'אניאגראם'- די 9 סארטן מענטשן און זייערע נאטורן

עצות טובות אויפן טעגליכן לעבן

די אחראים: זייער נייגעריג, אחראי, thefact

אוועטאר
מחשב
שר מאה
תגובות: 224
זיך איינגעשריבען אום: דינסטאג יולי 17, 2018 3:57 pm
לאקאציע: איך געפין זיך? דער עולם געפינט זיך ביי מיר.

תגובהדורך מחשב » זונטאג אוגוסט 12, 2018 3:24 pm

דערבארומדיג'ער האט געשריבן:איך פארשטיי נאך נישט פונקטליך דער E VS. I

צי דען איז דא א טייפ וואס זייער מח טראכט נישט א גאנצער צייט? דער Ti טראכט דאך אוודאי א גאנצע צייט, נו וואסזשע טראכט ער דעמאלטס? ער טראכט נאר פון זיך? ער באטראכט זיין נעגעל נאכאמאל און נאכאמאל?

די שאלה איז אסאך שטארקער ביי די Ni פונקציע,
נשמה האט מסביר געווען אז E איז א שטודירער, ער קריכט אריין אין יעדע זאך וואס ער זעהט, דער T איז וואס איז א מחליט, ער באשטימט זיין מיינונג אויף זאכן, -אזוי האב איך פארשטאנען.
א E מוז נישט דוקא זיין א קלוגע מענטש, א פארשטייער. נאר א אנאליזירער, לויט זיין "פארשטאנד" (Tׂ).

אבער ביי Ei פארשטיי איך נאך אסאך ווייניגער, וואס אנאליזירט ער זיך אגאנצן טאג, וואס איז ער שוין אזוי אינטערעסאנט?
נשמה האט מסביר געווען אז זיינע ארומיגע זאכן ברענגן אים אויף (E) מחשבות אדער געפילן וואס ער (Tׂ) האט פון דער עבר.
פארשטיי איך האלבוועגס.
ס'איז ביידע, איך זיץ ביים 'מחשב', אבער איך פרוביר אביסעלע צו ניצן דעם קאפ אויכעט...

אוועטאר
פעיק נוז
שר האלף
תגובות: 1474
זיך איינגעשריבען אום: דינסטאג יוני 13, 2017 8:49 pm
לאקאציע: אנאנימע סאורסעס

תגובהדורך פעיק נוז » זונטאג אוגוסט 12, 2018 4:10 pm

דער עולם ןןערט געבעטען אריבער צו גיין דא

viewtopic.php?f=3&t=22677
דער שוואכער טראסט אין טראמפ איז גוט פאר אונז, ווייל ער קען אונז נישט זאגען "גלייב מיר", איז האט ער נישט קיין ברירה און מוז נאכאנאנד דעליווערען

אוועטאר
נשמה
שר ארבעת האלפים
תגובות: 4659
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » זונטאג אוגוסט 12, 2018 4:50 pm

ס'איז נישט ממש פארדרייט געווארן די אשכול פון אניאגראם צו מאיר בריגס. כדי בעסער ארויסצוהאבן א מענטש דארף מען גיין מיט מאיר בריגס אויך. ס'איז ביידע. ס'איז נישט אינטערעסאנט צו שרייבן וואס מאיר בריגס פאר זיך איז און דאס איז נישט געווען מיין כוונה. ס'איז מער אינטערעסאנטער צו שרייבן וויאזוי ווען ס'דאכט זיך אז מ'זעהט אן אכטער, אדער א איינזער, אדער א זעקסער, אז דאס האט אויך צו טון מיט די פונקציעס וואס מאיר בריגס רעדט דערפון. ס'איז נישט אינטערעסאנט דאס אפצוטיילן. די אניאגראם איז וואס דערציילט אונז ארום די אינערליכקייט וואס מ'קען אויפפאסן אין א מענטש. און מאיר בריגס קען העלפן צעטיילן די קאלירן וואס מ'זעהט אין א מענטש פארוואס ס'איז אזוי, און פארוואס אזוי.

די אניאגראם וועט ווארשיינליך אלעמאל בלייבן דינאמיש. און איך מיין צוזאגן אז מ'וועט אלעמאל זעהן מער ווי איין טייפ אויף א מענטש. סיי וועגן די פליגלעך, און סיי וועגן ווען מ'איז אונטער סטרעס. און סיי ווייל א מענטש האט מערערע אופנים וויאזוי צו האנדלן. מאיר בריגס סיסטעם ווארפט א שטארקער ליכט אז מ'זאל קלארער קענען זעהן וואס דא טוט זיך. ס'איז א חילוק ווען מ'גייט אוועק פון די אניאגראם, צו ווען מ'וויל עס שטערקער אדער קלארער אוועקשטעלן.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

מיאושדיגער
שר מאה
תגובות: 130
זיך איינגעשריבען אום: מיטוואך מאי 24, 2017 8:39 pm
לאקאציע: ביז 2:00 אין בעט דערנאך אין ביהמ"ד און דערנאך אין...

תגובהדורך מיאושדיגער » זונטאג אוגוסט 12, 2018 5:17 pm

מתבונן האט געשריבן:וועלעכע טייפ פארדרייט אשכולות?

דער טייפ וואס וויל אז מען זאל אלס נאר רעדן פן די נושא אין וואס ער פארשטייט.

מח בקדקדו
שר חמישים ומאתים
תגובות: 266
זיך איינגעשריבען אום: מאנטאג יוני 19, 2017 2:14 pm

תגובהדורך מח בקדקדו » זונטאג אוגוסט 12, 2018 5:30 pm

גענומען פון די מייערס בריגס אשכול, איבער דעם חילוק פון אניגראם ביז בריגס.

מתבונן האט געשריבן:
די חילוק אין קורצן איז אזוי. די אניאגראם רירט אן די שורש השרשים אין די מענטש - דאס וואס דער מענטש זיכט אינערליך אויף אן עקסטרעם אופן. אין א טיפן זינען איז עס וואס די נשמה זיכט אויף דער וועלט, און דער מענטש ווערד פארנארט אז ער וועט דאס טרעפן אויף דער וועלט. ווי למשל א איינזער זיכט צו זיין 'ריכטיג', די נשמה פון א מענטש לעצט צו פילן אז ער טוט וואס איז ריכטיג, אבער דער איינזער מיינט אז דאס איז דער אידיאל 'איבעראל און אלעמאל', אפילו וויאזוי זיין רעקל דארף אויסזעהן.
ווידעראום דער מייערס בריגס סיסטעם באציט זיך מער אויף די 'כלליות'דיגע' התנהגות פון די מענטש, א געוויסע טבעיות'דיגע נטייה וואס דער מענטש האט, ווי למשל זיין א מופנם אדער א מוחצן, אדער איז מער נוטה צו געפיל אדער צו שכל, 'פראקטיש' אדער אינטאועטיוו וכדו'. דאס קען פערצאפאל זיין די וועג וויאזוי געוויסע נאמבערס וועלן זיך אויפפירן, אבער די ציל פון די אניאגראם איז צו דערגיין וואס וויל דער מענטש באמת? מקען זאגען אז די מייערס בריגס זאגט וויאזוי דער מענטש פירט אויס זיינע צילן, אבער זאגט נישט צו וואס דער מענטש צילט.
דער מייערס בריגס סיסטעם איז בעיקר אראנזשירט געווארן צו העלפן מער 'שלום בית' פראבלעמען, וויאזוי צו פארשטיין יענעם אז מזאל זיך קענען אביסל פארשטיין און זיך אביסל ווייניגער קריטיקירן. דער אניאגראם טוט דאס אויך, אבער גייט סאך ווייטער, עס מאכט אויף די מענטשענס אויגען צו זעהן פאר זיך אליין וואס מוויל.
עס איז דא נאך צו שרייבן פאר דעם, אבער אויף דערווייל מייין איך אז דאס גיט א תשובה אויף דיינע פראגן.
נישט אייביג ווען מען האט א פראבלעם מקבל צו זיין איז פשט אז דער משפיע טויג נישט.

