בלאט 1 פון 49

ליל ששי אשכול

געשריבן: פרייטאג ינואר 05, 2007 12:32 am
דורך מאשקע
אזוי ווי געציילטע פון אונז זיצן אפ דא דאנערשטאג נאכט ביז ווייסעך ווען, אבער נישט אייביג איז דא פון וואס צו שמועסן, טוה איך דא פראקלאמירן דעם עפענונג פונעם "ליל ששי אשכול", וואו מ'וועט קענען פארברענגען דא מיט סיי וואס ס'פארגלוסט זיך, אנגעפאנגען פון א טעלער טשולענט, און געענדיגט ביי א שטיקל אוה"ח הק'.

געשריבן: פרייטאג ינואר 05, 2007 12:44 am
דורך קרעמער
איך בין דא.

געשריבן: פרייטאג ינואר 05, 2007 12:45 am
דורך מאשקע
משתמשים רשומים: מאשקע, קרעמער.
נו קרעמער, נעם א בענקל. רוק דיך צו, דא, אט אזוי. לאמיך דיר אנגיסן א גלעזעלע וויין. וועלכעס דארפסטו? באראן הערצאג? נו גוט, זעצדעך.
אקעי, מיש אויף, לאמיר אנפאנגען צו לערנען. אפשר באלד וועלן צוקומען נאך א פאר אידן.

געשריבן: פרייטאג ינואר 05, 2007 12:46 am
דורך מאשקע
גראדע האב איך דיך געוואלט פרעגן קרעמער, וואס האלטסטו בנוגע דעם ענין וואס אונז האמיר געשמועסט?

געשריבן: פרייטאג ינואר 05, 2007 12:48 am
דורך קרעמער
הער אויס, איך טרונק וויין איינמאל א יאר.

אבער א גוטע ביר? עניטיים.

ובנוגע דעם ענין, וועלכע ענין? די יאהו קאנפערענץ?

