וואס איז דאס א מנהל?

גריסן און שמועסן

אחראי: אחראי

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

וואס איז דאס א מנהל?

תגובהדורך סטיטשינער » מאנטאג אוגוסט 03, 2020 2:43 am

"וואס איז דאס א מנהל?"

דער עולם קוקט זיך אום מיט ווינדער. "דער סטיטשי האט שוין א זיבעלע אינטער זיין פאסיק און ער פרעגט וואס איז דאס א מנהל? מקען מיינען אז ער איז אריינגעקומען ביי די היסטארישע פארפלייצונג פון יוני יולי 2020... צו ווייסט ער דען נישט אז די מנהל איז איינער וואס נעמט קעיר פון די גאנצע חורבן דא? ווייסט ער נישט אז א מנהל איז איינער וואס ווערט געצאלט 30 צענט פאר יעדער געמעקטע תגובה, א דאלער פאר יעדער פארשפארטע אשכול, און א 5ער פאר יעדער פארמעקטע אשכול, און יעדער מנהל וואס ער נעמט אויף באקומט ער 5 פראצענט פון זיינע פארדינסטען עד סוף הפירעמיד? צו ווייסט ער דען נישט אז די מנהל איז איינער וואס מאכט זיכער אז סיי טעגלאש און סיי אויבערטעגלאש טרעפן זיך נישט די פלאץ דא? אפגערעדט איינער וואס איז נישט קיין סאטמארע אדער א בעלזער? צו ווייסט ער נישט אז א מנהל מאכט זיכער אז אונזער וועלטל בלייבט כסדר איינזייטיג צו די ליבעראלן און טראמפ?

צו וווייסט ער דען נישט אז די מנהל איז איינער וואס קען מאכן 5 גרייזן אין א תגובה און ווען איינער איז מעורר דערויף קען ער געבען א פארעכט פון אינטער די ארמעל און קיינער וועט נישט וויסען בבאו ובצאתו? צו ווייסט ער דען נישט אז די מנהל איז איינער וואס שטאמט פון גריבוב אבער איז א געשוואוירענע חסיד פונעם ריי"ץ?
צו ווייסט ער דען נישט אז די מנהל איז דער וואס ליינט דורך יעדער אישי וואס ווערט נאר געשיקט דא און טוט עס פונקטליך אדורך אין מנהלים אפיס? צו ווייסט ער דען נישט אז די מנהל איז דער וואס איז מחליט צו פארפלייצן דעם פלאץ אין א אויגן ווינק פשוט ווייל עס איז אים לאנגווייליג? וואס פאר א מין פראגע איז דעס?"

וועל איך ענק זאגן. האלטס ענק רוהיג, מיין פראגע איז אוודאי נישט "וואס מיינט דאס א מנהל" ווייל דעס איז פשוט, א מנהל איז איינער וואס געט זיך אוועק שלא על מנת לקבל פרס לטובת דעם מקום, כדאי עס צו האלטן געשמאק, ערליך, היימיש, רוהיג, איינגענעים, און העכער אלעס, איינזייטיג. אלעס מיט א פראפיצנאליזים וואס איז צום באווינדערען, איינער וואס זיין עולם הבא איז נאר שייך צו מקנא זיין.
מיין פראגע איז נאר וואס איז די לומדות אינטער א מנהל. דהיינא, מקען עס אנקוקען אויף צווי וועגען. מחד גיסא קען מען זאגן אז א מנהל איז א פשוטע ניק, וואס האט בסך הכל מער שליסלעך פון די פשוטע אינטערדריקטע אנשי שלומינו. ומצד אחר קען מען דן זיין, אפשר איז ער עפעס א צווייטער מין בריה אינגאנצען.