והיתם נקיים
שר העשר
תגובות: 11
זיך איינגעשריבען אום: מיטוואך אוגוסט 01, 2018 9:57 pm

תגובהדורך והיתם נקיים » זונטאג אוגוסט 12, 2018 6:17 pm

א גוטן, איך וואלט געוואלט פרעגן פונעם עולם וויאזוי איך קען באשטעטיגן אויב איך בין א INTP אדער א INFP, פון איין זייט נוץ איך שטארק Ti (אלעס מוז מאכן סענס) אבער פון די אנדערע זייט נוץ איך שטארק Fi (סעלפיש).

אין אניאגראם בין איך 5w4.

ש'כח.

נשמת השכל
שר חמישים ומאתים
תגובות: 336
זיך איינגעשריבען אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

תגובהדורך נשמת השכל » זונטאג אוגוסט 12, 2018 6:20 pm

רב מוח! איך האב מורא אז מיר האבן ערגעץ ווי שייכות!
האביך יעצט באזיכט יענעם אשכול, דערזעה איך דארט דעם תגובה פון רב מתבונן, האב איך עס גלייך קאפי פעיסט דא אהער, און וועלענדיג דאס ארויסשיקן זעה איך פלוצים אינעם אשכול אז רב מוח בקדקדו האט עס שוין צוגעברענגט.....
שוין צום צווייטן מאל וואס איר כאפט מיר ארויס דאס ווארט פון מויל....

זייער מאדנע.
שוין, זאל זיין אזוי....
לעצט פאראכטן דורך נשמת השכל אום זונטאג אוגוסט 12, 2018 6:23 pm, מאל פאראכטן געווארן 1 סך הכל.
אנשטאט צו דרייען דיין קאפ און דיך האלטן גראד, דריי דיך און האלט דיין קאפ גראד....

נשמת השכל
שר חמישים ומאתים
תגובות: 336
זיך איינגעשריבען אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

תגובהדורך נשמת השכל » זונטאג אוגוסט 12, 2018 6:21 pm

מיאושדיגער האט געשריבן:
מתבונן האט געשריבן:וועלעכע טייפ פארדרייט אשכולות?

דער טייפ וואס וויל אז מען זאל אלס נאר רעדן פן די נושא אין וואס ער פארשטייט.

דו!!!!!!!!!!! טרעט נישט אויף די הינער אויג........
אנשטאט צו דרייען דיין קאפ און דיך האלטן גראד, דריי דיך און האלט דיין קאפ גראד....

אוועטאר
נפש׳ל
שר חמישים
תגובות: 92
זיך איינגעשריבען אום: דינסטאג יולי 17, 2018 6:01 pm
לאקאציע: איבעראל, אבי נישט אין מיר

תגובהדורך נפש׳ל » זונטאג אוגוסט 12, 2018 9:14 pm

אזוי ווי דער אשכול איז אביסל פארפארן פונעם טרעק, וועל איך בעזרת חונן הדעת, נעמען די לייצעס אין די האנט אריין,

כ׳בעט רשות פון @נשמה,

@נשמה, כ׳מעג?
כ׳מאך נאר הלצה,
בעצם וויל איך צוקומען צו אן ענין וואס א סאך האבן מיר שוין געבעטן אין אישי אריינצוקומען,

דאס איז דער מהלך פון אניאגראם לויט די שיטה וואס איך האב מקבל געווען
כ׳ווייס נישט וואס ס׳מאכט נשמה׳נען האלטן אז לויט אניאגראם זענען דא ניין ״פראבלעימען,
מיר ווייסן אז לויט אניאגראם איז דא ניין גוטע פערסאנאליטיס אין ניין נישט גוטע פערסאנאליטיס,
בעסער געזאגט ווי יעדער ווייסט אז יעדע נאמבער קען זיין העלטי און אנ-העלטי,
פשוט ניין סארטן נאטורן וואס יעדער דארף זעהן צו אויס ניצן זיין נאטור לויט ווי דער אייבערשטער וויל, ֿ

לויט נשמה׳ס (אדער זיין רבי׳ס) מהלך, טאר מען נישט זאגן פאר א מענטש וועלכע נאמבער ער איז, ווייל מען טשעפעט אים,
א נאמבער מיינט דאך א פראבלעים,

אבער לויט אונזער מהלך אין אניאגראם
איז נישטא אזא זאך ווי א ״קראנקע נאמבער״
די נאמבער איז נישט קראנק, דער מענטש קען זיין קראנק,
דעס מין ווארט אז א זעקסער איז א קראנקע זאך איז בל יראה בל ימצא,

דאס ערשטע וועל איך בעזרת השם מאריך זיין אינעם זעקסער, ווייל ביים זעקסער איז די מערסטע אנזעהבאר די חילוק פון אונזער מהלך,

כ׳בעט פון פאראויס, קיינער זאל זיך נישט פילן געטראפן, מיר וועלן אלעס אויסקלארן בע״ה

דער ״געטרייער״ זעקסער,

כ׳וועל געבן נאך איין הקדמה און נאכדעם וועל איך צו קומען

1= גבורה
2= חסד
3= תפארת
4= מלכות
5= חכמה
6= יסוד
7= בינה
8= נצח
9= הוד

יסוד, וואס דאס איז דער זעקסער, אין חסידות איז ער דער מקבל פון אלע פריערדיגע מידות און איז משפיע ווייטער,
וועגן דעם קען דער זעקסער שפירן כסדר, אז ער איז פארשידענע נאמבער׳ס, ווייל ער איז מקבל פון יעדעם,
(און ווי באקאנט איז דאס איינע פון די ערשטע סמנים פון א זעקסער,)

און דעס מאכט אויך אז דער זעקסער זאל מיינען אז ער איז א פירער, ווייל למעשה איז ער דאך אויך א מקבל,

מער באריכות איז,

דער יסוד איז ע״פ חסידות א מקבל ע״מ להשפיע,
דאס טייטשט אז בעצם איז ער סיי מקבל און סיי משפיע,

גראב גערעדט,
מקבל ע״מ להשפיע מיינט למשל, מקבל זיין פון א רבי, (בוך/ חבר/ אלעס א חוץ וואס מ׳טראכט ״אלייין״), און דאס משפיע זיין ווייטער, פאר די אייגענע תלמידים,/ חברים/ יעדער איינער וואס איז נידריגער פון דיר, (יעדער אויסער דיינע רבי׳ס, וכדו׳)

אויב דער זעקסער איז נישט אזוי געזונט, מישט ער זיך אויס פון מקבל ע״מ להשפיע, צו משפיע ע״מ לקבל