געשריבן: פרייטאג ינואר 05, 2007 1:01 am
דורך מאשקע
דאס טאקע אויך. אויב דער עולם האט יאהו מעסענדזשער, עט ווען געווען א גוטע זאך אז מ'זאל זיך צוזאמנעמען בסגל חבורה פון צייט צו צייט, און מאכן א שטיקל צוזאמקום (דמתקרי קאנפרענץ) און זיך אדורכשמועסן בשבת אחים גם יחד.
אבער וואס נאך טוט זיך עפעס אזוי?
גראדע האב איך נישט עפעס ספעציעל צו שרייבן, על איך זיך נעמען שרייבן סתם אזוי, אין די עולם אריין, און שוין.
איז אזוי, באמת געפינען מיר דאך דאס אין די גמרא. די גמרא דערציילט, ווען ר' יושע בן ערך איז געקומען דאס ערשטע מאל אויף מצרים, האט מען געמאכט דארט א גרויסן קבלת פנים. ס'איז געווען אזוי גרויס, אז גאנץ מצרים און אויך א חלק פון קאנאדא זענען געווען אונטער'ן רושם.
עניוועי, איז ער געקומען דארט און די שטאט, און ער האט זיך געוואלט אויפשטעלן און זאגן א דרשה. האט ער טאקע אזוי געטון.
האט ער אנגעהויבן אזוי: די גמרא זאגט אין מסכת...
דער עולם האט אים תיכף איבערגעהאקט: די גמרא זאגט? וואס איז דאס די גמרא? דו ווייסט אז די גמרא איז נאך ניטאמאל געשריבן געווארן אין דיינע צייטן?
ולא נח דעתי' עד שהשיבם: בני נצחתני.
און דאס איז וואס איך וויל אייך זאגן. און פארוואס זאג איך אייך דאס? ווייל איך וויל איר זאלט דאס וויסן.
יעצט וועלן מיר אביסל ארומרעדן איבער די געוואלדיגע פירצה וואס איז לעצטנס זייער פארשפרייט געווארן צווישן חרדי'שע אידן. ס'האנדלט זיך פון א מורא'דיגע מורא'דיגע מורא'גיגע פירצה, וואס ממש אין בית אשר אין שם פירצה, כמעט נישטא קיין אידישע שטוב וואו די פירצה איז ליידער נישט איינגעריסן געווארן.
און אז מ'וועט זיך נישט נעמען דערצו, שוין יעצט, וועט דאס נאך ערגער ווערן. ס'וועט קומען א צייט וואס ס'וועט נישט זיין קיין אידישע שטוב וואו די פירצה איז נאכנישט איינגעריסן געווארן.
וואס פרעגט איר? איך האב דיך פריער געזאגט אז די פירצה "איז שוין" איינגעריסן אין אלע אידישע שטיבער?
שוין, גערעכט.
עניוועי, פארגאנגענעם יום ט' פרשת נצבים-בשלח, זענען זיך צוזאמגעקומען פילע רבנים, ממש פון די גרעסטע בדורינו, און מטכס עצה געווען וויאזוי צו פארלויפן דעם וועג פאר'ן שטן המרקד בינינו, און פארשליסן די טויערן אז ער זאל זיך נישט קענען אריינברעכן און אריינברענגען די פירצה בקרב מחנינו.
עס זענען אויך אנוועזנד געווען פילע מחנכים פון פארשידענע מוסדות התורה פון אלע שיכטן און קרייזן, און מ'האט דן געווען בכובד ראש אלע ענינים פון די פירצה.
צום ענדע איז באשלאסן געווארן, אז אזוי ס'איז א גזירה שאין רוב הציבור יכולה לעמוד בה, וועט מען טאקע נישט מאכן קיין נייע תקנות, אבער צו די אלטע תקנות וועט זיך יעדער מוזן האלטן. ווער נישט, וועט מען אים ארויסווארפן פון ביהמ"ד בשן ועין.
די פארזאמלטע רבנים זענען זיך צוגאנגען מיט גרויס איך-ווייס-נישט-וואס, און מיט א פעסטע אנטשלאסנקייט צו שטיין על המשמר על כל צרה שלא תבוא. ואם תבוא, תלך.

***

היות קרעמער האט געבעטן אז ער וויל נאך מגיב זיין היינט נאכט, וועל איך אצינד מסיים זיין. ועוד חזון למועד.

געשריבן: פרייטאג ינואר 05, 2007 1:06 am
דורך קרעמער
יא, איך האב טאקע אזוי געבעטן, אבער ווען איך ווייס ווען וואס די טעמע איז, אדער די מאנגל דערפון, וואלט איך דיר נישט איבערגעהאקט, פילייכט וואלסטו געשריבן און געשריבן, און כולי האי ווענילע צוגעקומען צו א עפעס א שטיקל פונקט אינעם געדאנקן-גאנג וואו דו וואלסט זיך דערזען מיט א זאך וואס איז זיך נישט סותר מיניה וגוד-ביי און וואלסט מחליט געווען אז די תגובה איז פארפולקאמט און ראוי געשיקט צו ווערן.

געשריבן: פרייטאג ינואר 05, 2007 1:08 am
דורך מאשקע
שוין, קרעמער, האסט פארפאסט דעם שעת הכושר.
נעקסט פליז.

געשריבן: פרייטאג ינואר 05, 2007 1:31 am
דורך שוועמל
גראדע מאשקע איז דא אזא קאנפפערענס ציממער, טאקע נישט קיין וואויס קאנפערענס אבער אויך זעה געשמאק.

בשעתו האט עס נאטורליך ערפינדן

מען דארף זוכן אין אלע ארכיוון, 'לייוו רעדען קומען יעצט פאר'.

געשריבן: פרייטאג ינואר 05, 2007 1:33 am
דורך מאשקע
נו, כאדאך נישט גערעדט פון וואויס. נאר טאקע פון דאס.
לאמיר געבן א זוך פון וואס דו רעדסט.