לאמיר עס מער מסביר זיין אויף קליין געלט. א יעדער איינגעשריבענע ניק אויף אייוועלט האט געוויסע רעכטן וואס מען קען נישט פון אים צונעמען. דעס איז געשאנקען געווארען צו אים דורך ארענדער און ער קען דאס נישט פארלירען. ער האט א רעכט צו ווערן אנגענומען אונטער געוויסע אומשטענדן, ער האט א רעכט צו ליינען געוויסע פארומ'ס, ער האט א רעכט צו שרייבן אין געוויסע אשכולות, ער האט א רעכט צו פארעכטן געוויסע תגובות, ער האט א רעכט אנטייל צו נעמן אין געוויסע אנקעטעס, ער האט א רעכט צו שטימען אין געוויסע וואלען, און ער האט א רעכט צו פארלאנגען פארשטענדעניש ביי געוויסע מיספארשטענדענישען. דערנאך איז דא א ניק מיט מער רעכטן (פארשטייט זיך אז אלע ניקס זענען אייניג אבער געוויסע זענען מער אייניג ווי אנדערע). ער קען ליינען מער אשכולות, פארמעקן תגובות, שטימען אין מער וואלען, און באקומען פארשטענדעניש ביי מיספארשטענדענישען.
דערנאך איז דא א מנהל. א מנהל איז בסך הכל א פענסי נאמען פאר א ניק וואס האט די אלע אויבערדערמאנטע רעכטן, אויף א גרעסערע פארנעם פארשטייט זיך, דאס הייסט אז ער קען ליינען אלע פארומ'ס, ער קען שרייבן אין אלע אשכולות, ער קען א טייל נעמען אין אלע אנקעטעס, און ער קען שטימען אין אלע וואלען, ווייל ער איז א ניק. יעצט חוץ פון דעם קען ער אויך אננעמען ניקס, פארמעקן יענעמ'ס תגובות, פארשפארען און פארמעקן אשכולות, און חוסם זיין ניקס. (און אויך מער רעכטן וואס איך מעג נישט ארויסגעבן, ווי למשל ליינען אישי'ס.) אבער בעיקרן איז ער די זעלבער ניק ווי אלע ניקס. אין אנדערע ווערטער בכלל מתאים מנה, אדער בכלל מנהל ניק.

דעס איז מיין ערשטע צד.
מיין צוויטע צד איז (דא בארג איך כאורע'ס אלטער אוועיטער - פיקעלס נוצט עס נאך?) מער א לומדישע. א מנהל איז קיין ניק ניט. נאכאמאל, א מנהל איז קיין ניק ניט. ער איז א מנהל און שוין, ער האט קיין שייכות מיט א ניק, און ער איז א אנדערע מין זאך אינגאנצען. דעס אז ער קען ליינען אשכולות, שרייבן תגובות און וועלען אין אנקעטעס קומט ווייל ער איז א מנהל. ער מעקט ווייל ער איז א מנהל, ער פארשפארט ווייל ער איז א מנהל און ער איז איינזייטיג ווייל ער איז א מנהל. אבער אלץ ניק אויס איז ער גארנישט.
אויף מער א באלעבטישען אופן קען מען קלערן אזוי: פארוואס איז א מנהל'ס נאמען געשריבן אין אן אנדערע קאליר ווי פון א פשוטע ניק? קומט עס ווייל ער איז נישט קיין ניק בכלל און דערפאר איז עס אנדערש? או דלמא ניין, אינאמת'ן איז ער יא א ניק, נאר כדאי להבחין צווישען א פשוטע ניק און א מנהל ניק האט מען געטוישט קאליר.