משפיע ע״מ לקבל מיינט, אז ער איז קודם משפיע פון זיך אליינס זיינע אייגענע זאכן, כדי צו מקבל זיין א גוטע פילינג פון די פארוועם ער האט משפיע געווען, ס׳טייטשט אז ער איז נאר משפיע, דארט ווי ער קען עפעס מקבל זיין,
ווען דאס איז אויף אן עקסטרעימע אופן, רופט זיך דאס ״פערסאנאליטי דיסארדער״




בס״ד וועלן מיר שטארק אויסשמיעסן די מהלך, וואס מיר האלטן דעם מהלך פאר א יסוד גדול,

והוא רחום יכפר…

(עו״ע בליקוטי מוהר״ן שאם אדם משפיע דברי תורה לאדם שאינו הגון, ר״ל שהוא אינו מסוגל להבנת הדברים באמיתן, הרי הוא כמוז״ל, וצריך כפרה ותיקון הכללי)
לעצט פאראכטן דורך נפש׳ל אום מאנטאג אוגוסט 13, 2018 8:57 pm, מאל פאראכטן געווארן 1 סך הכל.
טראכטן איז זייער גוט. אבער מ׳טאר נישט זיין א פרעסער

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » זונטאג אוגוסט 12, 2018 10:29 pm

נפש'ל זיסער מען האלט דא נאך 6 יאר שרייבן איבער די נושא,אצינד האלט מען ביי בלאט 107. פון ווי האסטו אנגעפאנגען?
איך כאפ נאכנישט פון ווי די קומסט מיט דיינע הנחות איבער נשמה'ס צוגאנג, אין פ''ו איז מהרי''י גליק די אמת'ע וועג (נאכאמאל איך ווייס נאכנישט וואס ער זאגט אנדערש פון נשמה) און ווער איז דאס מהרי'י גליק, מה טיבו?

אגב נשמה איז א געוואלדיגע חסיד פונעם געטרייען זעקסער , ווי ער רופט עס "א ברכה פאר די וועלט"

אוועטאר
fiena nieas
שר האלף
תגובות: 1804
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » זונטאג אוגוסט 12, 2018 10:44 pm

נפשל אדרבא גיי אן לאמיר טאקע הערן די מעלה פונעם זעקסער און פונעם ניינער.

נשמת השכל
שר חמישים ומאתים
תגובות: 336
זיך איינגעשריבען אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

תגובהדורך נשמת השכל » זונטאג אוגוסט 12, 2018 10:46 pm

fiena nieas האט געשריבן:נפשל אדרבא גיי אן לאמיר טאקע הערן די מעלה פונעם זעקסער און פונעם ניינער.
אנשטאט צו דרייען דיין קאפ און דיך האלטן גראד, דריי דיך און האלט דיין קאפ גראד....

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » זונטאג אוגוסט 12, 2018 11:02 pm

בעזרת השי''ת .

איך האב מיר ארןיסגעפרינט די סחורה פון די לעצטע וואך און דורך געליינט במתינות, עס זענען מיר דורך געלאפן עטליכע געדאנקען אין קאפ והנני פורטם כאן

1. נישט עעניאגראם אין נישט MBTI זענען אנגענומען סייענטיפיש , מען ועט נישט הערן קיין גראדיואירטער פסיאכלאג זיך קאכן דערין , לכאןרה איז זייער שווער אריינצולליגן אלע 7 בילליאן מענטשען פון די וועלט אין א שמאלע קלאזעט פון 9 צי 16 שעלווס, ווי אויך טוט נישט די טייפס ארומנעמען אלע ענינים פונעם מענטש, צ.ב.ש. MBTI רעכנט אז פיר ביהעיוויערס מאכט די גרעסטע אימפאקט אויף די מענטש (E/I N/S T/F P/J ) אבער עס זענען דא אסאך אנדערע פאקטארן וואס מאכן א חילוק אינעם אויפירונג פון א מענטש
למעשה איז TYPOLOGY זייער ניצבאר צי קענען לערנען כאטש טיילווייז ווי אזוי די מענטשהייט ארבעט, אין עס איז זייער גוט און די בחינה פון לעןלם ילמד לתלמידו בדרך קצרה, עס איז מצמצם די מענטש און דאס געט א מעגליכקייט אנצוכאפן א מענטש כאטש טיילווייז

2. MBTI איז זייער שטארק באנוצט ציצופאסן פאסיגע ארבעט צי די פאסיגע פערזאנען וכדו' עעניאגראם איז סאך ווייניגער באקאנט און ווייניגער באניצט

3. למעשה איז דא אנדערע ווע "5big personality traits "וואס מאכט נישט קיין "טייפס" אנטשטאט נעמט עס 5 שטריכן און עס רעכנט וויפיל פראצענט א מענטש שטייט אויף איין זייט
צ.ב.ש. ווי שטארק איז דער מענטש אפן צי ניע עקספיריענסעס . ווי שטארק איז דער מענטש עקסטראווערטעט (נישט: אדער איז ער עקסטראווערטעט אדער איז ער אינטראוווערטעט, נאר וויפיל פראצענט איז ער עקסטראווערטעט )

4. MBTI ארבעט מיט פונקציעס, און לויט ווי הרב נשמה לייגט עס שיין אראפ קוקט מען אפילו נישט געהעריג אויף די I/E און אויף די P/J נאר מען קוקט אויף די N/S T/F און די אנדערע צוויי זענען נאר דא צי באשליסן ווי די אינטואישן אדער פיללינגס אדער טינקינג זענען געריכטעט, כאילו "עקסטראווערטעט" איז נישט א דבר בפני עצמו נאר עס זאגט אז די געפילן זענען עקסטראווערטעט

5. עס איז אבער דא א וועבסייט וואס איך גלייך זייער שטארק צילוב איר קלארקייט (https://www.16personalities.com/personality-types) ווי זיי גיעען מיט MBTI אן פונקציעס, ד.ה. א עקסטראוווערט איז אינגאנצן E נישט אז זיין N אדער T איז עקסטראווערט. נאר דער מענטש איז עקסטראווערט. נאכמער נישטא קיין אכט פונקציעס , עס איז דא נאר פיר און פערטיג, זיי לייגען אויך צי א פינעפטער קאמפאנענט צי די טייפס "אגרעסיוו" אדער "turbulent" ד.ה. צי מען איז וואקעלדיג / נישט ארגאנאזירט. אדער איז מען אנטשלאסן / רעדי טו גא!

איך גלייך זייער וועבסייט צוליב די פראקטישקייט און שיינקייט פון זייער טעכנישער ציגאנג, נישט צוליב די אנדערע וועג וואס זיי האבן זיך גענומען אין MBTI
6. קומענדיגע תגובה ההמשך

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » זונטאג אוגוסט 12, 2018 11:29 pm

איצט איז אזוי , נשמה זאגט אז MBTI איז סאך קלארער ווייל מען קען אלעמאל זען צי איז מען יעצט עקסטראווערטעט אדער איז מען אינטראווערטעט,

מחשב פרעגט צי קען מען בויען אויף א טעסט וואס זאגט אז מען איז 55 % THINKING און 53% INTUITION ? צי מאכט די הארעלע אויס ?

למעשה איז מיר נאכנישט אזוי גרינג צי כאפו אויב איך בין א E אדער א I , ווייל אויב בין איך %55 עקסטראוערטעט אין 45% אינטראווערטעט. איז גארנישט אזוי פשוט צי באשליסן וואס איך בין, און איך פארשטיי טאקע נישט צי מאכט דען די הארעלע אויס? די 7 פראצענט וואס איך בין מער עקסטראווערטעט ווי אינטראווערטעט מאכט מיר שוין אינגאנצן עקסטראווערט ?

