שמות אנשים ונשים

די אחראים: אחראי, גבאי ביהמד

בונם דער טרעגער
שר העשר
תגובות: 42
זיך איינגעשריבען אום: מאנטאג אפריל 06, 2009 10:31 pm

שמות אנשים ונשים

תגובהדורך בונם דער טרעגער » מאנטאג אפריל 27, 2009 11:54 pm

איך מיין אז עס אז נאך נישט דא זא אשכול מקורות פון נעמען
אנגעפאנגען פון ערשטע נעמען - און אזוי אויך לעצטע נעמען..

לאמיר אנהייבען טאקע מיט מיין אייגענעם נאמען "בונם" ווי איז דער ערשטער נאמען דערמאנט ערגעץ ווי ...
און תנ"ך אדער און חז"ל....??
ווי איז די מקור פון דעם נאמען..

איז דאס אייביג א שילוב "שמחה בונם "
-

אדער די נאמען אלטר

רבותי העלפטס בונם דעם טרעגער מיט אייערע ידיעות

לדעתי השפילה (וואס פארשטייט א טרעגער יונג ) איז דאס א איטערסאנטע אשכול.....

אוועטאר
מיללער
שר עשרים אלפים
תגובות: 25680
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג אפריל 28, 2009 9:54 am

איך מיין אז 'בונם' איז א כינוי צו 'בנימין', חוץ מזה וואס אונז זעהמיר אז געוועניליך גייט דאס ביינאזאם מיט 'שמחה', פאר מקורות לשמות אנשים ונשים איז זיכער ראטזאם דאס ערשטע אריינצוקוקען אין 'בית שמואל' אין אבהע"ז און פון דארט ווייטער צו די אחרונים.

פייער
שר חמישים
תגובות: 94
זיך איינגעשריבען אום: דינסטאג אוגוסט 19, 2008 11:00 pm

תגובהדורך פייער » דינסטאג אפריל 28, 2009 8:03 pm

הרב מילער וואס איז דער מקור פון אייער לעצטע נאמען "מילער"

וואס מיינט דאס

אוועטאר
מיללער
שר עשרים אלפים
תגובות: 25680
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אפריל 29, 2009 1:16 pm

פייער האט געשריבן:הרב מילער וואס איז דער מקור פון אייער לעצטע נאמען "מילער"

וואס מיינט דאס


דאס איז נישט פארברענגען

אברמלע דער עין יעקב יוד
שר העשר
תגובות: 18
זיך איינגעשריבען אום: זונטאג אפריל 12, 2009 11:46 pm

תגובהדורך אברמלע דער עין יעקב יוד » דאנארשטאג אפריל 30, 2009 11:48 pm

וואס מאכט א מענטשס נאמען - וואס געשעט למשל אז נאכען ברית (נאכען געבען דעם נאמען ) האט דער יוד דעסיידעדט אז ער וויל נישט דעם נאמען -ער האט עס נישט ליב און ער וויל עס טוישען פאר אנדערע נאמען
איז ער בארעכטיגיט דאס צו טון ???

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג אפריל 30, 2009 11:55 pm

וועלכער איד? דער טאטע פונעם קינד?

עס שטייט אז מען שיקט אראפ א רוח הקודש פון הימל צום טאטען ביי קריאת השם, פארוואס זאל ער וועלן טוישן?

אויב מען מאכט א טראגישע טעות, צב"ש ביי אשכנזים אויב מען געט בטעות א נאמען נאך א זיידע/באבע וואס זענען נאך בחיים, זאגט מען איבער דעם מי שברך און מען "לייגט צו" נאך א נאמען, דער ערשטער נאמען בלייבט אבער א נאמען.