וועט עטץ אוודאי פרעגן "מאי נפקא מינה? צו אזוי צו אזוי בלייבט ער בעלעבאס, מעקן קען ער ווען ער וויל, זיין אגענדע פארשפרייט ער כאילו עס גייט ארויס פון סטייל, אשכולות פארשפארט ער ווען ער וויל מאכן אפאר דאלער פון ארענדער, און אונז פשוטע ניקס בלייבן אינטערדריקט. וואס גייט מיר אן וואס זיין מהות איז?
עס איז דא אסאך פשוטע נפקא מינה'ס.
קודם כל די תקנות. יעדער ניק איז דאך מחיוב צו האלטן צו די תקנות. איז א מנהל מחויב זיי צו האלטן? ווענדט זיך צו ער איז א ניק צו נישט. אויב איז ער א ניק, איז ער מחיוב זיי איינצוהאלטן פונקט ווי יעדער ניק, משא''כ אויב איז ער א בריה לפני עצמו, אים האט מען קיינמאל נישט מחייב געווען דאס צו היטן.
צווייטנס, אמן. יעדער ניק מוז וויסען וואס מען ענטפערט נאך א ברכה. מוז א מנהל?
דריטנס, גילוי. ווי יעדער ווייסט, האט דאיען סאכדעס בכוח תורותו העניה ארויפגעשטעלט א גראבען ארור אויף יעדער וואס גייט אויסזאגן ווער א צווייטע ניק איז. איז דעס גילטיג אויף א מנהל אויך? אויב זאגט מען אויס אויף א מנהל ווערט מען געשאלטן? צו ניין, די ארור איז נאר אויף ווער עס זאגט אויס א ניק, א מנהל מה''ת? איי וועסטו קומען מיט א טענה, ווער האט געשטעלט דעם ארור? סאכדעס. סאכדעס איז דאך אליין געווען א מנהל? איז אזוי, א ראיה פון דא אז א מנהל איז א ניק קען מען זיכער נישט ברענגען, ווייל אפשר אה"נ, די קללה איז אין דיזע פאל אויף א מנהל אויך, ווייל אזוי האט סאכדעס געפסקנט, אבער בעצם איז א מנהל ווייטער נישט קיין ניק. אבער די אמת איז אז מען דארף נישט צוקומען צו דעם. מען קען זאגן אז סאכדעס האט בכלל נישט גערעדט פון סאכדעס, נאר פון זיין פשוטע ניק (היינט מעג מען שוין אויסזאגן, עס איז געווען סטאוו יא פיטא.) איי פארוואס האט ער עס געשריבן בשם סאכדעס? נאר כדאי להגדיל האיסור והטראסק, אבער בעצם האט עס מיט זיין ניק און נישט די מנהל.
פיפטענס, (יבואו המגיעים ויגיעו ויליכו...) געוויסע ניקס זענען שטים בארעכטיגט. ווער עס איז שטים בארעכטיגט איז גאנץ קלאר ארויס געשריבן אין די קאנסטיטוציע, וז"ל
סעקשאן ניינצן: שטים בארעכטיגטע

אמענדמענט איינס: מוז זיין רעגיסטרירט לכה"פ 12 וואכן פאר די וואל פעריאד.

אמענדמענט צוויי: מוז שרייבן לכה"פ 12 תגובות אין די לעצטע 3 חדשים אפשניט.

אמענדמענט דריי: מעג נאר וואוטען מיט איין ניק, א דאפעלטע ניק וועט נישט גערעכנט ווערן.

אמענדמענט פיר: צוליב די פרייהייט פון די קרעטשמע מיטגלידער טוהן מיר נישט נאכגיין קיין דאפעלטע ניקס, אבער אויב באיזה אופן שיהיה וועט מען געוואר ווערן פון א דאפעלטע ניק, וועט סיי דער דאפעלטער ניק און סיי די ערשטע ניק ווערן אפגעהאלטן פון שטימען אין די קומענדיגע דריי וואלן.

ווי יעדער זעהט קלאר ווערט נישט דערמאנט קיין איין ווארט אז איינער חוץ א ניק מעג שטימען. יעצט אזוי: אויב איז א מנהל א ניק מעג ער וועלען (פארשטייט זיך ווילאנג ער ערפילט די אנדערע קריטעריע אויך) אבער אויב איז ער א בריה לפני עצמו, מה"ת אז ער איז בכלל שטים בארעכטיגט?

