ווער וויל דאסמאל נישט נוצן דאס ווארט "טעראריזם"???

באריכטן און אנאליזן

די אחראים: אחראי, געלעגער

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

ווער וויל דאסמאל נישט נוצן דאס ווארט "טעראריזם"???

תגובהדורך עס עפעס » פרייטאג פאברואר 19, 2010 9:31 am

יא, ס'איז שוין נישט קיין נייעס, א פארשוין מיטן נאמען דזשאוסעף סטעק האט גענומען זיין קליינעם פליגער און אריינגעקראכט דערמיט אין א געביידע וואו עס זענען סטאנציאנירט די אפיסעס פון די איי אר עס אין אוסטין טעקסאס.

זיינע מאטיוון זענען אויך ווארשיינליך גאנץ קלאר: ער איז געווען אויפגערעגט אויף די פעדעראלע רעגירונג, אויף די איי אר עס פארן אים צווינגען צו צאלן טויזנטער דאלער אין שולדיג-געבליבענע שטייערן, אויף די בעילאוט געלטער וואס די רעגירונג האט פארטיילט פאר גרויסע בענק און אויפן העלט קעיר סיסטעם אין אמעריקע וכו' וכו'

אמווייניגסטנס, ווי עס האלט יעצט, האט דער קראך אומגעברענגט 1 ארבעטער פון די איי אר עס, און פארוואונדעט עטליכע גאר שטארק. זיין ציהל איז געווען קלאר "צו פארגיסן בלוט", ער האט דאס געשריבן אין זיין זעלבסטמארד בריוו מער ווי איין מאל.

און, וואונדער איבער וואונדער, די קאנסערוואטיוון, און די "טי-פארטי" אנדרייער, שרייען קלאר אז דאס איז נישט געווען קיין טעראריסטישע אטאקע!

דער נייער ליבלינג פון די רעפובליקאנער, מאסעטשוסעטס סענאטאר סקאט בראון האט נעכטן אין א אינטערוויו אויף פאקס ניוז געזאגט אז די זעלבע רעגעניש וואס האט געברענגט דזשאוסעף סטעק אריינצוקראכן זיין עראפלאן אין די איי אר עס געביידע, אט די זעלבע רעגעניש פון די אמעריקאנער בירגער האט געברענגט אז ער איז ערוועלט געווארן מיט א שטארקע מערהייט!

גלען בעק, דער מידיא פיגור פון די עקסטרעם-רעכטע, האט געשפירט דעם דרוק און פארשטאנען אז זיינע שארפע און אומקאנטראלירבארע קאמענטארן קעגן די פעדעראלע רעגירונג האט גאנץ מעגליך געקענט זיין דער גורם צום עראפלאן קראך, און דעריבער האט ער קלאר געזאגט אז "טראצדעם וואס צומאל דרוקט איך זיך אויס שארף קעגן די רעגירונג, שטיץ איך אבער נישט קיין ווילדע אקטן וואס קאסטן לעבנס פון מענטשן".

ער האט געפינען פאר וויכטיג צו זאגן די ווערטער, ווייל די הויט ברענט אים און די עקטסרעם רעכטע הויבן אן זיך כאפן ביי די קעפ אז זייער קריטיק קעגן פרעזידענט אבאמא און די פעדעראלע רעגירונג איז ארויס פון יעדן פראפארץ, אזש עס קען קאסטן לעבנס פון אומשולדיגע אמעריקאנער!!!

יא יא, אבער דאס ווארט "טעראריזם" איז נישט געניצט געווארן...

כוויל נאר אויפפרישן דער משל וואס איך האב געניצט ביי די פארט הוד טעראר אטאקע. כהאב דעמאלט געפרעגט וויאזוי די רעכטע וואלטן רעאגירט ווען א ווייסער מאן קנאקט אריין מיט אן עראפלאן אין א געביידע, צי מען וואלט דאס אנגערופן טעראר, אדער רופט מען נאר אן טעראר ווען איינער מיט טונקעלע הויט שרייענדיג אללא אכבאר נעמט זיך שיסן אויף אומשולדיגע בירגער.

אט דא האט פאסירט דער משל אין ווירקליכקייט. א ווייסער מאן האט אריינגעקראכט מיט זיין פליגער אין א געביידע, מיטן ציהל זיך אומצוברענגען און אומברענגען אנדערע...

...און? דאס ווארט טעראר? "דאמעסטיק טעראריזם"? נעה! עה! א בלויזער קרימינאלער אקט!