און אמתן איז טייל פון מיין שוועריגקייט צי מאכן דעם באשלוס פארבינדן מיט די פאקט אז איך פארשטיי נישט דעם אינטראווערט, במילא קען איך נישא מאכן דעם קאנטראסט, וואס טוט א אינטראווערט מח ? ער טראכט נישט ? ער פילט נישט ? אויב איז ער א N צי דען שטעלט ער זיך גארנישט פאר א גאנצן טאג זיינע דמיונות ? אוודאי איז דער תירוץ אז זיין מח פונקציונירט יא א גאנצען טאג, און דא כאפ איך נאך נישט, וואס טראכט ער א גאנצן טאג? פון זיך?

6. לויט די ארגינעלע און באווויסטע מהלך פון MBTI קען מען פארשטיין אז א מענטש איז F אפילו ער איז נאר 55% F , איי ער איז דאך 45% T , דאס איז נישט קיין קשיא ווייל און זיין צווייטע אדער דריטע פונקציע איז ער דאך טאקע א T , אבער לויט די 16 פערסאניליטיס וועבסייט, איז דער מענטש אינגאנצן F אדעראינגאנצן T , לויט דעם איז זייער אינטערעסאנט צי זאגן אז די הארעלע חילוק , די פינעף פראצענט וואס ער איז גענויגט צי איין זייט, דאס מאכט דעם גאנצן מענטש

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » זונטאג אוגוסט 12, 2018 11:56 pm

מחשב האט געשריבן:א שכח פאר "נשמה". וואונדערבאר.. איין אינטערעסאנטע זאך וואס איך האב אויפגעמערקט, פון איין זייט שטייען: "נשמה", "דערבארעמדיגע", "לב אחד", מיטאמאל שטופט זיך אריין "מחשב", אפשר יש דברים בגו.. טראכט פון דער באדייט פון אונזערע ניקים. אקעי, אונז וועלן לאזן דעם עולם ווייטער פירן דער שמועס, און מיר וועלן זיך דערקוויקן פון דער זייט מיט נשמה'ס שפרידלדיגער קוואל פון טיפקייט, נשמה, כאריזמע, אינטעליגאציע, וכו'.

עס איז גאנץ זיכער אז א "ניק" זאגט עפעס איבער דעם מהות פון א מענטש.

די ווארט מחשב = טראכטן, וואלט נאך נישט געווען אזוי אויסגעטון פון געפיל, למעשה די מיינסט אבער מיט "מחשב" דער העברעאישער ווארט פאר קאמפיוטער, דאס איז שוין ממש אן קיין הרגש.. א קאמפיוטער איז שוין זיכער מופשט פון יעדען ביסל געפיל...

אלענפאלס מיין נאמען "דערבארומדיגער" רעפרעזענטירט נישט "הארץ", בכלל נישט, עס רעפרעזענטירט א טיפיקעל קארני "זיבענער" זשאוק וואס קיינער כאפט אפילו נישט...

ווען איך האב געדארפט קלויבן א ניק האב איך דאך געוואלט האבן אזאנס און אזעלכעס אז יעדער זאל וויסן ווי קלוג איך בין, אזוי טראכטענדיג איז מיר איינגעפאלן אז עכט מאכט בכלל נישט אויס וואס א ניק מען האט, מען דארף דאך עס נאר האבן בלית ברירה כדאי מען זאל קענען קאמיוניקירן געהעריג, האב איך געטראכט זיך צי רופן מיטן נאמען "בלית ברירה" אדער "נישט קיין נפק''מ" אבער דאס איז מיר אויך נישט גוט געווען ווייל דאס קלינגט נעגאטיוו, האבן מיר זיך דערמאנט די מעשה פונעם קדושת לוי וועלכער האט נישט געהאט א לעצטע נאמען ווי די רעגירונג האט באפוילן, זענען געקומען עטליכע פאליציאנטן צי בעטן ער זאל זיי געבן עפעס א נאמען כדאי זיי זאלן עם קענען פארשרייבן אין די ביכער מיט א לעצטע נאמען,

ווען דער קדושת לוי האט געזען די פאליציי האט ער זיך דערשראקן, ווער ווייסט וואס זיי ווילן פון עם האבן, האט ער אויפגעהויבן זיינע 2 הענט צום טאטן אין הימל און געבעטען: "דערבארומדיגער פאטער , היט מיר אפ פון אלעם שלעכטן"

די פאליציי הערענדיג די ווארט "דערבארומדיגער" האבן פארשטאנען אז דער קדושת לוי וויל זיך רופן מיטן לעצטן נאמען דערבארומדיגער, זענען זיי אוועקגעגאנגן און עם פארשריבן אין די ביכער מיטן לעצטן נאמען דערבארומדיגער, ועל שם זה איז נאך דא דער משפחה נאמען דערבארומדיגער עד היום הזה, ועל שם זה האב איך מיר אויך גערופן דערבארומדיגער, כלומר: וואס א חילוק וועלכע ניק איך רוף זיך, עס איז אלעס בלויז ווייל מען דארף דאך האבן א ניק...

איך בין א זיבענער? א ENFP ? האט דאס א שייכות מיט מיין ניק?

לכאורה יא! עס ווייזט זיכער אויף זיבענער מיטן זיכן פאזיטיוו, ווי אויך דארף עס צי זיין א ווערטעל, ווי דער זיבענער וואס האט ליב צי מאכן ווערטלעך, ווי אויך כאפט אפילו נישט דער עולם דעם וויץ, ווי דער זיבענער וואס מען כאפט נישט זיינע וויצן...

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » מאנטאג אוגוסט 13, 2018 12:35 am

רב מחשב, א טעסט איז נישט געמאכט פאר דיר, וואס פעלט דאס אויס?

-די האסט די כלים צי שטודירן וואס עס מיינט א E/I S/N F/T P/J
- די האסט די כלים דיר אליין צי שטודירן און זיך ארויס צי האבן

אלזא פארוואס זאלסטו זיך סתם דרייען ס'קעפל מיט א טעסט?

אלענפאלס, דעתי הקלושה והנמוכה איז אז די ביסט א ENT און אויף P/J קען איך גארנישט זאגן ווייל איך האב דאס נאכנישט משיג געווען געהעריג.

לגבי דיין שטארקע געפילן בין איך נייגעריג

1. וואס א דוגמה קענסטו געבן פון געפילן וואס די פארסמאקעעועסט זיך דערמיט? וועלכע סארט געפיל? א טראגעדיע? א מצווה טאנץ? אז די האסט געוואלדיג גוט פאראויסגעשאצט? א פשט אין פסוק? צי זען ווי אזוי אנדערע "ערוואקסענע" גייען אדורך עמציאנאלע איבערלעבענישן? א דאווענען?
די רעדסט פון געפילן אויף די זעלבע לעוועל ווי גילוים, אבער דאס איז דאך צוויי אנדערע סארט ענינים?

2.וועלכע געפילן קוקסטו אראפ אלץ קינדיש?