יעצט אזוי, די דאזיגע שווערע חקירה איז עפעס וואס איך מוטשע מיך דערמיט יארן, און האט מיר שוין גורם געווען צו פיל שלאפלאזיגע נעכט. ביז היינט איז מיר איינגעפאלן א מהלך דאס פושט צו זיין, און איך וויל מיך דורכשמעוסן מיטן עולם כדרכו של תורא. ומעשה שהיה כך היה. דא האב איך געשטעלט א פראגע פאר א געוויסע מנהל און געווארט אויף אן אנטווארט. למעשה איז שוין אדורך א גאנצע מעת לעת ואין קול ואין עונה. דער מנהל איז באקאנט אלץ איינע רוואס ענטפערט אויף פראגעס גלייך, און איך האב מיך געווינדערט. וואס איז פשט אז איך האב נאכנישט קיין תשובה? קען נישט זיין אז ער איגנארירט מיר מאיזה סיבה, ווייל איך האב פיין געשמעוסט מיט אים אין אנדערע אשכולות ווי אויך אין אישי. און געליינט האט ער עס אויך זיכער, ווייל ער האט דאך שוין ווייס געמאכט די קרעטשמע (כדמוכח מהשתנות ה"אינטערשריפט"). פיקעלס האט ער אויך זיכער, ווייל עס איז קוים געווען ר''ח, און עס קען נישט זיין אז ער האט נישט קיין תשובה אויף דעם, ווייל אויב אזוי וואלט ער לאנג געגאנגען און שטילערהייט געטוישט וואס מען ברויך. איז וואס יא?
פליצלינג ווי א בליץ איז מיך איינגעפאלען די תשובה. איך האב דאך געשטעלט די פראגע אין "באמערקונגס צו ניקס" אשכול! און די מנהל האט עס נישט געזעהן ווייל ער איז קיין ניק ניט! ער איז א מנהל, און חוץ פון אישי'ס גיין נישט די מנהלים אריין אין אשכולות וואס רעדן נישט צו זיי. ווי דער מנהל האט שוין כמה פעמים געזאגט אז א אשכול וואס "רעדט נישט צו אים" טרעט ער נישט אריין. און דערעיבער איז פשוט פארוואס ער האט נישט געענטפערט, ווייל ער האט דאס קיינמאל נישט געזעהן!
ומכאן נפשטה החקירה. (פארבארג מיך נאכאמאל דיין אוועיטער) ווייל אויב וואלט ער געווען א ניק וואלט ער דאך געקענט געהעריג אריין גיין אינעם אשכול ווי יעדער ניק, און ענטפערן ווי א מנהל. נאר וויבאלד א מנהל איז נישט קיין ניק האט ער נישט געקענט אריין גיין און דעריבער נישט געענטפערט מיין קשיא. וע''כ אז א מנהל איז א בריה לפמי עצמו.

קודם האב איך פראבירט צו פארענטפערן אז עס איז נישט מוכח פון דא, ווייל עס קען זיין אז עס איז דא צווי מיני מנהלים. א מנהל וועמענס נאמען איז געשריבען אין רויט איז טאקע א בריה בפני עצמו, אבער א מנהל וועמענס נאמען איז געשריבן אין בלוי איז סה"כ א ניק מיט מער רעכטן. אבער דעס שטימט נישט, ווייל די דאזיגע מנהל איז געשריבען אין בלוי און מיט דעם אלעמען איז ער נישט אריין אינעם ניק אשכול. ממילא איז געבליבן אז עס איז מוכח אז א מנהל איז א בריה בפני עצמו און האט א גאנצע אנדערע דין ווי א ניק.

היוצא לנו מכל זה להלכה
  • א מנהל מוז נישט היטן די תקנות
  • א מנהל ווייסט נישט וואס מען ענטפערט נאך א ברכה
  • אויף א מנהל איז נישט דא דעם ארור (ויש לדון כמו שכתבתי)
  • א מנהל איז נישט שטים בארעכטיגט
  • א מנהל גייט נישט אריין אין א אשכול געמאכט קלאר פאר ניקס

אזוי איז מיר ארויסגעקומען בבירורן של בדברים, און אדרבה, איך וויל בעטען די ניקס און מנהלים (מען דארף לאור הנ"ל דאס עקסטער אויסשמעוסן) אריין צו קומען מיט נאך נפקמ''ס און סברות, ווי אויך מיך אפצופרעגן אויב מעגליך "ללבן" את הדברים כדרכו של קרעטשמע. לייגטס נאר נישט צו צופיל קאפ, ווייל איך האב אויך נישט.
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

אוועטאר
ניין און יא
שר האלף
תגובות: 1169
זיך איינגעשריבען אום: פרייטאג דעצמבער 06, 2019 10:05 am

Re: וואס איז דאס א מנהל?

