פירן דורך בײ איי, צום ערשטן מאל אין צענליגער יאר אדער גאר בכלל.

און איין הערה אויף דאנערשטאג, פארוואס דארפן די אינשורענס קאמפעניס צאלן פאר די וואקסינאציעס? איך האב געמיינט אז די רעגירונג צאלט עס.

לכאורה צאלט עס די רעגירונג נאר פאר מענטשן וואס זענען נישט געקאווערט, עיין ערך וויירוס טעסט
פרעזידענטן וואס האבן געהאט א ספעשל קאנסיל דורכאויס זייער טערמין:
ראנעלד רעיגען, דזשארדזש בוש 41, ביל קלינטאן, דזשארדזש בוש 43, דאנאלד טראמפ

פרעזידענטן וואס האבן 'נישט' געהאט א ספעשל קאנסיל דורכאויס זייער טערמין:
באראק אבאמא, ווילאדעמיר פוטין..

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » מוצ"ש דעצמבער 19, 2020 10:28 pm

צל עובר האט געשריבן:און איין הערה אויף דאנערשטאג, פארוואס דארפן די אינשורענס קאמפעניס צאלן פאר די וואקסינאציעס? איך האב געמיינט אז די רעגירונג צאלט עס.

פון דא:
Screenshot 2020-12-20 032454.jpg
Screenshot 2020-12-20 032454.jpg (360.3 KiB) געזעהן 835 מאל

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » מוצ"ש דעצמבער 19, 2020 10:54 pm

צל עובר האט געשריבן:איין הערה, אויף מיטוואך, איך מיין אז עס הייסט אז די דעמאקראטן האבן חשק אז טראמפ זאל יא פייערן קריסטאפער רעי, אזוי וועט ביידן קענען אריינלייגן א דעמאקראט צו פירן דורך בײ איי, צום ערשטן מאל אין צענליגער יאר אדער גאר בכלל.

זיי זענען זיך אליינס שולדיג - זעה איך יעצט אז סיי ביל קלינטאן און סי באראק אבאמא האבן געשטעלט עף.בי.איי. דירעקטארס, און זיי האבן גענומען רעפובליקען'ס.

איי געס דעי קנאו סאמטינג ווי דאונט.
- - - -
אויב רעכנעסטו א עקטינג דירעקטאר פאר 8 טעג, דאן איז קארטער דער לעצטע וואס האט גענומען א דעמאקראט צו פירן די עף.בי.איי. - אדערווייז דארפסטו צוריקגיין צו בעפאר די ביורא איז געבוירן געווארן.

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » מאנטאג דעצמבער 21, 2020 9:52 pm