כולל יונגערמאן
שר מאה
תגובות: 198
זיך איינגעשריבען אום: דאנארשטאג ינואר 22, 2009 5:08 pm

תגובהדורך כולל יונגערמאן » פרייטאג מאי 01, 2009 12:02 am

עס שטייט אז עס טוישט די מזל סא עס איז שרעקעדיג ארום צו שפילען מיט נעמען

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » זונטאג מאי 03, 2009 9:11 pm

מאיר'ל האט געפרעגט איבער דעם נאמען בתיה-בת שבע,

עיין בבית שמואל שמות נשים, וז"ל : בתיה והוא שם הקודש ע"כ כותבין בת שבע דמתקריא בתיה,
ועיין בדברי חיים אות ט שמה.
ועמך כולם צדיקים

דוד משמש
שר מאה
תגובות: 113
זיך איינגעשריבען אום: פרייטאג מארטש 27, 2009 12:29 am

תגובהדורך דוד משמש » זונטאג מאי 03, 2009 11:23 pm

אברמלע דער עין יעקב יוד האט געשריבן:וואס מאכט א מענטשס נאמען - וואס געשעט למשל אז נאכען ברית (נאכען געבען דעם נאמען ) האט דער יוד דעסיידעדט אז ער וויל נישט דעם נאמען -ער האט עס נישט ליב און ער וויל עס טוישען פאר אנדערע נאמען
איז ער בארעכטיגיט דאס צו טון ???
וואס מאכט א מענטשס נאמען - וואס געשעט למשל אז נאכען ברית (נאכען געבען דעם נאמען ) האט דער יוד דעסיידעדט אז ער וויל נישט דעם נאמען -ער האט עס נישט ליב און ער וויל עס טוישען פאר אנדערע נאמען
איז ער בארעכטיגיט דאס צו טון ???


איך מיין אז א נאמען פון א מענטש ווערט וואס מען רופט אים אויב מען וועט רופען א מענטש "בונם" כסדר פאר יארען וועט דאס ווערען זיין נאמען.. אפילו עס איז נישט געווען זיין נאמען ביז דאן
איך וואלט הנאה געהאט אויב די יודעי ספר דא זאלען דאס בארעכטיגען אדער אפווארפען ווייל איך ווייס נישט די הלכה ביי גיטין וקדושין..

איך מיין עס שטייט אז מען וועט אויפשטיין תחיית המתים וועט עס זיין לויט די סדר אויתיות א'ב' פון די אותיות פון די ערשטע נעמען... איך געדענק נישט קיין מקור ביטע ווער עס ווייסט ...

איך מיין אז דער רמב"ן שרייבט ביי אדם הראשון אז ווען ער האט גערופען די נעמען פן אלע חיות איז דאס געווען די יסוד הנפשי פון די זאך.. (געשריבען נאר פון זכרון.... כ'האב עס נישט יעצט נאכגעקוקט...)

בכלל זעיט מען דער תורה מאכט א עסק פון די נעמען.. ותקרא שמו וכו' וכו' - בתיה האט גערופען א נאמען משה כי מן המים משיתיהו - וכדו' .. די טעמים פון די נעמען ביי די שבטי י-ה .. זעיט מען נעמען זענען נישט קיין דברים פשוטים

מען זעט טאקע דא אגב ביי משה אז מען האט גערופען דעם נאמען וואס נישט דער טאטע מאמע האבען געגבען - זעיט מען דאך אז עס איז דברים גבוהים..
אבער עס איז טאקע אינטערעסאנט די מקורות פון די נעמען וואס דאס איז דאך לכאורה די ציל פונעם אשכול ..
קרעמער האט געשריבן:וועלכער איד? דער טאטע פונעם קינד?

עס שטייט אז מען שיקט אראפ א רוח הקודש פון הימל צום טאטען ביי קריאת השם, פארוואס זאל ער וועלן טוישן?


כ האב געהערט ערפון ווער עס ווייסט דעם מקור דערצו ביטע מודיע זיין..