תגובהדורך ניין און יא » מאנטאג אוגוסט 03, 2020 2:46 am

איך האב שוין לאנג נישט אזוי געלאכט 245 am
אקבל הערות והארות בשמחה והכרת הטוב אי"ה
-------
מפתח ארטיקלען ----- מפתח פאעזיע
-------
א pdf פון די ארטיקלען און גראמען - נעשה ע"י פעיק נוז
------
נישט איינגעשריבנע ניקס קענען קאמענטירן דא
noinyes@gmail.com

אוועטאר
כאניש וואס צו טון
שר תשעת אלפים
תגובות: 9203
זיך איינגעשריבען אום: מאנטאג סעפטעמבער 04, 2017 6:18 pm
לאקאציע: נ'אפיס ביים דעסק

Re: וואס איז דאס א מנהל?

תגובהדורך כאניש וואס צו טון » מאנטאג אוגוסט 03, 2020 10:39 am

סטיטשי,
דאס אז סטאוו יא פיטא איז סאכדעס, הבעך שוין געוויסט,
דאס אז כאורה איז נישט קיין נארמאלע ניק, האבעך שוין אויך געוויסט,
דאס אז דו ביסט ביזי מיט די וואהלן, האבעך שוין אויך געוויסט,

אבער אז 'דו' ביסט 'אזוי' צידרייט, דאס איז די היינטיגע חידוש!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 10:42 am

פאר איך ליין
קאנגרעוטולעישנס (איך האף איך ספעל גוט)
אויב מאך איך נישט קיין טעות איז עס דיין ערשטע אפציעלע געשרייבעכטס דא.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 10:47 am

:lol: :lol: :lol:

גוט גוט (קען איך בארגן @זאג א גוטס אוועטאר?)

13642.gif
13642.gif (64.06 KiB) געזעהן 608 מאל


שרייבסט אז יעדער ניק האט א רעכט צו פארלאנגען פארשטענדעניש ביי געוויסע מיספארשטענדענישען.
נו ביטע שיין, פארשטענד מיר די פאלגנדע מיספאשטענדעניש:
פארשטייט זיך אז אלע ניקס זענען אייניג אבער געוויסע זענען מער אייניג ווי אנדערע....
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

תגובהדורך סטיטשינער » מאנטאג אוגוסט 03, 2020 11:23 am

זיי גוט מדייק. א ניק האט א רעכט צו פארלאנגען פארשטענדעניש... נאר א ניק מיט מער רעכטן האט א רעכט צו באקומען. מה''ת אז דו ביזט פון יענער?...
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 11:27 am

סע׳מיר גוט...
הייסט עס סאיז דא פארשידענע קאטעגאריעס, און יתכן איךבין די לעצטע, איך הייב אן מורא האבן...
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
לכאורה
שר עשרת אלפים
תגובות: 14879
זיך איינגעשריבען אום: דינסטאג אוקטובער 20, 2009 2:43 pm

Re: וואס איז דאס א מנהל?

תגובהדורך לכאורה » מאנטאג אוגוסט 03, 2020 11:47 am

אויף דעם האט דער רבי געוויינט: אז דו טויגסט יא, זעץ דיך לערנען!

לענין: מ'דארף טאקע זעצן א בית דין של שבעים ואחת צו דן זיין דעם אומגעהויערן דין נפש וואס אזאנס דער מנהל איז, און אויב ער איז ווירקליך א בריה בפני עצמו, דארף מען עקסטערע דן זיין אויב ביי אים גייט בכלל אן דינים שבין אדם לחבירו, און אויב טאקע נישט, לאמיר זיי אלע איבערלייגן און גוט אויספראקן, און תיכף דערויף ממנה זיין סטיטשינער אלס מנהל, אזוי ארום אים אויך צו קענען געבן מנה אחת אפים