מאנטאג ויגש

צווישן די אלע געלטער אריינגעשטעלט אין די מאסיווע 1.4 טריליאן דאללער בוזשעט פאר די קומענדיגע יאר, איז דא 1.37 ביליאן דאללער פאר טראמפ'ס גרעניץ וואנט ביי די אמעריקאנע-מעקסיקאנע גרעניץ - געזעצליך איז די פרעזידענט פארפליכטעט צו אויסנוצן די געלטער, עס איז דערווייל נישט קלאר וואס פרעזידענט ביידען וועט טוען דערוועגן.
* * * *
נאך א פראוויזשאן אינערהאלב די ספענדינג ביל, וואס וועט דייקא בענעפיטרן גאר אסאך אמעריקאנע, וועט פארבאטן "סורפרייז בילינג, פאר מעדיצינישע פראצעדורן אין פאל די פאציענט האט נישט געהאט קיין אינשורענס פאר די ספעציפישע דאקטער/שפיטאל.
* * * *
טרעזשורי סעקרעטאר סטיווען מענושין זאגט היינט אז די דירעקטע טשעקלעך פאר אמעריקאנע וועלן אנגעהוין ווען פארטיילט אזוי שנעל ווי קומענדיגע וואך - דאס איז שנעלער ווי עס האט געדויערט אין מארטש.
* * * *
קאליפארניע גאווערנאר געווין ניוסאם איז ארין אין איזאלירונג צום צווייטן מאל, נאכ'ן קומען אין בארירונג מיט אן אנגעשטעקטן.
* * * *
אטוירני זשענעראל וויליאם בארר זאגט היינט אז עס זענען נישטא סיי וועלכע גרונדן וואס זאלן בארעכטיגן דאס שטעלן א ספעשל קאונסעל וואס זאל אויספארשן האנטער ביידען. אזוי אויך זאגט ער אז ס'איז נישטא קיינע אורזאכן צו אויפנעמען א ספעציעלע פראקוראר צו באהאנדלען די אנגעבליכע וואל-פעלשערייען.
* * * *
וויליאם באר זאגט היינט אז באזירט אויף די ביז יעצטיגע אינפארמאציע איז ער איינשטימיג מיט די ווערטער פון סעקראטערי אוו סטעיט מייק פאמפעיאו אז רוסלאנד שטייט ווארשיינליך אונטער די מאסיווע העקינג אטאקע - ווערענדיג דערמיט די צווייטע קאבינעט מיטגליד צו עפענטליך באשולדיגן רוסלאנד
* * * *
א קאנגרעסיאנאלע אויספארשונג צייגט אז טראמפ געשטעלטע באאמטע האבן פרובירט צו טוישן, אדער גענצליך בלאקירן, 13 רעפארט'ס אין באצוג צו די וויירוס.
* * * *
טרעזשורי סעקרעטאר סטיווען מענושין זאגט אז ער האט שוין אפגעהאלטן געשפרעכן מיט זיין נאכפאלגער, פרוי יעללען - "כ'האב שוין גערעדט מיט איר עטליכע מאל".
* * * *
לויט באריכטן האלט זשאו ביידען נאנט צו אויסקלויבן מיגועל קארדאונע אלס עדיוקעישאן סעקרעטאר - קארדאונא סערווירט אצינד אלס עדיוקעישאן קאמישאנער אין קאנעטיקוט.
* * * *
טי.עס.עי. ציפערן ווייזן אז די דורכאויס די לעצטע דריי טאג זענען העכער א מיליאן פאסאזשירן געסקרינט געווארן טעגליך - די ערשטע מאל זינט מארטש וואס די ציפערן זענען העכער א מיליאן פאר עטליכע טעג נאכאנאנד.
* * * *
א פעדעראלע פאנעל האט נעכטן רעקאמענדירט אז מענטשן העכער די 75, און אויך "וויכטיגע ארבעטער", זאלן זיין די נעקסטע קאטעגאריע צו באקומען די וויירוס וואקסין - די "וויכטיגע ארבעטער" נעמט אריין פייערלעשער, טיטשער'ס, גראסערי ארבעטער, מעניופעקטשערינג ארבעטער, און נאך. די רעקאמענדאציע איז טאקע בלויז א רעקאמענדאציע, און איז נישט בינדענד אויף די סטעיט'ס וואס קענען האבן אייגענע חשבונות.