צו די זאך
שר מאה
תגובות: 150
זיך איינגעשריבען אום: דאנארשטאג אפריל 30, 2009 2:12 pm

תגובהדורך צו די זאך » זונטאג מאי 03, 2009 11:31 pm

כולל יונגערמאן האט געשריבן:עס שטייט אז עס טוישט די מזל סא עס איז שרעקעדיג ארום צו שפילען מיט נעמען

ווי באקאנט שפילט זיך הרה"צ ר' יעקב מאיר שעכטער שליט"א זייער אסאך ארום מיט נעמען, איך קען אפאר אידן וואס האבן זיך פלוצלינג געטוישט די נעמען, אלץ וועגן ר' יעקב מאיר, סאיז זייער אן אינטרעסאנטע ערשיינוג ווען משטויסט זיך אן, אין דעי אידן.
די נעשכיזער איז א גוטער איד, מייערן אין צימעס איז א גוט מאכל.

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » מאנטאג מאי 04, 2009 12:55 am

ביי הרה"ק מהרי"ע מ'פשעווארסק איז געווען א תקופה וואס ער האט צו געגעבען נעמען, פלאות ווערן נאך דערציילט דערפון.
ועמך כולם צדיקים

אוועטאר
שמערי בערי
ראש הקהל
תגובות: 8739
זיך איינגעשריבען אום: מאנטאג אפריל 28, 2008 4:40 pm
לאקאציע: באַזאָטלט אינעם ראשעקאָלישן אפיס....
פארבינד זיך:

תגובהדורך שמערי בערי » מאנטאג מאי 04, 2009 12:50 pm

איך קען א יונגערמאן וואס כ"ק אדמו"ר מטואהש שליט"א האט אים צוגעלייגט א נאמען אלס חתן.
שריי נישט אזוי הויך, מ'וועט נאך מיינען אז דו ביסט גערעכט...

דוד משמש
שר מאה
תגובות: 113
זיך איינגעשריבען אום: פרייטאג מארטש 27, 2009 12:29 am

תגובהדורך דוד משמש » זונטאג מאי 10, 2009 3:45 pm

שמערי בערי האט געשריבן:איך קען א יונגערמאן וואס כ"ק אדמו"ר מטואהש שליט"א האט אים צוגעלייגט א נאמען אלס חתן.


פארוואס ?

אוועטאר
שמערי בערי
ראש הקהל
תגובות: 8739
זיך איינגעשריבען אום: מאנטאג אפריל 28, 2008 4:40 pm
לאקאציע: באַזאָטלט אינעם ראשעקאָלישן אפיס....
פארבינד זיך:

תגובהדורך שמערי בערי » זונטאג מאי 10, 2009 3:54 pm

כ'געדענק נישט אויף זיכער, אבער איך מיין אז זיין שווער האט איין נאמען וואס איז געווען די זעלבע פון זיין נאמען. אזוי מיין איך.
שריי נישט אזוי הויך, מ'וועט נאך מיינען אז דו ביסט גערעכט...

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » זונטאג מאי 31, 2009 9:03 pm

איך זוך נישט צו פארקירעווען דעם אשכול אין אנאנדערע נושא, אבער וויבאלד דער אשכול רעדט פון "שמות אנשים" ערשטע און לעצטע נעמען" האף איך אז די ריסוירטש איבער לעצטע נעמען וועט נישט עס אוועקפירן.

איך האב זיך דערגרינטעוועט איבער די גרופעס פון לעצטע נעמען.
1) די וועלכע ענדיגן זיך מיט אווייטש ווי פאלקאוויטש, שמולעוויטש, איליאוויטש וכו'
2) די וועלעכע ענדיגן זיך מיט סקי ווי אינדורסקי, בעלסקי, בארזעסקי, קאמענעצקי, קנייבסקי, וכו'
2) די וועלעכע ענדיגן זיך מיט אוו ווי באראכאוו, יאגדאוו, סוקאלאוו, וכו'.

די ערשטע איז אוויטש, וואס באדייט זון, ליפא'ס זון, שמואל'ס זון, אלי'ס זון אא"ו
די צווייטע און די דריטע זענען דוכט זיך שטעטלעך און דערפער אויף פויליש (סקי), אדער אויף רוסיש, (אוו) אזוי דוכט זיך מיר.