ווען טימאטי מעקגוועי האט אריינגעקראכט מיט א טראק אנגעפולט מיט אויפרייס מאטעריאל אין א פעדעראלע געביידע אין אקלעהאומע סיטי, איז דאס למעשה באצייכנט געווארן אלס א "אקט פון דאמעסטישע טעראר".

יעצט, ווען אמעריקע איז געבינדן אין קייטן פון פארטייאישקייט און מען קען שוין נישט קוקן אויף קיין שום זאך מיט קלארע ברילן, ווילן נישט די קאנסערוואטיוון אנרופן סטעק'ס אקט מיטן נאמען "טעראריזם", ווייל ער איז געווארן מאטיווירט דורך קאנסערוואטיווע רעכטע אנשויאונגען! אז שטייערן איז נישט א זאך וואס די ערפינדער און גרינדער פון אמעריקע האבן געוואלט אז די בירגער זאלן דארפן צאלן!

איינער זאל מיר ביטע מסביר זיין די דיפערענץ פון די צוויי פארשוינען:

-נידאל חאסאן, וועלכער איז אנגעהעצט געווארן אז די אמעריקאנער זענען כופרים אין מוכאמעד און דעריבער איז ער ארויס און דערשאסן אומשולדיגע.

-דזשאוסעף סטעק, וועלכער איז אנגעהעצט געווארן אז די פעדעראלע רעגירונג מיינט די שלעכטס פון אמעריקאנער בירגער און איז דעריבער ארויס און אריינגעקראכט זיין פליגער אין א געביידע מיט רעגירונגס ארבעטער, מיטן ציהל אומצוברענגען מענטשן.

ס'איז מיר א וואונדער...
א ליידיגער מאגן איז א נעגאטיווער ראטגעבער, טא עס עפעס!

DONE
שר חמישים ומאתים
תגובות: 252
זיך איינגעשריבען אום: מאנטאג נובעמבער 10, 2008 9:32 pm

תגובהדורך DONE » פרייטאג פאברואר 19, 2010 10:17 am


אוועטאר
לכאורה
שר עשרת אלפים
תגובות: 11289
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » פרייטאג פאברואר 19, 2010 11:58 am

איך האב נישט גענומען די מיה צו ליינען דעם זעלבסטמארד נאטיץ פון דעם וואנזיניגן פילאט, אבער יוסי געשטעטנער שרייבט מיר אויף טוויטער אז קיין רעכטער עקסטרעמיסט איז ער נישט געווען, והא ראיה ער רייסט ארונטער פרעזידענט רעיגענס שטייער שניטן, און רופט אן פרעזידענט בוש דעם צווייטן א "פאפעט".
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
וויכטיג מאכער
שר עשרים אלפים
תגובות: 22354
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » פרייטאג פאברואר 19, 2010 1:15 pm

עס עפעס, כאב הנאה אז דו האסט געשריבן אויף די קעפל "דאס מאל"... דאס מיינט אז דו האסט שוין אנערקענט אז דיינע רעכטע קאלעגן דא זענען גערעכט, און איינער וואס הרג'ט אנדערע מיטן ציהל אנצוזייען טעראר, איז א טעראריסט, נאר "דאס מאל" האלטן זיי נישט אזוי...

איך האף אז דו זעהסט א שטיקל חילוק פון דעם חאסאן ביז דעם סטעק.

ראשית, נישט יעדער וואס איז א מערדער, איז א טעראריסט, למשל קיינער גייט נישט זאגן א מארטין גראסמאן איז א טעראריסט ווייל ער האט געהרג'ט א פאליס...

ווייטער, עס עפעס, לאמעך דיך פרעגן שטילערהייט, ווען דו האסט געהערט די מעשה פון דעם קראך, וויזוי האסטו עס אנגערופן? (שששששש... זאג נישט פאר קיינעם, טראכט איין מינוט צו דיר...) יא! ס'קען זיין אז דאס איז א טעראריסטישע אקט, אבער איך, און איך מיין אז דו אויך, און נאך אנדערע נארמאלע מענטשן ווען זיי האבן דאס געהערט, האבן דאס ענדערש אנגעקוקט ווא א קרימינאלע אקט, פונקט וואו ווען איינער שיסט א פאליס וואס קומט עם ארעסטירן, אדער עני אנדערע פארברעכן.

משא"כ דער חאסאן, האב איך, און דו, און יעדע נארמאלע מענטש עס גראד פארדעכטיגט אלץ א טעראריסטישע אקט, און צום סוף האצעך טאקע ארויסגעשטעלט אז ער האט געהאט שייכות מיט טעראריסטן.