* * * *
סי.די.סי. ציפערן ווייזן אז 550,000 אמעריקאנע האבן שוין באקומען די וויירוס וואקסין דורכאויס די ערשטע פאר טעג זינט עס איז באשטעטיגט געווארן.
* * * *
די יו.עס.פי.עס. ווארענט איבער די מעגליכקייט אז מיליאנען פעקעלעך וועלן נישט אנקומען באצייטנס דורכאויס די קומענדיגע צוויי וואכן - אין רעזולטאט פון א היסטארישע פארמערונג אין די צאל פעקעלעך וואס זיי דארפן ליפערן, אינאיינעם מיט א שטייגענדע צאל ארבעטער וואס זענען קראנק מיט די וויירוס. איין ארבעטער זאגט "ווי שלעט דו זאלסט נאר מיינען די סיטואציע איז, איז עס נאך ערגער פון דעם".
* * * *
די טראמפ קאמפיין האט פארארדענט אלע איינגעשטעלטע זאלן פרעזערווירן סיי וועלכע דאקומענטן איבער די דאמיניען מאשינען און/אדער פרוי פאועל - דאס קומט אין רעאקציע צו א סטראשע בריוו פון די דאמיניען פירמע ווי זיי האבן געווארענט מיט לעגאלע שריט אויב פאועל טוט נישט עפענטליך צוריקציען פון אירע באשולדיגונגען קעגן די פירמע.
* * * *
די קאמערס דעפארטמענט האט היינט ארויסגעשטעלט א ליסטע פון 103 פירמעס וואס ווערן באשולדיגט אין האבן פארבינדונגען מיט די רוסישע אדער כינעזע מיליטערן - מיטן ארויפשטעלן די פירמעס אויף די ליסטע, ווערן זיי פארבאטן פון אפקויפן מיט א רייע פראדוקטן און טעכנעלאגיעס פון אמעריקאנע פירמעס.
* * * *
פיר איינוואוינער אין פאלם ביטש קאונטי אין פלארידא האבן, פריער אין יאר, אריינגעגעבן א קלאגע אין די ארטיגע סטעיט געריכט קעגן א קאונטי מאס מאנדאט, מיט די טענה אז די מאנדאט טוט פארלעצן זייערע קאנסטיטוציאנאלע רעכטן. יעצט טוען די קלעגער פארלאנגען אז די ריכטער אויפן קעיס זאל זיך אפזאגן דערפון, נאך וואס עס איז ערשינען א בילד ווי מ'זעהט די ריכטער נעמט אנטייל ביי א פארטי - טראץ מערערע ווארענונגען פון געזונטהייט באאמטע דערקעגן - אויך טראגט ער נישט די מאסקע געהעריג.
* * * *
א פרישע באריכט דורך די ניו יארק סיטי "דעפארטמענט אוו אינוועסטיגעישאן'ס" באשולדיגט די פאליציי רעאקציע צו די פלויד פראטעסטן אין אויפפלאמען די געמיטער - אויך טוט די באריכט באשולדיגן די פאליציי אין אונטערהאקן פובליק טראסט אין די געזעץ פארסירונג אגענטורן דורכ'ן באשליסן אויפ'ן אייגענעם האנט ווען יא צו אינפארסירן די קורפיו און ווען נישט.
* * * *
אונטער די ניו יארק סטעיט געזעץ מוזן סטעיט ריכטער ריטייערן ביי די 70 יאר - עס איז אבער פארהאן א מעגליכקייט צו אפליקירן פאר א וועיווער וואס טוט ערלויבן צו דינען ביז די 76. דורכאויס די לעצטערע מאנאטן האבן 49 ריכטער זיך איינגעגעבן פאר די ספעציעלע וועיווער, 46 דערפון זענען געווארן אפגעזאגט - די אנגעבליכע אויסרייד פון די סטעיט איז, אזוי וועט די סטעיט שפארן ארום 55 מיליאן דאללער דורכאויס די קומענדיגע 2 יאר, אזוי אויך וועט עס פרעזערווירן העכער 300 אנדערע געריכטליכע זשאבס.