נאכדעם זענען פאראן לעצטע נעמען געבויט אויף פאכן, ווי שמיד, שמידמאן, געווירצמאן, פעלדמאן, שעכטער (שחט'ער), וועכטער, וכו'
אפנויגן דערפון איז געוארן גאלדבערג, גאלדמאן, קעלנער, שניידער, בערגער, ברעטלער, מילער און מילנער, הוטנער, קרעמער און בייגל, וויינער, וויינפעלד, וויינשטיין, וויינמאן, זיידמאן, זיידנפעלד, סאמעט וכו'.

נאכדעם איז פאראן נעמען אויף קאלירן: שווארץ, ווייס, ראטה (רויט), גרין, בלוי
פון דעם איז געווארן ראטבארד (רויטע בארד), גרינבוים, ראטמאן, ראטטער, בלוישטיין אא"ו.

נעמען פון בוימער און פלאנצנוגען איז אויך זייער פאפולער, ווי פייגנבוים, ראזענבוים, ציטראנענבוים, עפלבוים, טענענבוים אא"ו

אסאך נעמען זענען געבויט אויף איידלשטיינער, בלומען, ווי פיינשטיין, זילבער, גאלד, קופערשטיין, גאלדשטיין, ברוינשטיין (פון דעם איז מעגליך געווארן בערנשטיין), און אויך עפעס א סארט "אייכנשטיין" וואס כ'האב נאכנישט באוויזן צו דערגיין זיין שטאם.

נאכדעם זענען פאראן פאמיליע נעמען וועלכע זענען שווער אריינצופאסן אין קיין שום קאטעגארגיע אין שפראך וואס מיר פארשטייען היינט:
לאזאר (מעגליך לייזער)
הורוויץ
אייגער
פארגעס (אפשר פון פארגעסן איז געווארן פּאָרגעס).
גארדאן
פילטשיג
טאמבור
קאצינעלנבויגן (עלבויגן, אבער א קאצנעלבויגן, מה זה?).
וואנחאצקער (אדער וויינחאצקער)
בראך
בראכפעלד
בראנדוויין
הערצאג
מייזעלס (שווער צו זאגן ע"ש א מויז, ווי מויזקאפ).
מייזליש
מייעס
מיסקי
גאביוף (אפשר גאביאוו כנ"ל)
שמערלער (שוין געהערט פון בערל-שמערל, אבער שמערלער?)
קאלער
קאליש (אפשר א שטאט)
קארצאג
פארהאנד (אפשר פורהאנג)
צאנגער

נאך דא אסאך נעמען, אבער דאס איז א שטיקל אנהייב. ועחז"ל.
בל' ס"ג - ניקס ווייסער וד"ל

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » זונטאג מאי 31, 2009 11:05 pm

מ'קען צולייגן:
באנדא
לאנדא (אפשר פון לאנד)
קלאגסברוין
קלאגסבאלד
שנעבאלג
בל' ס"ג - ניקס ווייסער וד"ל

אוועטאר
מיללער
שר עשרים אלפים
תגובות: 25680
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 01, 2009 9:05 am

הרב ווייסער,
אונזער שאץ מאץ האט אמאל געמאכט עפעס א קוגל פון די ניקים וועלכע האט אנטאהאלטן אביסל אינפארמאציע איבער נעמען, אבער אין א ערנסטען טאן האט איר אנגעפאנגען א גוטע טעמע וואס מ'קען אסאך מאריך זיין, ואף אני אוסיף מחלקי להעיר ולהאיר בדבריך כפי מה שחנני ה' מאוצר מתנת חנם.

בראך - קיבלתי אז דער מקור פון די נאמען איז 'בר"ח' וועלכער איז א ר"ת פון איינע פון די אבות המשפחה שעל שמו האבן די קינדער זיך גערופען ב'ן ר' ח'יים, אנדערע זאגען אז דאס איז על שםא 'ויברח' וואס איינער האט געמאכט, גם ברוך יהי'.