געשריבן: פרייטאג ינואר 05, 2007 1:37 am
דורך מאשקע
שוומעל, כ'טרעף נישט אזאנס. אפשר איז עס געווען אין אלט-קרעטשמע?

געשריבן: פרייטאג ינואר 05, 2007 1:42 am
דורך שוועמל
האלט אן

געשריבן: פרייטאג ינואר 05, 2007 1:43 am
דורך מאשקע
איך האלט אן, אבער שנעל, איך קען עס נישט אזוי לאנג האלטן. מיין האנט טוט שוין וויי.
נו?

געשריבן: פרייטאג ינואר 05, 2007 1:47 am
דורך שוועמל

געשריבן: פרייטאג ינואר 05, 2007 1:49 am
דורך מאשקע
ERROR 404 - בלאט איז נישט צום געפינען. דאס קען איך אויך.
אבער שכוח סיי-ווי.

געשריבן: פרייטאג ינואר 05, 2007 1:49 am
דורך שוועמל
דער לינק ארבייט עפעס נישט,

דא איז דער לינק צו אלט קרעטשמע דערוועגן
http://hydepark.hevre.co.il/topic.asp?topic_id=1945828

געשריבן: פרייטאג ינואר 05, 2007 1:50 am
דורך מאשקע
שוין, קוקט אויס ס'נישט באשערט.
די עיקר איז אז די ליל ששי אשכול וואקסט און בליהט.
יגדיל אשכול ויאדיר.

געשריבן: פרייטאג ינואר 05, 2007 1:51 am
דורך שוועמל
יתגדל ויתקדש........

א גוטע נאכט

געשריבן: פרייטאג ינואר 05, 2007 1:55 am
דורך מאשקע
א גוטע ביינאכט.

געשריבן: פרייטאג ינואר 05, 2007 1:56 am
דורך שוועמל
http://www.chatcreator.com/chat.php?chanel=KRETCHME_1

כאב יעצט געבויעט א פרישע שטיבל

געשריבן: פרייטאג ינואר 05, 2007 2:03 am
דורך מאשקע
http://chatcreator.com/chat.php?chanel=kretchme
כ'האב אויך געבויעט, אבער ס'ארבעט נישט געהעריג. ווען ס'צינדט זיך שוין יא אן, נעמט עס א יאר מיט א מיטוואך זיך צו לאדענען.

געשריבן: פרייטאג ינואר 05, 2007 2:22 am
דורך יאנאש
איך וויל נישט אריינרעדן אינמיטן די קאנסטראקשן דא, אבער מיר דאכט זיך אז דא ביי אונז אין נייע(-אלט, שא שא זאג נישט קיינעם) שטאט איז אויך דא אן אלטע ליל שישי (יו האב איך ליב דאס צו טייפן עס איז אזוי סמאד 'ל'י'ל' 'ש'י'ש'י' דריי אותיות איבער און איבער) אשכול, אביר מאכט נישט אויס, בויעט און בויעט אפשר וועט עפעס ווערן.

אוקיי איך דריק שוין שלח ווייל איך וויל א קוק טאן אויב די שטיבלעך האבן זיך שוין געלאוד.

געשריבן: פרייטאג ינואר 05, 2007 2:27 am
דורך מאשקע
איך האב געטראפן בלויז א יום ששי אשכול. א ליל ששי האב איך נישט געפונען.

געשריבן: פרייטאג ינואר 05, 2007 2:28 am
דורך יאנאש
אז דו זאגסט זאגסטו דאך, דו וויסט דאך איך האב ליב צו רעדן און רעדן, זאגן לאז איך פאר דיר.

געשריבן: פרייטאג ינואר 05, 2007 2:30 am
דורך מאשקע
וואסי דען די חילוק צווישן רעדן און זאגן, מ'שטיינס געזאגט?