יעצט איז אריינגעגעבן געווארן צוויי באזונדערע געריכטליכע קלאגעס דערוועגן ווי די אפגעזאגטע ריכטער טוען באשולדיגן י סטעיט אין דיסקרימינאציע - א סופאלק קאונטי ריכטער האט דאנערטאג געזאגט אז די קעיס קען פאראויס גיין.
* * * *
עלטערן פון איינע פון די אומגעקומענע ביי די פארקלאנד שולע שיסעריי מיט צוויי יאר צוריק, גרייט זיך אריינצושיקן פאר די ען.אר.עי. א געשאנק פון 1,700 געלעכערטע קיכעלעך - ווי זיי זאגן דארפן די ציפער 1,700 סימבאלאזירן די צאל קינדער וואס ווערן אומגעברענגט יעדעס יאר אין די פאראייניגטע שטאטן.
* * * *
לויט באריכטן האט פרעזידענט טראמפ דורכאויס די לעצטערע טעג זיך אנגעהויבן נאכפרעגן איבער די פראצעדור פון ארופן אמעריקאנע לופטפעלדער אויפן נאמען פון געוועזענע פרעזידענטן - טייל באריכטן זאגן אז ער זוכט שוין צו אויספילן די פעיפערווארק דערפאר.
דערווייל עקזיסטירט נישט אזעלכע פעיפערווארק, נאר עס איז די באשלוס פון די לאקאלע סיטי/סטעיט רעגירונג.
* * * *
פרעזידענטט טראמפ'ס געוועזענע לויער, מייקעל קאהן, האט אריינגעגעבן א ביטע אין געריכט ווי ער פארלאנגט צו ווערן גענצלין פרייגעלאזט - ווי ער זאגט האט ער אויסגעפירט די פארלאנגען פון די "פוירסט סטעפ עקט" און דעריבער קומט זיך איהם צו ווערן ארויסגעלאזט פון הויז ארעסט.
* * * *
די ווייסע הויז וויירוס טעסק פארס טוט באטראכטן א פלאן פון פארלאנגען רייזענדע פון ענגלאנד זאלן צושטען א נעגאטיווע וויירוס טעסט, גענומען אין די 48-72 שטונדן איידער'ן ארויספליען - די פלאן איז ערווארטערט צו ווערן פארגעשטעלט פאר'ן פרעזידענט מארגן.
* * * *
מארגן וועט פארקומען א געריטליכע פארהער - אין טעקסאס פעדעראלע געריכט - איבער די לעגאליטעט פון די דאקא פראגראם איינגעשטעלט דורך די אבאמא אדמיניסטראציע.
די קלאגע, אנגעפירט דורך טעקסאס, באשולדיגט די אבאמא אדמיניסטראציע אין נישט אויספאלגן די ריכטיגע פראצעדור ביים איינשטעלן די פראגראם, ווי אויך טוט עס באשולדיגן די אדמיניסטראציע אין איבערגיין די גרעניצן פון עקזעקיוטיוו מאכט. די קעיס וועט ווערן אויסגעהערט דורך ריכטער האנען וואס ווערט באצייכענט אלס איינער פון "די מערסט פארטייאישע קאנסערוואטיווע ריכטער" אין די פעדעראלע געריכט סיסטעם.
* * * *
אלעקסיי דער דריטער האט געשריבן:די זשוסטיס דעפארטמענט גרייט זיך צו ארויסשטעלן קלאגעס קעגן מוכאממעד אבאוזשילא מאסוד - א ליביע בירגער - די קלאגעס וועלן איהם באשולדיגן מיט'ן שפילן א ראלע אין די לאקערבי באמבאדירונד טעראר אטאקע דורכגעפירט אין יאר 1988.
די אטאקע האט פאסירט ווען א פען-עם פליגער אויפן וועג פון לאנדאן קיין ניו יארק האט אויפגעריסן העכער די דערפל לאקערבי - אומברענגענדיג 270 מענטשן.
די זשוסטיס דעפארטמענט האט היינט - אין די 32'טע יארטאג פון די אטאקע - פארמאל ארויסגעשטעלט די קלאגעס.
מאסוד ווערט יעצט געהאלטן אין טורמע אין ליביע, וואו ער איז ארעסטירט געווארן מיט עטליכע יאר צוריק - אמעריקאנע פראקורן גלויבן אז די אויסליפערונג פראצעדור וועט פארן געשמירט.