אויב איז דאס ר"ת איז דאס פון די קאטעגאריע פון; כ"ץ, כ"ף, באב"ד, בהר"ן און נאך, אין די סעריע איז אויך לויט געוויסע מקורות דער נאמען 'שיק' וואס דער מייסד האט א נאמען געגעבן מיט די כוונה פון די ר"ת ש'ם י'שראל ק'דוש אדער דער נאמען 'ביק' וואס לויט ווי ר' ארי' לייב תאומים אב"ד בראד זצ"ל שרייבט אין די הקדמה לספרו שו"ת גור ארי' יהודה איז דאס ווייל די ראשי המשפחה זענען געווען גרויסע שתדלנים ועסקנים אשר ב'עזרת י'שראל ק'מו עיי"ש.

אין ארץ ישראל איז דא א נאמען חרל"פ וועלכע איז אויך א ר"ת, אבער לא זכיתי לידע פירושו וה' יאיר עיני.

-

מייזעלס-מייזליש - כפי הנלע"ד איז דאס פון די סעריע פון; חנליש, סורקיש, עברילס. די נעמען זענען היינט אדער פארדרייעט אדער נישט באקאנט אבער אין די ערשטע יארען פון משפחה נעמען איז דאס געווען גאר פאפולער אז מ'האט גענומען די מוטער'ס נאמען אדער דעם פאטער'ס נאמען אלס א משפחה-נאמען (סורקיש איז אזוי ווי שרה'קאס) אויך באקאנט דער גביר פון קראקא ר' אייזיק ר' יעקלס.

הגם איך ווייס נישט וויאזוי מסביר צו זיין דעם 'מייז' פון מייזליש איז דאס אבער זייער מסתבר לויט די צוויי באזונדערע אויסלייגען מיט א ס' אדער א ש' וואס מ'זעהט ביי די סארט נעמען.

-

הורוויץ - איז די נאמען פון א שטאט און אזוי אויך גאר אסאך אלטע נעמען ווי; ראפאפורט, האלבערטשאדט (האלבערשטאם איז פארדרייעט במכוון), שפירא (אושפירא), גינז, קאליש, קארצוג, ועוד.

הגם עס זענען דא וואס זאגען אז דער הייליגער ראפשיצער רב האט בוחר געווען בשם זה פון זיין מאמעס צד ווייל עס ווייזט אויף 'הארעווען', איז דאס נאר בדרך דרוש.

-

טווערסקי - הגם רוב נעמען מיט די נאכזילבע 'סקי' זענען אזוי ווי דו דערמאנסט ע"ש א דערפל וכדו', איז דא וואס זאגען אז די טשערנאבלער משפחה האבן דאס געגעבן על שם העיר טברי'.

-

אסאך נעמען זענען ריין לשה"ק ווי; מרגליות, סופר, בודק, פרנס, וכדו', אננדערע נעמען ביי אונז זענען אונגאריש ווי; פעקעטע (שווארץ) אדער א אונגארישער 'אש' ביים סוף וו; פאפלאנאש וואוסענדיג אז 'פאפלאנען' זענען דאכענעס (ווער עס געדענקט די שולד העכער לאנדא'ס געשעפט אויף ליע עוו.) וויבאלד דער איד האט געהאנדלט מיט פאפלאנען איז ער דאך נישט מער ווי א 'פאפלאנאש'....

-

אין ארץ ישראל האבן אסאך פארדרייעט די נעמען אז דאס זאל קלינגען מער העברעאיש ווי 'אלישיב' וואס איז במקורו 'עלישאוו' אדער 'ראבין' איז 'ראבינאוויטש' (ס'זענען דא וואס זאגען אז הרב ש"ך וואס זיין נאמען איז געווען 'שוכמאן' האט דאס משנה געווען צו 'מן-שך' אבער אנדערע לייקענען דאס), אדער האבן זיי דאס געטייטשט אויף עברית ווי; גאלד-זהבי, וואלפסאן-זאבי, וכדו'.