פאלט מיר יעצט ביי דעם פני יוחנן'ס קשיא: אויב וואלט א מנהל געווען א בריה בפני עצמו, וויאזוי קען מען נעמען א פשוט'ן ניק און אים דערהייבן צום דרגה פון מנהלות, מ'דארף דאך פון פריש געבוירן ווערן צו קענען זיין א בריה בפני עצמו. אלא וואדען, מוז מען בהכרח איינזעצן אז א מנהל איז ניט קיין בריה בפני עצמו, נאר א ניק בין הניקים מיט פארמערטע פריוועליגיעס, איז אויב אזוי, גייען דאך ביי אים יא אן אלע דינים און תקנות, און מען דארף געהעריג נזהר זיין אין זיינע רעכטן ווי ביי די רעכטן פון געווענליכע ניקים

און יעצט וועלן מיר אי"ה אויפזוכן יענעם אשכול און פרובירן ענטפערן די פראגע וואס האט געשטערט סטיטשי פון א מאנטאג פארטאגס דרימל
איך ווייס אז איך ווייס נישט אלעס - למשל, ווייס איך נישט וועלכע זאך איך ווייס נישט

אוועטאר
בלעכענער פנים
שר האלף
תגובות: 1144
זיך איינגעשריבען אום: דאנארשטאג אפריל 04, 2019 12:51 pm
לאקאציע: כ'ווייס באמת נישט..

Re: וואס איז דאס א מנהל?

תגובהדורך בלעכענער פנים » מאנטאג אוגוסט 03, 2020 12:08 pm

סטיטשי!! די ביסט פאריקט!!

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

תגובהדורך סטיטשינער » מאנטאג אוגוסט 03, 2020 12:13 pm

לכאורה האט געשריבן:אויף דעם האט דער רבי געוויינט: אז דו טויגסט יא, זעץ דיך לערנען!

לענין: מ'דארף טאקע זעצן א בית דין של שבעים ואחת צו דן זיין דעם אומגעהויערן דין נפש וואס אזאנס דער מנהל איז, און אויב ער איז ווירקליך א בריה בפני עצמו, דארף מען עקסטערע דן זיין אויב ביי אים גייט בכלל אן דינים שבין אדם לחבירו, און אויב טאקע נישט, לאמיר זיי אלע איבערלייגן און גוט אויספראקן, און תיכף דערויף ממנה זיין סטיטשינער אלס מנהל, אזוי ארום אים אויך צו קענען געבן מנה אחת אפים

פאלט מיר יעצט ביי דעם פני יוחנן'ס קשיא: אויב וואלט א מנהל געווען א בריה בפני עצמו, וויאזוי קען מען נעמען א פשוט'ן ניק און אים דערהייבן צום דרגה פון מנהלות, מ'דארף דאך פון פריש געבוירן ווערן צו קענען זיין א בריה בפני עצמו. אלא וואדען, מוז מען בהכרח איינזעצן אז א מנהל איז ניט קיין בריה בפני עצמו, נאר א ניק בין הניקים מיט פארמערטע פריוועליגיעס, איז אויב אזוי, גייען דאך ביי אים יא אן אלע דינים און תקנות, און מען דארף געהעריג נזהר זיין אין זיינע רעכטן ווי ביי די רעכטן פון געווענליכע ניקים

און יעצט וועלן מיר אי"ה אויפזוכן יענעם אשכול און פרובירן ענטפערן די פראגע וואס האט געשטערט סטיטשי פון א מאנטאג פארטאגס דרימל

זאגסט גוט. וואס איז טאקע פשט? קודם דארף מען דערגיין די מציאות. איז שוין טאקע געווען אזא מעשה? א געהעריגע ניק איז אזוי נישט מיר נישט דיר געווארן א מנהל??
און אפילו אזוי, קען זיין אז ער איז בעצם א בריה בפני עצמו, נאר מען האט אים געגעבען די זעלבער נאמען אוועיטער און סכום תגובות ווי זייו אלטע ניק.
אבער דיין נפק''מ פון בין ניקס מוזן היטן די תקנות כלפי מנהלים איז א שטארקע. לפי''ז קומט אויס אז נישט נאר עס איז נישט דא קיין ארור פון סאכדעס, נאר גילוי אויף א מנהל איז מותר לכתחילה.