אוועטאר
אלעקסיי דער דריטער
שר האלפיים
תגובות: 2029
זיך איינגעשריבען אום: מאנטאג אוגוסט 27, 2018 5:17 pm

Re: א רעפטל קאקאש, א הייסע קאווע, און פרישע נייעס

תגובהדורך אלעקסיי דער דריטער » מאנטאג דעצמבער 21, 2020 10:01 pm

אלעקסיי דער דריטער האט געשריבן:מאנטאג ויגש

א קאנגרעסיאנאלע אויספארשונג צייגט אז טראמפ געשטעלטע באאמטע האבן פרובירט צו טוישן, אדער גענצליך בלאקירן, 13 רעפארט'ס אין באצוג צו די וויירוס.
* * * *

די "האוז סובקאמיטע פאר קאראנאוויירוס" האט ארויסגעשיקט סובפינעס פאר די "העלט ענד יומען סערוויסעס" סעקרעטאר אלעקס אזאר און סי.די.סי. דירעטאר ראבערט רעדפיעלד אין א פארזוך ארויסצובאקומען דאקומענטן דערוועגן - ווי קאנגרעסמאן קלייבורן, די פארזיצער פון די קאמיטע, זאגט קומט די שריט נאך וואס די באאמטע האבן קלארגעשטעלט אז זיי האלטן נישדט ביים פרייוויליג איבערגעבן די אינפארמאציע.

עומד מן הצד
שר מאה
תגובות: 116
זיך איינגעשריבען אום: דאנארשטאג מאי 07, 2020 2:18 pm

Re: א רעפטל קאקאש, א הייסע קאווע, און פרישע נייעס

תגובהדורך עומד מן הצד » מאנטאג דעצמבער 21, 2020 10:31 pm

א גרויסן ש'כח הרב אלעקסיי, מ'בלעק מיר זיך יעדן טאג עקסטער, ע''פ רוב איז עס טאקע מיט א רעפטל קאקאש און א הייסע קאווע אזוי האמיר דעם יחוד השלם. ש'כח נאכאמאל

מצליח
שר חמש מאות
תגובות: 568
זיך איינגעשריבען אום: זונטאג נובעמבער 01, 2020 10:33 am

Re: א רעפטל קאקאש, א הייסע קאווע, און פרישע נייעס

תגובהדורך מצליח » מאנטאג דעצמבער 21, 2020 10:51 pm

ענגלאנד געפונט זיך אין א קריזיס נאכדעם וואס פולע לענדער איבער די וועלט האבן פארמאכט זייערע גרעניצן פאר בריטישע געסט אויס זארג פון א פרישע וויירוס ווערסיע וואס פארשפרייט זיך אין די לאנד, אבער עקספערטן זענען ביים מיינונג אז די ווערסיע געפונט זיך שוין לאנג אין ארימיגע לענדער וועלכע האבן נישט אזעלכע גוטע מעטאדן ווי ענגלאנד וויאזוי עס אויפצוכאפן.

8 קאטיוטשע ראקעטן זענען נעכטן געשאסן געווארן אין ריכטונג פון די אמעריקאנער אמבאסאדאר אין די שווער-באשיצטע גרינע זאנע אין איראק'ס הויפטשטאאט באגדאד

די הויף פון די אמעריקאנער אמבאסאדא אין ירושלים האט באקומען א נאמען נאך ווייסע הויז ראטגעבער דזשערעד קושנער, אלץ אנערקענונג פאר זיין ארבייט נאנט צו ברענגן מדינת ישראל מיט אראבישע און מוסלומענער לענדער

קאנגרעספרוי וואטערס פון קאליפארניע איז ארויס געקומען מיט שארפע ווערטער אקעגן פרעזידענט טראמפ אין ליכט פון די רוסישע העקעריי אויף רעגירונג אגענטורן, זאגענדיג, אז קאנגרעס האט פארפאסט א געלעגענהייט אים צו אימפיטשן

דער געוועזענער סי-איי-עי דירעקטער דזשאן ברענען האט געגעבן פרישע ברענשטאף פאר די יו-עף-או גלייבער, ביים לאזן פאלן ווערטער אז עס זענען מעגליך פארהאן אנדערע סארטן זאכן ארויס פון די ערד-קוגל פון וואס מענטשען ווייסן נישט

מער ווי א מיליאן מענטשען זענען אריבער אמעריקאנער לופטפעלדער יעדע איינס פון די לעצטע צוויי טעג, אן אנדייטונג אז אמעריקאנער איגנארירן די רופן פון געזונטהייט באאמטע נישט צו רייזן צופיל די יעצטיגע טעג