יא יא, פארגעס איין מינוט וואס די רעכטע און לינקע טענה'ן, טראכט וואס די מעשה איז געווען, און טראכט דיין ערשטע רעאקציע צו די מעשה, און זאג מיר.. ניין, זאג פאר דיר, צו איך בין נישט גערעכט...

נאך איין זאך, אנפארטשענעטלי זעמער היינט צוטאגס און א מלחמה קעגן איסלאמישע טעראריסטן, סאו דער המון עם מעזשערט טעראר בעיקר צו ער האט געהאט א שייכות מיט איינע פון די איסלאמישע טעראר גרופעס, צו ער האט געארבייט אויף די אייגענע האנט.

ביי חאסאן האט אויסגעקוקט ווי ער איז געווען א איסלאמישער פארבינדענער, און סאצעך טאקע צום סוף אזוי אויסגעשטעלט, רופט מען עס אן טעראר, משא"כ סטעק, קוקט דערווייל אויס וואו ער האט געארבייט אויף די אייגענע האנט, רופט מען עס נישט אן קיין טעראר...

פארשטאנטא?

איך מוז נאר וויסן, טאמער איז דער סטעק יא א רעכטע עקסטרעמיסט איז וואס? דאס מיינט שוין אז בעק/הענעטי/לימבאו א.ד.ג. זענען שולדיג, און די רעכטע זענען טעראריסטן? קאם אן!!! ס'פעהלט משיגעים אויף די וועלט?
הכונו ל'מעמד אדיר איום אסיפת ה''ניקס'' לטוהר המחנה!!!

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג פאברואר 21, 2010 8:11 am

לכאורה.

ערשטנס, דאס אז ער האקט אויף פרעזידענט רעיגענס שטייער שניטן, האב איך געטון עטוואס דערין, ס'זענען בשעתו אויך געווען שטארק רעכטע וועלכע האבן נישט געהאלטן פון יענע סארט שטייער שניטן, און בכלל, ווייל ער האקט אויף איין ספעציפישע זאך ווייזט נאכנישט אז ער איז נישט קיין רעכטער עקסטרעמיסט געוועזן, און נאכדערצו ווען זיין גאנצער בריוו איז מערסטנס האקעריי אויף די דעמאקראטיש-גענויגטע פאליסיס.

צווייטנס, דו האסט אן אנונג וויפיל רעכטע האבן געשאלטן פרעזידענט בוש בייטאג און ביינאכט? פרעג נאר פעט ביוקענען צי ער האלט אז בוש דער צווייטער איז געווען א גוטער פרעזידענט, פרעג נאר ראן פאול דער ליבערטעריען צי פרעזידענט בוש האט נישט אין דער ערד געלייגט אמעריקע, סאו דאס אז ער האקט אויף בוש, קען גאר זיין א פיל שטארקערע באווייז אז ער איז יא געווען אנגעגעסן מיט רעכטע אנשויאונגען.

וויכי.

מארטין גראסמאן גייט קיינער נישט אנרופן א טעראריסט, ווייל ער האט געעפנט א געפעכט צווישן אים פריוואט און א פאליציאנטקע, אבער חאסאן און סטעק האבן געטון א זאך דירעקט אנצושרעקן און צו "טעראריזירן" די מאסן, טעראריזירן, אנמאכן א שרעק, דאס מיין איך.

און דאס וואס דו זאגסט אז ווייל סטעק האט ווארשיינליך געארבעט אויף די אייגענע האנט רופט מען דאס נישט אן טעראר, ביזטו זיך עטוואס טועה, טימאטי מעגקוועי האט אויך געארבעט אויף די אייגענע האנט און דאך האט מען דאס אנגערופן טעראר, טעראר מיינט נישט ווען מען איז פארבינדן מיט א גרופע דייקא.
א ליידיגער מאגן איז א נעגאטיווער ראטגעבער, טא עס עפעס!

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג פאברואר 21, 2010 8:31 am

פארגאנגענעם אפריל, האט די "האומלענד סעקיוריטי דעפארמענט" ארויסגעגעבן א באריכט, וואו זיי ווארענען אז "רעכטע עקסטרעמיזם און די פאליטישע קלימאט אין אמעריקע, וועט ברענגען נייע פארמען פון ראדיקאליזם.

ליין דא
א ליידיגער מאגן איז א נעגאטיווער ראטגעבער, טא עס עפעס!