3. ווי אזוי קומט פאר דאס "צולאזן" זיך און "פארסמאקעווען" זיך פון א געפיל? דיינע אויגן גלאנצן? דיין אטעם ריטעם טוישט זיך? אדער ביסטו "איבערגענומען און איינגעזינקען במחשבה פון וואס די זעסט צו מיט די אויגן"

איך טראכט, אפשר האסטו הנאה פון "געפילן" אזא סארט הנאה ווי די הנאה וואס די האסט פון זיך צו קוקן פון די זייט און זען ווי אזוי זאכן שטעלן זיך אויס, אין אנדערע ווערטער אפשר טוסטו עקספיריענסן געפילן מיט דיין "אינטואישן" און נישט מיט די געהעריגע געפילן.

מחשב האט געשריבן:
איך האב ליב צו פארברענגן מיט א קבוצה חבירים, אבער וועל נישט דווקא זיכן צו זיין אין צענטער, איך וועל זיך נישט אנרופן אויב איך האלט אז וואס איך וויל זאגן גייט לכאו' א צווייטער יעצט זאגן, אבער הנאה האבן צו זעהן ווי אזוי זאכן שפילן זיך אויס, זייענדיג טיפער ווי די מענטשן ארום מיר און וויסנדיג פאראויס ווי אזוי פלוני גייט רעאגירן צו דאס אדער יענץ און פארוואס, און איך וועל הנאה האבן זיך צו אינטערשמייכלן צו זעהן מיינע פארשטעלונגען ווערן פארווירקליכט.

און אנדערע ווערטער די לעבסט מיט געפילן דורך דיין אינטואישן (און אפשר דורך די 3טע פונקציע פון געפיל) נישטדורך די ריכטיגע געפילישע וועג
.


דא זעה איך בלי ספק EN און אביסל T

נאר דא קלער איך אז מען מוז ציקומען צי דריטע פונקציעס פון געפילן:
מחשב האט געשריבן:
נאפס, איך קען נישט זיך אפטשעפענען פון געפיהלן, איך קען פרובירן אנצוגיין כאילו לא היה, אבער אין הערצעלע דארטן, טוט זיך א דזומעריי... בררר.. און איך בין באוואוסטזיניג צו דעם.


ווייל איך קלער אז טינקינג דארף זיך קענען אפטשעפענען פון געפילן, אדער אפשר טאקע נישט...
אין עניאגראם איז דער דרייער דער איינציגסטער וואס קען ממש אויסשאלטערן די געפילן, דער פינעווער האלט עס פארשטיפט אבער ער טראגט זיך דערמיט
לעצט פאראכטן דורך דערבארומדיג'ער אום מאנטאג אוגוסט 13, 2018 1:31 pm, מאל פאראכטן געווארן 1 סך הכל.

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » מאנטאג אוגוסט 13, 2018 12:38 am

מחשב האט געשריבן:איינער דא קען רעפערירן צו א גוטע ביכל איבער די מאיער בריגס מהלך?

https://www.16personalities.com/personality-types

זייער שיין כאטש נישט אינגאנצן ארגיענעל

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » מאנטאג אוגוסט 13, 2018 12:46 am

והיתם נקיים האט געשריבן:א גוטן, איך וואלט געוואלט פרעגן פונעם עולם וויאזוי איך קען באשטעטיגן אויב איך בין א INTP אדער א INFP, פון איין זייט נוץ איך שטארק Ti (אלעס מוז מאכן סענס) אבער פון די אנדערע זייט נוץ איך שטארק Fi (סעלפיש).

אין אניאגראם בין איך 5w4.

ש'כח.

סעלפיש = געפילן? די צוויי גייען אינאיינעם?

והיתם נקיים
שר העשר
תגובות: 11
זיך איינגעשריבען אום: מיטוואך אוגוסט 01, 2018 9:57 pm

תגובהדורך והיתם נקיים » מאנטאג אוגוסט 13, 2018 11:51 am

דערבארומדיג'ער האט געשריבן:
והיתם נקיים האט געשריבן:א גוטן, איך וואלט געוואלט פרעגן פונעם עולם וויאזוי איך קען באשטעטיגן אויב איך בין א INTP אדער א INFP, פון איין זייט נוץ איך שטארק Ti (אלעס מוז מאכן סענס) אבער פון די אנדערע זייט נוץ איך שטארק Fi (סעלפיש).

אין אניאגראם בין איך 5w4.

ש'כח.

סעלפיש = געפילן? די צוויי גייען אינאיינעם?

וואס מיינסטו? ליב האבן זיך איז נישט א געפיל?

לויט ווי איך האב פארשטאנען איז די חילוק פון Fe און Fi אז Fe מאכט באשלוסן באזירט אויף געפילן וואס אנדערע האבן/גייען האבן און Fi מאכט באשלוסן באזירט אויף זיינע אייגענע געפילן.

נשמת השכל
שר חמישים ומאתים
תגובות: 336
זיך איינגעשריבען אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

תגובהדורך נשמת השכל » מאנטאג אוגוסט 13, 2018 12:12 pm

מען דארף עפענען אן אשכול איבער די באדייט די ניק'ס דא אויפן וועלטל......
אנשטאט צו דרייען דיין קאפ און דיך האלטן גראד, דריי דיך און האלט דיין קאפ גראד....

אוועטאר
fiena nieas
שר האלף
תגובות: 1804
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » מאנטאג אוגוסט 13, 2018 12:58 pm

מתבונן האט אמאל דורכגעטון אסאך ניקס וואס זייער סאבקאנטשעס סיבה איז פארוואס זיי האבן גענימען דעם ניק

דערבארומדיג'ער
שר חמש מאות
תגובות: 720
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » מאנטאג אוגוסט 13, 2018 1:07 pm

נשמת השכל האט געשריבן:מען דארף עפענען אן אשכול איבער די באדייט די ניק'ס דא אויפן וועלטל......

איך מיין אז עס איז שוין דא אזוינס, א ביאור אויפן בילד אוועיטער אשכול איז לעצטענס געווען פריש אינעם "פארברענגען" אפטיילונג,

אלענפאלס די מיינסט אוודאי צי רעדן פון טיף אפלערנען דעם "ניק" דאס וועט לכאורה זיין אינטערעסאנט צי טון דא אין אינזער אשכול, ווי מען קען אפלערנען א ניק צוזאמען מיטן נפש לויט די עניאגראם.

ובביאורי הניק "דערבארומדיגער" בשבע''ה נקיי''ם קיימתי בעצמי והייתם נקי''ם וניקת''י משבועת''י ...

אינטערשריפטן קענען אויך זיין אינטערעסאנט צי אנאליזירן, נפש'ל האט א זיסער אינטערשריפט וואס ווייזט אז ער איז א טראכטער, אבער ער האלט אז מען דארף אויך לעבן אינעם עולם המעשה.. עס ווייזט אויך אז ער גלייכט צי מאכן א ווערטעל... וכו'

הכלל, יעדער סטעיטמענט וואס א מענטש מאכט אלץ א אויסערליכע רעפרעזענטירער, טוט למעשה רעפלעקטירן דעם אינערליכן מהות, לכל הפחות ווייזט עס וואס דער מענטש איז מחשיב,
לעצט פאראכטן דורך דערבארומדיג'ער אום מאנטאג אוגוסט 13, 2018 1:12 pm, מאל פאראכטן געווארן 1 סך הכל.