ניו דזשורסי גאווערנער פיל מורפי האט אינטערגעשריבן אן עקזעקאטיוו ארדער צו פארלענגערן מיט נאך 30 טעג די פובליק העלט אמערדזשענסי אקטיוויזירט ביים אנפאנגן פון די וויירוס קריזיס

טשילי'ס פרעזידענט איז באטשראפט געווארן מיט 3,500 דאלאר פאר'ן זיך שטעלן פאר א בילד צוזאמען מיט א צווייטן אן האבן א מאסק אויפ'ן געזיכט

אייראפעאישע אוויאציע רעגולעיטערס האבן באשטעטיגט אז די באואינג 737 מעקס פלגיער האט מער נישט קיין פראבלעם און מען קען רואיג פליען דערמיט

די פארבליבענע לענדער אנגעשלאסן אין די 2015 נוקלעארע אפמאך מיט איראן געבן איבער אז זיי רישן זיך אז אז די אפמאך וועט באנייט ווערן איינמאל דזשאו ביידן קומט אריין אין ווייסן הויז

א מדינת ישראל מתנחל איז אומגעקומען אין א קאר עקסידענט דורכאויס א פאליציי געיעג. ווי די פאליציי זאגט האבן אפיצירן אנגעפאנגן נאכיאגן א גרופע מתנחלים וועלכע האבן געווארפן שטיינער אויף פאלעסטינער, און אינמיטן זיי נאכיאגן האט פאסירן אן עקסידענט פון וואס איינער איז אומגעקומען

א מדינת ישראל סאלדאט איז געווארן ארויס געווארפן פון זיין איינהייט אלץ שטראף פאר'ן נישט עפענען פייער אויף א פאלעסטינער וועלכע האט געווארפן א פלאש באמבע אויף אים

נאנטע קוועלער צו פרעזידענט טראמפ געבן איבער, אז דער פרעזידענט האט נישט קיין באלדיגע פלענער צו מעלדן א 2024 פרעזידענט פארמעסט, אנדערש ווי פריערדיגע באריכטן אז ער קען ארויס קומען מיט אזא מעלדונג גאר אין קורצן

ווייסע הויז ראטגעבער דזשערעד קושנער זאגט אז די שריט פון די ווייסע הויז צו אנערקענען ירושלים אלץ הויפטשטאט פון מדינת ישראל האט געפירט צו א כוואליע שלום אפמאכן

4 טורמע וועכטער און א קעפטין זענען פארוואונדעט געווארן אין אן איבערפאל דורך א ווילדע ארעסטאנט אין רייקערס איילענד

ניו יארק סיטי שעריף דעפיוטיס האבן געשטורעמט א געהיימע פארזאמלונג אין קווינס וואו עס האבן זיך געפונען ארום 165 מענטשען

צוויי מענטשען זענען לייכט פארוואונדעט געווארן ווען א קליינע עראפלאן האט זיך אראפ געגליטשט פון די ראנוועוי ביי א לופטפעלד אין לאנג איילעאנד

אוועטאר
Rak Tov
שר חמש מאות
תגובות: 560
זיך איינגעשריבען אום: דינסטאג אוגוסט 18, 2020 12:35 pm
לאקאציע: זיך אקציע אונטערגענימענגעווארן

Re: א רעפטל קאקאש, א הייסע קאווע, און פרישע נייעס

תגובהדורך Rak Tov » מאנטאג דעצמבער 21, 2020 11:31 pm

עומד מן הצד האט געשריבן:א גרויסן ש'כח הרב אלעקסיי, מ'בלעק מיר זיך יעדן טאג עקסטער, ע''פ רוב איז עס טאקע מיט א רעפטל קאקאש און א הייסע קאווע אזוי האמיר דעם יחוד השלם. ש'כח נאכאמאל

;l;p-
רק טוב!


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: AhrefsBot, Goodmorning, דורך געטראכטער, כ'לאך, מרדכי ש, נטה, שטיל, שמחה פריילעך און 44 געסט