עוד חזון למועד.

אוועטאר
יאנאש
שר שמונת אלפים
תגובות: 8292
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג יוני 01, 2009 2:25 pm

ווערי אינפארמעטיוו, יישר כח.

קאצינעלבויגן האב איך געקלערט אז עס קומט פון אן עלנבויגן ווא סהאט זיך משדך געווען מיט א כ"ץ האט מען זיי גערופן די קאצ און עלענבויגן.

עס איז דא אזאנס אין קרית יואל.

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » מאנטאג יוני 01, 2009 2:35 pm

א דאנק הרב מסקרענטאן פאר דיינע אינטרעסאנטע הגהות.

די ר"ת פון בראך האב איך שוין אמאל געהערט, אבער לויט דעם איז שווער דער "בראכפעלד".

אלישיב איז אפשר העברעזירט - פון די אנדערע זייט געפינען מיר איינע פון די "כ"ד משמרות כהונה איז משמורת אלישיב. איז אפשר מעגליך אז זייער א עלטער-עלטער זיידע האט געהאט בקבלה אז ער שטאמט פון משמורה. ווער ווייסט?

טראכטענדיג איבער נאך אומבאוואוסטע נעמען
גאנדל
סירוטה
פארקאש
מאליק (אפשר מ'אליק, דאס באקאנטע שטעטל וואו גראף פאטאצקי האט זיך אויסבאהאלטן)
גארעליק (אפשר קנאבל, ווי גארליק)
גאמבא
חיטריק
וויזל
פריזל
ברייער
גענוט
בל' ס"ג - ניקס ווייסער וד"ל

אוועטאר
farshlufen
שר עשרים אלפים
תגובות: 21829
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג יוני 01, 2009 2:39 pm

הרב אלץ, "ברייער" איז די זעלבע ווי "ברויער" און איר באדייט איז פשוט.
סימן דלא ידע כלום, שבוחי.

אוועטאר
מיללער
שר עשרים אלפים
תגובות: 25680
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 01, 2009 2:44 pm

אגב, דער נאמען 'בייער' איז במקורו 'בייערן' על שם א געגנט אין אייראפא.

אוועטאר
בן בוזי
שר ארבעת האלפים
תגובות: 4723
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » מאנטאג יוני 01, 2009 2:52 pm

מיללער האט געשריבן:אגב, דער נאמען 'בייער' איז במקורו 'בייערן' על שם א געגנט אין אייראפא.

איך האב היינט פונקט געליינט אין אלטער בוך שרייבט ער דארט דער נאמען 'באַיער'.
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
בן בוזי
שר ארבעת האלפים
תגובות: 4723
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » מאנטאג יוני 01, 2009 3:08 pm

איך ווייס נישט צו איך דארף זיך אין דער אשכול פון 'שמות אנשים' אנטשולדיגן אז איך וויל צוריק דרייען דער שמועס צו 'געגעבענע נעמען' ד.ה. נישט קיין משפחה נעמען נאר ערשטע נעמען. אגב איז דא א שמועס וועגן לעצטע נעמען אין אן אנדערער אשכול דארט האב איך צוגעצייכנט צו א קובץ בית אהרן וישראל וועלכע צונעמט דער ענין.
בנוגע צוגעבן א נאמען קען איך איינער וואס דער בעלזער רב ז"ל האט איהם א נאמען געגעבן 'ישכר דוב' נאכן פריערדיגער רב און נאכן ברית האט דער רב ז"ל נאכאמאל איבער געזאגט די ברכות און א נאמען געגעבן דאס קינד 'ישכר' אהן דער 'דוב', למעשה האט זיך ארויס געשטעלט אז ער האט דריי מחותנים מיטן נאמען 'ישכר דוב' און ווי ס'פארשטענדליך וואלט ער די שידוכים נישט געקענט טוהן ווען ער הייסט ווען 'ישכר דוב'.
ס'מיר געווען אינטערעסאנט די וואך צו ליינען אין גליון דברי אמונים וואס ווערט ארויס געגעבן וועכנטליך דורך די תולדות אברהם יצחק'ער קהלה וועגן דער נאמען פונעם בארדיטשובער רב'ס מאמע, איך ברענג עס אהער מצורף, לויט דעם שטימט שוין וואס ס'פלעגט מיר אלעמאל שווער זיין וואס אין דער ניגון 'דרי מעלה' וואס ס'הייסט אויף די ניחח רעקארדס אלס דער קדיש פון ר' לוי יצחק מבארדיטשוב פלעגט עס זינגען 'ואפילו אני לוי יצחק בן סאסיא שרה עפר רימה ותולעה'.
צוגעלייגטע
דורש.jpg
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
בן בוזי
שר ארבעת האלפים
תגובות: 4723
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » מאנטאג יוני 01, 2009 3:54 pm