אוועטאר
נשמה
שר ארבעת האלפים
תגובות: 4659
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » מאנטאג אוגוסט 13, 2018 1:11 pm

דערבארומדיג'ער האט געשריבן:נפש'ל זיסער מען האלט דא נאך 6 יאר שרייבן איבער די נושא,אצינד האלט מען ביי בלאט 107. פון ווי האסטו אנגעפאנגען?
איך כאפ נאכנישט פון ווי די קומסט מיט דיינע הנחות איבער נשמה'ס צוגאנג, אין פ''ו איז מהרי''י גליק די אמת'ע וועג (נאכאמאל איך ווייס נאכנישט וואס ער זאגט אנדערש פון נשמה) און ווער איז דאס מהרי'י גליק, מה טיבו?

אגב נשמה איז א געוואלדיגע חסיד פונעם געטרייען זעקסער , ווי ער רופט עס "א ברכה פאר די וועלט"

ב"ה
יא. "א ברכה פאר די וועלט". א ברכה פאר זייערע נאנטע. צומאל טראכט איך אז די סיבה פארוואס זעקסער האבן באקומען אזא, מ'זאל מורא האבן צו זיין א זעקסער, איז פשוט ווייל ס'האט נישט אויסגעפעלט צו הייבן דעם זעקסער. אבער איך האב פרובירט מיט מיין קליינעם שכל זיך צו דערגרינטעווען אין די ערשיינונגען וואס איך זעה. פאר א ENFP איז זייער שווער צו זעהן אן אביעקטיווען פאקט. ווייל די Fi קאלירט זייער שטארק די שוין אזוי נישט פאקטן וואס מ'זעהט מיט די Ne. זייער שווער איז מיר געווען אויפצוכאפן מהלכים אין די פון אויבערפלעכליכער אומ'תמידיות'דיגער וועלט וואס האבן ערשיינט פאר מיינע אויגן.

טיף טיף טיף איז וואו מ'הייבט אן טרעפן מהלכים. (מהלכים מיין איך צוזאגן, אז פארשידענע זאכן חזר'ן זיך איבער) צומאל טראכט איך, "איז די אניאגראם א נוצבארער געצייג?" ווייל אויב איך דארף צוואנציג יאר אין איין ציה זאמלן אינפארמאציע, און ערשט נאכדעם אנהייבן זעהן מהלכים, וואס קען די אניאגראם צוניץ קומען פאר'ן פשוט'ן מענטש? צומאל האט איך חרטה פארן משפט'ן מענטשן וואסערע נומער זיי זענען, און אויסשטעלן מיינע ריאקציעס צו זיי. "וויאזוי בין איך געווען זיכער אז דו ביסט א דרייער, און איך האב מיך צו דיר נישט שיין באצויגן, און נישט געזעהן דעם אמת וואס ס'גייט פאר מיט דיר אז דו ביסט בכלל נישט א דרייער. נאר גאר א Fe וואס וויל פשוט אויסנעמען ביי די ארומיגע ווייל דו האסט געוואלט מ'זאל דיך ליבן".

היינט זאג איך פאר איינעם אין ביהמ"ד "זעהסט יענעם דארט? ער איז א פינעווער." איך פארשטיי אז ער איז א פינעווער, ווייל איך זעה (מיט מיינע באגרעניצונגען) אויף אים א שטארקער Ti. איך זעה ווי ער איז מגדיר די מהות פון די וועלט ארום. זאגט מיר יענער "נע... ווער?... דו מיינסט יענעם דארט?... מאשקאוויטש?... נע... ער איז א ניינער! זעהסט נישט אז ער איז א ניינער..." איך טראכט ביי מיר, "איך זעה די טיפע מהלך המחשבה זיינעם ווי עס לויפט פינעוועריש; קוקט מיר אויס צו זיין א INTP". ער באאבאכט, ער טראכט...

אבער ווי לאנג האט מיר דאס גענומען צו כאפן? יארן. יעדן טאג לערן איך מיך נאך און נאך און נאך און נאך. סתם פון באאבאכטן די בריאה. איך האלט אז א ENFP האט שווערער ארויס דעם אניאגראם. ווייל בכלל ער זעהט די וועלט זייער דינאמיש. אמאל אזוי, אמאל אנדערש, און אמאל פארקערט. אבער סוף סוף נאכן צאמנעמען אלע זייטן הייבט זיך אן צו זעהן הארטע מהלכים וואס עס לויפט טיפער אריין. מהלכים מיינעך צו זאגן: וואס מ'קען נישט זעהן ווי עס טוישט זיך אזוי אפט. טראכט איך צו מיר "איז עס די מהלכים וואס זיי האבן געזעהן טיף טיף אין א מענטש?"

וואס איז פשט פון דעם אז ס'איז אזוי שווער, פאר מיר אדער אפשר אויך פאר אנדערע צו געפינען די טיפע מהלכים לויפן אין א מענטש? וואס איז פשט? איז א יעדער וואס איז משפיע על מנת לקבל א זעקסער? און בכלל וואס רבש"ע איז די שאיפה צו וועלן דערגיין דעם אניאגראם; די מענטשהייט. מ'וויל א מהלך. "איך וויל קענען טרעפן אז וואס איך זעה אז דער מענטש טוט יעצט, זאל מיר אויסזאגן דעם סוד, וואס ער וויל"; "פארוואס טוט דער מענטש דאס און דאס"; "וואס וויל ער פון מיר"; "וואס דארף צו זיין מיין ריספאנס צו אים?".

מיר ווייסן אז דער מענטש וועם מיר באגעגענען האט אנדערע סיבות פארוואס ער טוט וואס ער טוט. "ווען איך האב עס געטון, האב איך דאך געפילט פארוואס איך טוט עס. אבער ער, פארוואס טוט ער עס יעצט? וואס ליגט אונטער דעם". און ווי לענגער, אלץ מער האלט איך אין איין איינזעהן אז ס'דא נאך טיפער, און נאך טיפער. אויב האבן די וואס האבן אונז געוואלט אויסלערנען דעם אניאגראם, געוואלט מיטטיילן אט די טיפע, טיפע מהלכים וואס עס לויפט אין א מענטש, וואס קענען מיר דאס נוצן אלץ געצייג, אויב ס'וועט אונז זיין אזוי שווער אויפצוכאפן?

מח האט נאכגעברענגט פון מתבונן אז די אניאגראם איז וואס איז די טיפסטע רצון פון א מענטש אויף דער וועלט. אפילו דעס איז נישט קלאר ביי מיר. לאמיר זאגן א ISFJ וואס איז אדער א זעקסער אדער א צווייער אדער א ניינער. איך זאג ענק, אז מ'קען זעהן אלע שטריכן ביי א ISFJ. מ'קען זעהן ניינערישקייט. ממש דאס ענין פון וועלן שלום; דאס ענין פון ציטערן אז ס'זאל זיין א אנגעצויגנקייט צווישן נאנטע מיט וואס מ'וויל זיין. מ'קען זעהן דאס ענין פון ליב האבן נאטור. ממש משוגע ווערן פון א וואסער'ל, פון א פייגעלע, פון א פלענט, פון גראז, פון בערג, פון די הימל, פון די בריאה. מ'קען זעהן די נאנטשאפט צום באשעפער. און מ'קען אויך זעהן די אנגעצויגנקייט אז אלעס זאל לויפן, און בלייבן סעקיור. און מ'קען זעהן דאס איבערגעגעבנקייט; דאס געטריישאפט; דאס ליבליכקייט, דאס טון נאר פאר יענעם. דאס כמעט נישט טון פאר זיך. וואס דאס באלאנגט צום צווייער.