*כמובן איז אלעס לאסוקי שמעתתא אליבא דהלכתא, אבער אויף הלכה למעשה זאל יעדער רעדן צו זיין אייגענע דאיען. מיר קען מען קאנטעקטען אין אישי.
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

שטומפיג
שר האלף
תגובות: 1999
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: וואס איז דאס א מנהל?

תגובהדורך שטומפיג » מאנטאג אוגוסט 03, 2020 12:28 pm

סטיטשי!!!!!!
איך האב נישט געוואוסט אז דו קענסט דעיס אויכעט.
כל ישראל יש להם חלק לעולם הבא (סנהדרין, פרק י', משנה א')
עולם הבא באקומען אלע אידן, אבער עולם הזה האבן נאר ערליכע אידן!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 12:44 pm

שטומפיג האט געשריבן:סטיטשי!!!!!!
איך האב נישט געוואוסט אז דו קענסט דעיס אויכעט.

סקומט איהם נישט קיין !!!!! נאר מדארף איהם אריבערלייגן און גוט אנברעכן די ביינער!
נאך 7 אלפים דערמאנט ער זיך אז סאיז דא א אפשן פון ״נייע אשכול״?
וואו איז ער געווען די גאנצע צייט?
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

שטומפיג
שר האלף
תגובות: 1999
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: וואס איז דאס א מנהל?

תגובהדורך שטומפיג » מאנטאג אוגוסט 03, 2020 12:44 pm

איינס האט געשריבן:
שטומפיג האט געשריבן:סטיטשי!!!!!!
איך האב נישט געוואוסט אז דו קענסט דעיס אויכעט.

סקומט איהם נישט קיין !!!!! נאר מדארף איהם אריבערלייגן און גוט אנברעכן די ביינער!
נאך 7 אלפים דערמאנט ער זיך אז סאיז דא א אפשן פון ״נייע אשכול״?
וואו איז ער געווען די גאנצע צייט?

נישט סתם.
כל ישראל יש להם חלק לעולם הבא (סנהדרין, פרק י', משנה א')
עולם הבא באקומען אלע אידן, אבער עולם הזה האבן נאר ערליכע אידן!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 12:47 pm

נו לאמיר אפמאכן א צייט און פלאץ און מיר וועלן זיך נעמען צו זיינע ביינער...

סטיטשי ווארט, אונז זענען ביים קארנער!
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
אלטער
שר חמשת אלפים
תגובות: 5336
זיך איינגעשריבען אום: דינסטאג ינואר 14, 2020 12:44 pm
לאקאציע: אין בהמ"ד ביים קאווע שטיבל

Re: וואס איז דאס א מנהל?

תגובהדורך אלטער » מאנטאג אוגוסט 03, 2020 12:54 pm

סטיטשי! לאס דיר מער הערן ביטע!!!

האסט אויסגעלאזט אז יעדע ניק וואס ער נעמט אויף באקומעט ער א גלאטע צוואנציגער, און יעדע ניק וואס באקומט א חתומה באקומט ער די איבעריגע 80 דאללער צו משלים זיין די הינדערטער...
שעהם זיך נישט ווער דו ביסט
דער הייליגער קאצקער גיט צו פארשטיין
די בעסטע שענסטע פיינסטע זאך צו זיין איז
זיי זיך אליין!

ווען גייט זיין די וואלן?
סטיטשי פאר ראש הקהל, סטאוויא פאר הויפט סטראטאגיסט!

אוועטאר
גרויסע עם הארץ
שר ששת אלפים
תגובות: 6204
זיך איינגעשריבען אום: דינסטאג יולי 24, 2018 9:17 pm
לאקאציע: אייוועלט

Re: וואס איז דאס א מנהל?

תגובהדורך גרויסע עם הארץ » מאנטאג אוגוסט 03, 2020 1:27 pm

סטוטשי, איים ספיטשלעסס.

אוועטאר
קלאָצקאָפּ
שר חמשת אלפים
תגובות: 5341
זיך איינגעשריבען אום: דינסטאג יולי 25, 2017 9:24 pm
לאקאציע: ערגעץ אנדערש

Re: וואס איז דאס א מנהל?