און יעצט וויל איך רעדן וועגן פוילישע נעמען, די פוילישע האבן עפעס זייער ביבלישע נעמען, ס'דא באוואוסטע רבי'ס מיט רבנים ווי למשל ר' יואב יהושע וויינגארטן מקינצק מח"ס חלקת יהושע, ר' שרגא יאיר מביאלאבזערק, מיט זיין ברודער ר' צמח משידלאווצע, ר' ירחמיאל מפרשיסחא, צו דער נאמען וואס מען האט שוין אויבן דערמאנט שמחה 'בונם' א נאמען וואס מ'טרעפט נישט געווענטליך ביי נישט פוילישע, ס'דא א מחבר פון א באוואוסט ספר (ס'האט געפליפט מיין מחשבה) וואס דער מחבר הייסט בערך אזוי 'יוסף קים קדיש', וכו' וכו' וואלט איך געוואלט וויסן וואס דער פשט דערפון איז.
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
מיללער
שר עשרים אלפים
תגובות: 25680
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג יוני 02, 2009 9:10 am

קען זיין אז די מנהלים זאלן אפטיילען די משפחה נעמען פון די געגעבענע נעמען.

-

אונזער געליבטער פריינט פארשלאפן האט מיר מזכה געווען מיט אט דעם לינק וועלכע באהאנדלט משפחה-נעמען און זייער אפשטאם, עס אנטהאלט גאר מערקווידיגע פונקטן און איז כדאי אריינצוקוקען.

עטליכע אויסצוגען:

ראטשילד - א 'שילד' (סיין) וואס האט געהאנגען ביים אריינגאנט אלס 'רויט'.
אויערבאך - א דייטשער געאגראפישער נאמען
באראש - פון די סעריע פון באב"ד, בר"ש ב'ן ר' ש'מואל
בלאך - פונעם סלאווישען 'וולאך' וואס באדייט א פרעמדער (געגעבן פאר א משפחה וואס זענען געווען דרויסנדיגע)
פרענקל - על שם א דייטשער פראווינס 'פראנקאניע' דאס הייסט ער איז פון דארט
געפנער - א לשה"ק/אידיש קאמבא פון 'גפן' מיט די אידישע נאכזילבער 'ער' (וויינער בלע"ז)
העללער - על שם א געגנט 'העללא' אין דייטשלאנד
מענצער - א פוילישע ווארט פאר א מעל האנדלער

ואידך פירושא זיל גמור

-

איך האב אויבן דערמאנט די סעריע פון 'סורקיש, חנליש און מייזליש', נאך אין די סעריע;
איסרליש, איידליס, ביילוש, בייליס, געלליס, הענדילס, טויבש, ייטלס, מארילעס, מארקוס, נחמיאש, פערילס, רבקש.

פלעקילס איז מן-הסתם אויך פון די סארט, הגם איך ווייס נישט על שום מה.


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 3 געסט