יעצט, לויט ווי איך פארשטיי יעצט "וואס איז די טיפסטע סיבה פון די מענטש?" זיכערקייט = זעקס. אדער צוזאמען = ניין. אדער זיין באליבט = צוויי? מ'קען טעארייזן. די סיבה איז זעקס, סעקיוריטי. און זאגן אז נאר וועגן סעקיוריטי ווילן זיי אויך זיין נאנט. אבער מ'קען זאגן ניין, "וואס איך וויל האבן איז מנוחה, און ווען איך בין אונטער סטרעס גיי איך צו זעקס". און מ'קען זאגן צוויי. "איך וויל בעיקר זיין באליבט, און איך בין נישט צופרידן נאר מיט'ן האבן סעקיוריטי".

וואס פאר א "גרויסע עוולה" איז דאס, צו זאגן פאר אזא ISFJ (אין קאפ) ביסט א זעקסער. און די סיבה פארוואס איך גיי דיר געבן א שמייכל איז ווייל דו דארפסט עס האבן וועגן דיין סעקיוריטי געפיל. אפשר "איך גיי דיך געבן א שמייכל וועגן דו ווילסט פילן אז איך האב דיך ליב, ווייל דו ווילסט פילן אז איך האב דיך ליב, ווייל דו ווילסט פילן אז איך האב דיך ליב! אמת, טאקע אז דא איז דא זעקסערישע שטריכן. און לאמיר מסביר זיין וואס דאס מיינט זעקסערישע שטריכן.

ס'איז געווען א מענטש וואס האט גענומען פארשידענע שטריכן און עס געלייגט אויף א טייפ וואס ער האט גערופן דעם זעקסער; די לאיאליסט. און אלעס שטומט. יא, אמת אז "איך האב מורא אז איך גיי פארלירן מיינע נאנטע". יא אמת אז איך וויל אז זאכן זאלן זיין סעקיור. אבער איך וויל אויך ליבשאפט, נאנטשאפט. צווייערישקייט. פארוואס פעלט אויס צו לייגן דעם מענטש אין א זעקסער צאמגעשטעלאכץ. און דו קענסט נישט ענטפערן "ווייל ער איז א זעקסער". איך וועל דיך זאגן "א זעקסער ווייזט נישט קיין געפילן". די זעקסער וואס ווייזט נישט קיין געפילן איז לכאורה געווען א ISTJ.

מיין זארג איז: ווער ווייסט צו מ'האט נישט קאליע געמאכט א רילעשנשיפ צווישן זיך מיט א חבר נאר ווייל ער איז א זעקסער! אין די צייט וואס ס'קען אפילו זיין אז יענער איז נישט געווען קיין זעקסער. לאמיר טראכטן א רגע. ס'איז געווען א מענטש, אדער מענטשן, וואס האבן באשלאסן אז מענטשן וואס טוען אזוי און אזוי, זענען זעקסער. לאמיר טראכטן צוזאמען. מיר זענען געווען די וואס האבן זיך געלאזט. מיר זענען געווען וואס האבן ארויסגעשניטן פון די מענטשהייט פארשידענע שטריכן, און עס אריינגעלייגט אין א זעקסער באקס. אז דו וועסט זאגן "ניין, מיר האבן נאר געוואלט אוועקשטעלן בינטלעך, אז די וועלט זאל מאכן מער סענס". זאגט דער אנדערער "אבער אפשר האט עס געמאכט אז מיר זאלן ארויסשניידן און אפלערנען זאכן וואס יענער האט געטון וואס עס האט נישט געהאט צו טון מיט די זעקסער בכלל". א שמייכל פון יענעם וואס איז געווען ריין שמייכל און נישט געהאט די כוונה פון זוכן סעקיוריטי. און נישט געהאט די כוונה פון וועלן זיין א משפיע על מנת לקבל.

בכלל דארף דען יעצט יעדער מורא האבן צו זיין א משפיע על מנת לקבל? איך וויל עפעס פרעגן. אויב איך שטיי ביי א שמועס, און איך זעה מיך טון א זאך וואס איז א משפיע על מנת לקבל, דארף איך מיך פילן ארויס פון געזונט? אפשר איז דאס יא געזונט? געזונט און נישט געזונט איז, אזאך וואס פאדערט אינערליכע כוחות צו פייטן כדי צו האלטן א דמיון אין פלאץ, דאס איז נישט געזונט. א זאך וואס איז נאטורליך איז געזונט. איז משפיע על מנת לקבל א זאך וואס איז נישט נאטורליך? ווען איך זאג פאר איינעם א גוט ווארט, ווייל איך דארף צוריק יענעמ'ס אטענשאן איז דאס וואס? איך רעד נישט עקסטרים.

לויט ווי איך פארשטיי קומט דאס ענין פון משפיע על מנת לקבל, פון Fe. אבער מ'קען דאס נישט מאכן פאר א כלל אז דאס זאל זיין א זעקסער. פארוואס דארף א יונגערמאן אדער א בחור'ל זיך זארגן "מי יודע צו איך בין א זעקסער"? פארוואס? פארוואס דארפן מיר אננעמען א סיסטעם וואס האט געמאכט אז מיר זאלן מורא האבן פון די בריאה וואס השי"ת האט באשאפן? צו האט דער וואס האט געמאכט דעם אניאגראם געוואלט מ'זאל אים זאגן ביסט א זעקסער? צו האט אדאהאן געקענט באשטיין אז מ'זאל איר זאגן "ביסט א זעקסער?" צו איז די תכלית פון די אניאגראם אז מ'זאל איין מינוט זיך דארפן זארגן וועלכע טייפ מ'איז?

מיר זענען געווען די מענטשן וואס האבן עקזיסטירט פאר די אניאגראם. און מיר זענען די עצם טבע וויאזוי השי"ת האט באשאפן די וועלט ברוב חכמתו. וויאזוי קענען קומען א חלק מענטשן און שרייבן אויף א אנדערע חלק מענטשן זייער גנות? ווייסט ווען ס'וועט זיין א סימן אז ס'איז מער נישט קיין גנות? ווען ס'וועט מער נישט זיין קיין זארג "בין איך א זעקסער?" ווען ס'וועט מער נישט זיין די פרייד "wow!!! איך בין א אכטער, קענסט עס גלייבן?..." מיין זארג איז, איך האב געזעהן א קליין אומשולדיג בחור'ל וואס האט מיר געזאגט מיט א שטיקעדיג האלז, און אומצופרידן "איך מיין אז איך בין א זעקסער". אין דערצייט וואס לא מיניה ולא מקצתיה.

