אשכול פון היכי תמצא....

[scy4851]

היכי תמצא,
1] מען ברענקט א קרבן, מען שעחט עס, און מען איז גארנישט מקריב דערפון.
דער קרבן האט קיין איין פעלער נישט. עס איז נישט פיגול, נישט טמא, די פלייש איז דא, דער בעל הקרבן איז דא, ער האט אויך גארנישט קיין פעלער.

[scy4851]

היכי תמצא.
2] עס איז דא כוהנים און בית מדרש און מען געט פאר א ישראל דער ערשטע עליה און דער כהן איז עולה לוי

[scy4851]

היכי תמצא.
3] עס גייט א דארעך א גאנץ יאהר אין איין סדרה אין די תורה האט מען יענעם יאהר נישט געליינט

[אנדי פעטיט]

היכי תמצא.
3] עס גייט א דארעך א גאנץ יאהר אין איין סדרה אין די תורה האט מען יענעם יאהר נישט געליינט

עס קען זיין אז איין יאר איז ראש השנה אויסגעפאלען דאנערשטאג אדער שבת קומט אויס אז מ'האט געליינט וילך פאר ראש השנה און די נעקסטע יאר ליינט מען עס ערשט שבת שובה, רומט אויס אז א גאנת יאר האט מען נישט געליינט וילך.

[scy4851]

אנדי, גערעכט!


א יעדער קען דא לייגען היכי תמצאת מען זאל נאר שטעלען נומערען פאר אידענטיפיקעשאן

[מיללער]

יישר-כח ר' משחה פאר די אינטערעסאנטע אשכול עפענונג מיט די תוכנפולע תגובות, איך קלער אז אירזאלט מאכן אן אלטימאטום ווען מ'גיבט ארויס די תשובה פונעם היכי-תמצא, אזוי אז מ'זאל נישט בלייבן שטעקן מיט די חידה.

ביי חידה # 1 שרייבט איר וועגן א קרבן וועלכע מען איז נישט מקריב, וואס טוט מען מיט'ן קרבן? עס איז ווי א פסול'ער קרבן אדער האט אנדערע דינים ווי למשל פרה אדומה, שעיר לעזאזל וכדו'?

[scy4851]

יישר-כח ר' משחה פאר די אינטערעסאנטע אשכול עפענונג מיט די תוכנפולע תגובות, איך קלער אז אירזאלט מאכן אן אלטימאטום ווען מ'גיבט ארויס די תשובה פונעם היכי-תמצא, אזוי אז מ'זאל נישט בלייבן שטעקן מיט די חידה.

ביי חידה # 1 שרייבט איר וועגן א קרבן וועלכע מען איז נישט מקריב, וואס טוט מען מיט'ן קרבן? עס איז ווי א פסול'ער קרבן אדער האט אנדערע דינים ווי למשל פרה אדומה, שעיר לעזאזל וכדו'?

עס איז דער זעלבע וויא אן אנדערע קרבן עס איז נאכל לכוהנים.

לגבי מאכען אן אלטימעטום האב איך געקלערט. אפשר א טאג צווי, וואס קלערסט דו?

[מיללער]

שפריצן בלוט יא?
הבכור והמעשר והפסח?

דער אלטומאטום איז אייער בריירה, צוויי טעג איז פיין.

[scy4851]

שפריצען בליט יא,
די אלע קרבנות וואס די האסט דערמאנט האבען אימרים וואס מען איז מקריב אויפען מזבח. איך רעדט פון א קרבן וואס מען איז גארנישט מקריב.

[מיללער]

עפעס א קרבן עוף ליגט מיר אין קאפ, יא?

[scy4851]

ני...האלסט אויפען ריכטיגען וועג

[מיללער]

לא זוכר כעת, אמממ....... חטאת העוף?

[מיללער]

היכי תמצא.
2] עס איז דא כוהנים און בית מדרש און מען געט פאר א ישראל דער ערשטע עליה און דער כהן איז עולה לוי

דאס האט מיט'ן ביהמ"ד, זמן, הלכה (ממזר ת"ח קודם לכהן ע"ה)?

[scy4851]

יא. חטאת העוף.
פסחים נט עמוד א
אין למזבח אלא דמה. וברש"י שם ד"ה הכא. ונאכלת לכהנים

[מיללער]

אה א שטיין אראפ פון קאפ, נעקסט פליעז.

[scy4851]

היכי תמצא.
2] עס איז דא כוהנים און בית מדרש און מען געט פאר א ישראל דער ערשטע עליה און דער כהן איז עולה לוי

דאס האט מיט'ן ביהמ"ד, זמן, הלכה (ממזר ת"ח קודם לכהן ע"ה)?

די אלע יודען און בית מדרש זענען כשרע יודען, און קיינער איז נישט מער תלמוד חכם פונעם צוויטען.
און עס האט נישט מיטען זמן.

[scy4851]

חידה # 4 .
מען האט און זינען מקיים צי זיין די מצוה, און מען איז עס נישט מקיים.

[קרעמער]

שכחה

[scy4851]

שכחה

גירעכט

[מיללער]

שכחה

גירעכט

עס איז צו שפעט אויפדערנאכט, איך כאפ נישט, ס'הייסט?

[scy4851]

קען א יוד האבען און זינען האבן אז ער גייט מקיים זיין די מצוה פון שכחה[ פון די מתנת עניים]?

[מיללער]

אהא, גוט כ'האב געמיינט שכחת התורה אדער לא תשכח פון מחיית עמלק.

[3x0]

געווענליך רעד איך נישט אריין אין דעם אפטיילונג, אבער דא פארשטיי איך נישט עפעס, וועל איך יא פרעגן.

איז מען מקיים די מצוה פון שכחה ווען מען פארגעסט?

ווי איך פארשטיי האט מען די מצוה ווען מען הייבט עס נישט אויף, אדער ווען דער עני נעמט עס.

[farshlufen]

הרב טריא
מ'האט טאקע די מצוה ווען מ'הייבט עס נישט אויף, אבער דאס איז נאר אויב מ'פארגעסט, מ'קען נישט בכונה איבערלאזן און נאכדעם מקיים זיין מצות שכחה.

און אנדערס מאל ביטע רעד יא אריין מ'וועל מיר הנאה האבן.

[3x0]

שכוח פארן הסבר.