אוועטאר
וויכטיג מאכער
שר עשרים אלפים
תגובות: 22354
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » זונטאג פאברואר 21, 2010 8:33 am

עס עפעס, קיינער האט נישט געוואלט צוגלייכן גראסמאן צו סטעק, כאבעס געשריבן ארויסצוברענגען א פוינט, סאו פליז ליין איבער וואס כאגעשריבן, און ענטפער אויף מיינע פוינטס, און נישט אויף מיינע משלים.
הכונו ל'מעמד אדיר איום אסיפת ה''ניקס'' לטוהר המחנה!!!

ydbh
שר חמישים
תגובות: 56
זיך איינגעשריבען אום: דאנארשטאג אוקטובער 16, 2008 1:41 am

תגובהדורך ydbh » זונטאג פאברואר 21, 2010 11:22 am

ווער וויל דאסמאל אז מען זאל יא נוצן דאס ווארט "טעראריזם"???

ליינט און ווערט נישט דערשטוינט.

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג פאברואר 21, 2010 11:38 am

איך שטיי און שטוין פון די קליינקעפיגקייט!!! ווען וועלן זיך שוין די חברה אויסלערנען אז דאס ווארט "מוסולמענער גרופעס" מיינט נישט קיין טעראריסטישע גרופעס??? געוואלד!!!

וואס איז אז די מוסולמענער פרידליכע גרופעס, וועלכע ווערן כסדר אונטערגעזוכט און מען מאכט זיכער אז זיי האבן גארנישט מיט טעראר, ווילן אז מען זאל לעבלען דער אינצידענט מיטן ווארט "טעראר"???
א ליידיגער מאגן איז א נעגאטיווער ראטגעבער, טא עס עפעס!

אוועטאר
בן בוזי
שר ארבעת האלפים
תגובות: 4723
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » זונטאג פאברואר 21, 2010 11:49 am

ב"ה

מ'ווערט אזוי פארטוהן אין א זייטיגע זאך און מען פארגעסט גאר דער עיקר. גייט דען עמיצן אהן צו מ'רופט עס טעראר אדער קרימינאלער אקט? דער דיפערענץ איז נאר צו מען אנערקענט עס אלס א מוסלמענישער אקט אדער נישט, און כדי נישט צו רעדן אפן צוליב די פארכט פון דיסקרימענעישאן באנוצט מען זיך מיט אן א.ג. אויסדרוק 'טעראר' אבער דאס איז בלויז א קאמפולאזש פון זיך אפן אויסדרוקן אויס מורא פאר די צודרייטע אמעריקאנער פאלק וועלכע האלטן נישט ביים אנערקענען אין דער ראדיקאל-מוסלמענישער פראבלעם, ממילא איז דער יעצטיגער סטארי קיין פארגלייך צום פארט הוד באזע שיסעריי, ווייל דארט האט מען בלויז פארלאנגט אז דער פרעזידענט יר"ה זאל זיך ארויס לאזן פון זיין באבל און זיך ערוועקן פון זיין טיפער שלאף צו דער ראדיקאלער-מוסלמענישער פראבלעם.
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » זונטאג פאברואר 21, 2010 12:05 pm

אוי בן בוזי! טעראר איז נאר ווען עס קומט פון מוסולמענער?????????? אוי מיין זיסער גאט!!!!!! טעראר איז ווען איינער לאזט זיך ארויס מיטן ציהל צו טעראריזירן אמעריקאנער בירגער, צו טעראריזירן די מוחות און ווארפן א שרעק, צו טעראריזירן און וואנדאליזירן קעגן רעגירונג, אפילו אויב עמיצער וואס איז ווייסער ווי די וואנט און האט אן אמעריקאנעם דזשאני נאמען!!!!!!!!!!
א ליידיגער מאגן איז א נעגאטיווער ראטגעבער, טא עס עפעס!

אוועטאר
עס עפעס
שר האלפיים
תגובות: 2212
זיך איינגעשריבען אום: דינסטאג אוגוסט 11, 2009 2:26 pm
לאקאציע: ביים טעלער
פארבינד זיך:

תגובהדורך עס עפעס » מאנטאג פאברואר 22, 2010 3:46 pm

קאנסערוואטיווער קאנגרעסמאן סטיוו קינג האט שבת ביים "סי-פעק" קאנווענשאן געזאגט אז ער סימפאטיזירט מיטן פארשוין וועלכער האט אריינגעקראכט זיין עראפלאן אין די איי אר עס געביידע און ער האט געזאגט אז אנדערע אמעריקאנער בירגער זאלן אויך גיין און "צעקראכן די איי אר עס געביידעס".

http://tpmlivewire.talkingpointsmemo.co ... ffices.php
א ליידיגער מאגן איז א נעגאטיווער ראטגעבער, טא עס עפעס!


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: Google [Bot], ירוושלמי22 און 26 געסט