איך קען זעקסערס וואס זענען א ברכה פאר די מענטשהייט. און איך קען פירערס וואס דארפן זיך פאררעכטן. ס'האט נישט צו טון ווייל יענער האט געזאגט זעקסער. ס'איז מיר וואס האבן זיך דערפון וואוסנדיג געמאכט. און אנגענומען אז איינער זאל אריינזאגן א ווארט צו משפט'ן צו עס איז יא גוט צו זיין א זעקסער צו נישט. (נישט אז זיי האבן גע'משפט)

לאמיר זאגן אזוי. לאמיר זאגן אז ס'קומט א מענטש און שרייבט אז מענטשן זוכן סעקיוריטי. און דערפאר גייען זיי אויף ביידע פיס. און ווען איך גיי זעהן מענטשן וואס גייען אויף ביידע פיס גיי איך טראכטן "ער טוט עס פאר סעקיוריטי". די זעלבע זאך איז מיט צווייער. שטייט א יונגערמאן און ער שמייכלט בטוב לבו צו ארומיגע מענטשן, קומט זיך אריין "נשמה" און טראכט "מאניפיולאציע"!!! פארוואס רבש"ע? פארוואס דארף יעצט דער מענטש ווערן גע'משפט? ער איז געווען פאר מיר אין די בריאה. דאס איז די בריאה. האסט געוואלט אז ס'זאל נישט זיין קיין זעקסערס? האסט נישט געוואלט. איז, ווען איך וועל זעהן אז מענטשן וועלן אויפהערן טראכטן מיט פחד און מיט זארג "איך מוז אויסטשעקן און מאכן זיכער אז איך בין נישט קיין זעקסער". דעמאלט וועל איך וויסן אז די בריאה איז צוריקגעגאנגען צום נארמאלן וועג אן ווערן גע'משפט'.

איך רעד שוין נישט פון דעם אז איך מיין (און אלעס וואס איך שרייב איז לויט ווי איך מיין... איך בין מודה...) אז אסאך פירערס זענען געשטעמפלט געווארן אלץ זעקסערס. איך געדענק ווי איינער האט מיר געזאגט "ביסט א זעקסער". און איך האב עס אנגענומען פאר face value. אז דאס איז דאס טאקע. איך מיין, אויב איז די אניאגראם אזוי שווער צו באגרייפן, וואסערע תכלית האמיר דערפון? אז דאס הארץ זאל צאפלן צו מ'איז א זעקסער צו נישט. ווען דער וואס לערנט אויס דעם אניאגראם וועט זיין גרייט אז מ'זאל זאגן אויף אים "ביסט א זעקסער" אפילו אויב ער ווייסט קלאר ביי זיך אז ער איז נישט, דאן קען ער זאגן פאר אנדערע ביסט א זעקסער.

שטעל דיך פאר דו זאגסט פאר א ISFJ ביסט א זעקסער. "אבער מיסטער, נאר דאס בין איך?" און וואס איז מיט מיין געטריישאפט, איך וועל אלעס טון פאר דיר? ניין, דו טוסט עס פאר דיין סעקיוריטי! "אבער איך האב דיך עכט ליב" ניין, דו טוסט עס ווייל דו ביסט א צווייער! דו מיינסט דיך. דו מיינסט נישט מיך. הבל.

מיר זענען די וואס נעמען אן דעם אניאגראם. מיר זענען די וואס האבן אריינגעלייגט מענטשן אונטער די ליכט פונעם אניאגראם, אפצו'פסק'נען זייערע מעשים נישט ריכטיג! ער איז א זעקסער! אבער ביטע... לאז פלאץ... ער איז נישט נאר א זעקסער. און בכלל זייט איך האב אנגעהויבן זעהן וואס מאיר בריגס איז, האב איך אנגעהויבן טראכטן, אז אפשר האט עס גארנישט צו טון מיט זעקס. אזוי איז זייער נאטור.

לדוגמא: ביים זעקסער טענה'ן זיי אז די אינערליכער מחשבה פעלט! ביי א ISFJ איז די אינערליכער מחשבה די פערטע פונקציע. ביי א ENFP איז די אינערליכע מחשבה די זיבעטע פונקציע. איך מיין נישט צו זאגן אז ס'איז נישטא אזא זאך ווי א זעקסער. אבער מ'דארף עס האלטן זייער לייכט, נישט עס נעמען און פסק'נען דערמיט יעדע שמייכל וואס יענער געט אז "האסט עס געטון ווייל דו ביסט א מקבל על מנת להשפיע". מיר קענען נוצן דעם אניאגראם אבער ביטע "נעם עס נישט אזוי ערנסט, ווייל ס'איז נאר א באשלוס פון א מענטש". און די בריאה האט השי"ת באשאפן. די בריאה; די נאטורליכקייט פון א מענטש, איז סך טיפער ווי סתם א זעקסער. אפילו ס'שטומט. איז אבער די בריאה סך טיפער דערפון.

אפילו מתבונן האט געזאגט אז טיפער זעהט ער מער ווי איין טייפ. טיפער זעהט ער סך מער. ביטע זיך אויסלערנען צו האלטן דעם "ער איז א זעקסער" זייער לייכט. און זיין גרייט אז ס'זאגט נישט אלעס וועגן דעם מענטש. אז מ'האלט עס לייכט

והשם הטוב יעזור.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
נשמה
שר ארבעת האלפים
תגובות: 4659
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » מאנטאג אוגוסט 13, 2018 2:07 pm

דערבארומדיג'ער האט געשריבן:
והיתם נקיים האט געשריבן:א גוטן, איך וואלט געוואלט פרעגן פונעם עולם וויאזוי איך קען באשטעטיגן אויב איך בין א INTP אדער א INFP, פון איין זייט נוץ איך שטארק Ti (אלעס מוז מאכן סענס) אבער פון די אנדערע זייט נוץ איך שטארק Fi (סעלפיש).

אין אניאגראם בין איך 5w4.

ש'כח.

סעלפיש = געפילן? די צוויי גייען אינאיינעם?

יא. דער פרעגער איז לכאורה א INFP. ווייל א INFP ווילן אז זאכן זאלן מאכן סענס. זייער הויפט פאנקציע וואס ער נוצט מיט אייפער און מיט פלייס, איז - אויב ער איז א INFP - אינטראווערד געפילן. דאס מיינט, אז ער שפירט זייער שטארק די ספעקטרום וואס איין עק איז גוטס'קייט און די אנדערע עק די נישט בא'טעמ'קייט פון די וועלט. ער האט ליב לאגיק. ווייל דאס איז א חלק פון אים. זיין פערטער פונקציע איז Te. דאס איז עקסטראווערד געפילן. ער וויל אז די דרויסנדיגע וועלט זאלן מאכן לאגישער סענס. שטומט אז ער איז א פירער מיט א פינעווער פליגל.

סעלפיש קומט פון פילן נאר זיך. Fi פילן נאר זיך אליין. זיי פילן נישט וואס יענער פילט. זיי פילן מיט, מיט יענעם. אבער אנדערש ווי א Fe וואס זעהט אז יענער פילט דאס און דאס, פילט ער "איך פיל אזוי וועגן שמואל, און אזוי וועגן ברוך. קלארער גערעדט. א Fe [עקסטראווערד געפילן] ווייסט ביי זיך אז יענער פילט אזוי און אזוי. איך ווייס אז יענער פילט ביי זיך. א Fi דאס מיינט [אינטראווערד געפילן] פילט ביי זיך אזוי און אזוי וועגן יענעם. סעלפיש מיינט ער צוזאגן: פארנומען מיט זיך אליין. א צווייער איז נישט סעלפיש, און א פירער איז יא סעלפיש. נישט ממש די סעלפישקייט וואס גרעניצט זיך מיט רשעות, אבער סוף סוף סעלפיש. א זעקסער Fe [ISFJ ESFJ]און א צווייער Fe, ביידע פילן מיט מיט יענעם.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
חושב מחשבות...
שר האלף
תגובות: 1314
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מאנטאג אוגוסט 13, 2018 2:35 pm

אפשר טיילט מען אפ די שמועס איבער בריגס צו א באזונדערע אשכול
יסוד החסידות: קודם זיי א "חסיד" פון דיר אליינס, גלייב אין דיינע כוחות!


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 9 געסט