תגובהדורך קלאָצקאָפּ » מאנטאג אוגוסט 03, 2020 2:35 pm

צודרייט איט איז.
אפוועזנד.

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

תגובהדורך סטיטשינער » מאנטאג אוגוסט 03, 2020 3:02 pm

טענקס פאר אלע קאמפלימענטען. עס געט חשק צו שרייבן ווייטער.
איך וויל נאר קלאר מאכן, איך האב ח"ו נישט ליצנות געמאכט פון דאיען סאכדעס' כח התורה. דטייט דאך אז דברי תורה עניים במקומן ועשירים במקום אחר. סאכדעס איז במקומו...
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

אוועטאר
כאניש וואס צו טון
שר תשעת אלפים
תגובות: 9203
זיך איינגעשריבען אום: מאנטאג סעפטעמבער 04, 2017 6:18 pm
לאקאציע: נ'אפיס ביים דעסק

Re: וואס איז דאס א מנהל?

תגובהדורך כאניש וואס צו טון » מאנטאג אוגוסט 03, 2020 3:03 pm

וואס מיינט דטייט?

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 3:05 pm

כאניש וואס צו טון האט געשריבן:וואס מיינט דטייט?

דאס איז שוין יא ליצנות...
באט סטיטשי במקומו...
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

תגובהדורך סטיטשינער » מאנטאג אוגוסט 03, 2020 3:08 pm

כאניש וואס צו טון האט געשריבן:וואס מיינט דטייט?

ווי זאגט יענער? זאג גוטס, שאג שלעכטס, אבי ער האט זיך וויסענדיג געמאכט...
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re:

תגובהדורך איינס » מאנטאג אוגוסט 03, 2020 3:08 pm

סטיטשינער האט געשריבן:
כאניש וואס צו טון האט געשריבן:וואס מיינט דטייט?

ווי זאגט יענער? זאג גוטס, שאג שלעכטס, אבי ער האט זיך וויסענדיג געמאכט...

וואס מיינט שאג?
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
סטיטשינער
שר עשרת אלפים
תגובות: 10109
זיך איינגעשריבען אום: דאנארשטאג ינואר 05, 2017 3:49 pm

תגובהדורך סטיטשינער » מאנטאג אוגוסט 03, 2020 3:10 pm

איינס האט געשריבן:
סטיטשינער האט געשריבן:
כאניש וואס צו טון האט געשריבן:וואס מיינט דטייט?

ווי זאגט יענער? זאג גוטס, שאג שלעכטס, אבי ער האט זיך וויסענדיג געמאכט...

וואס מיינט שאג?

געברימט, מלשון אריה שאג מי לא יירא.
והעיקר, די מיני הערות זענען מיינע גרינע, דהיינו איך האב געליינט, און איך האב עס אפי' אפגעלערנט
מלכות הרשעה במהרה תעקר,אבער נצח ישראל לא ישקר!

אוועטאר
איינס
שר שבעת אלפים
תגובות: 7902
זיך איינגעשריבען אום: דינסטאג סעפטעמבער 26, 2017 9:16 am

Re: וואס איז דאס א מנהל?

תגובהדורך איינס » מאנטאג אוגוסט 03, 2020 3:10 pm

:lol: :lol: :lol: :lol: :lol: :lol: :lol: :lol:

יעצט ביסטו שוין דער וואס טרייבט ליצנות!
לעצט פאראכטן דורך איינס אום מאנטאג אוגוסט 03, 2020 3:14 pm, מאל פאראכטן געווארן 1 סך הכל.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

אוועטאר
גרויסע עם הארץ
שר ששת אלפים
תגובות: 6204
זיך איינגעשריבען אום: דינסטאג יולי 24, 2018 9:17 pm
לאקאציע: אייוועלט

Re: וואס איז דאס א מנהל?

תגובהדורך גרויסע עם הארץ » מאנטאג אוגוסט 03, 2020 3:11 pm

האסט נישט געוויסט אז א מנהל מעג מאכן גרייזן ביים טייפן?


צוריק צו “היימישע פארברענגן”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט