חידושים אין שפראך

די אחראים: אחראי, גבאי ביהמד

gamyuchad
שר חמישים ומאתים
תגובות: 303
זיך איינגעשריבען אום: דינסטאג נובעמבער 01, 2011 9:38 pm

תגובהדורך gamyuchad » דאנארשטאג נובעמבער 10, 2011 3:21 pm

msp האט געשריבן:איך האלט אז דו ביזט גערעכט
נאר אביסעלע דוחק מוז זיין אין ברכת הנותן ליעף כח
ועיין שם
http://www.hebrewbooks.org/pdfpager.asp ... pgnum=38...


הרב מספ, יישר כח פאר דיין הסכמה, דאס איז א גרויס חשיבות.
עיף-יעף מיינט בודאי אויסגעמאטערט און אויסגעמוטשעט אויך, ער איז גאנץ א נאנטער מחותן מיט א אויסגעטרוקנטער און א דארשטיגער, און געוויס נוצט מען דאס ביי אזא פאל אויך, ווען איינער איז אויסגעטריקנט איז ער שוואך און פארמאטערט.

אבער אין טייל פסוקים איז דער פראסטער טייטש, טרוקן און דארשטיג.

אין די תורה ווערט עס דערמאנט צוויי מאל, ובינותי במפרשי התורה, הן אין פרשת תולדות זאגט עס דער אבן עזרא, און אזוי אויך אין פרשת תצא זאגט רש"י אין דער אבן עזרא אזוי, און אויך דער תרגום, אז ס'מיינט צמא, רש"י זאגט ביי ואתה עיף ויגע, "עיף בצמא" ווייל דארט רעדט די תורה פונדעם וואס בעפאר ויבא עמלק לא הי' להם מים, דאס איז פשוט פשט.

ווידער וועגן בית השלחין, האב איך נאר געהאט געזען די משניות מיט די מפרשים, ביזדערווייל איז עס א גמרא אנהייב מו"ק, די גמרא ברענגט טאקע דעם פסוק ואתה עיף ויגע צו ווייזן אז שלחין באדייט טרוקן, ווי תוספות זאגט דארט צמא דארשטיג.

קרעמער האט געשריבן:איך פארטייטש מיר געווענליך 'עיף' = פארמאטערט


הרב קרעמער.
דאס קענסטו נאך טייטשן ביי די נזיד עדשים און ביי ברוך נותן ליעף כח. אבער וויאזוי טייטשסטו בארץ ציה ועיף, און כארץ עיפה. און ואתה עיף ויגע לפי פירוש התרגום והגמרא ורש"י ואבן עזרא און תוס' וכו'.?

אוועטאר
farshlufen
שר עשרים אלפים
תגובות: 20296
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג נובעמבער 10, 2011 4:39 pm

גם יחד, עיין בהרד"ק הנ"ל, ואם אין קמ"ח אין תורה.
סימן דלא ידע כלום, שבוחי.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » פרייטאג נובעמבער 11, 2011 3:42 am

כ'האב אמאהל געזעהן ערגעץ ווי אז די ראשונים האבען גענוצט די ווארט מזיגה לגבי געבען מתנות
אז דאס נעמט זיך פון די דייטשע אויסדרוק אז אהנצוגיסען הייסט שענקען בלשונם
און געבען מתנות הייסט אויך שענקען...
סתם צו געברענגט למען לא יחסר המזג....
לשון נופל על לשון...
חכלילי עינים מיין ולבן שנים מחלב

gamyuchad
שר חמישים ומאתים
תגובות: 303
זיך איינגעשריבען אום: דינסטאג נובעמבער 01, 2011 9:38 pm

תגובהדורך gamyuchad » זונטאג נובעמבער 13, 2011 11:38 pm

farshlufen האט געשריבן:גם יחד, עיין בהרד"ק הנ"ל, ואם אין קמ"ח אין תורה.


יישר כח הרב פארשלאפן פארן מיר צוצייכענען א רד"ק. אגב אין ישעי' זאגט דער רד"ק אביסל אנדערש. ואכמ"ל. איך האב שוין צופיל פסוקים פון עיף מיט מים. יכלה הזמן להביאם.

אגב, איז מיר אינטערעסאנט צו וויסן די מקור צו דיין חתימה, עס געפעלט מיר זייער דער נוסח. מנין לך?

אוועטאר
farshlufen
שר עשרים אלפים
תגובות: 20296
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » זונטאג נובעמבער 13, 2011 11:43 pm

מקורו, בשתי ידות למהר"ם די לאנזנו.
סימן דלא ידע כלום, שבוחי.

gamyuchad
שר חמישים ומאתים
תגובות: 303
זיך איינגעשריבען אום: דינסטאג נובעמבער 01, 2011 9:38 pm

תגובהדורך gamyuchad » זונטאג נובעמבער 13, 2011 11:46 pm

פשי הא.. אקארשט האב איך געהאט דעם ספר אין די האנד, ער איז דאך דער מקור אויף מדרש אגדת בראשית, פון וואס מ'שמועס מיר אין אנדערע אשכול.
אלנספאל, א יישר כח.

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך נובעמבער 23, 2011 11:51 pm

היינט ביים לערנען א גמרא אין יבמות (קי"ז ע"א) טעמא דבת חמותה דאמרה קאכלה לגירסנא דאימא, און רש"י ערקלערט אז "גירסנא" באדייט "יגיע" ע"ש, האב איך געקלערט אז גרס באורייתא תדירא און אלע אנדערע לשונות פון גירסא באדייטן אויך "זיך מוטשן" אויף תורה, "לעסוק" בתורה. און דער שורש קומט פון "גרש" כרמל, וואס רש"י טייטשט שבירה וטחינה.

פרעגט מיר מיין חברותא זז"ג וואס איך טוה מיט לעולם ליגרוס איניש והדר לסבור? ועניתי שאין זה קושיא כלל וכלל, ווייל לערנען אויבנאויף כדי צו קענען די לשונות פון חז"ל קען מען אויך טוהן מיט א יגיעה רבה והתמדה עצומה.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דאנארשטאג נובעמבער 24, 2011 6:33 am

א שטארקער דערהער
געלערנט אהן א יגיעה הייסט גארנישט געלערנט
חכלילי עינים מיין ולבן שנים מחלב

אוועטאר
farshlufen
שר עשרים אלפים
תגובות: 20296
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג נובעמבער 24, 2011 7:44 am

קרעמער, לפ"ז אעז ליגרוס והדר לסבור טייטש זיך פלאגן און נאכדעם - ולפעמים הערשט בעה"ב - פארשטיין.
סימן דלא ידע כלום, שבוחי.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דאנארשטאג נובעמבער 24, 2011 8:25 am

חכלילי עינים מיין ולבן שנים מחלב

אוועטאר
farshlufen
שר עשרים אלפים
תגובות: 20296
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג נובעמבער 24, 2011 8:48 am

ערוך השלם, ר' נתן בן יחיאל..... אומוויסענדע פערזאנען.
סימן דלא ידע כלום, שבוחי.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דאנארשטאג נובעמבער 24, 2011 9:15 am

farshlufen האט געשריבן:ערוך השלם, ר' נתן בן יחיאל..... אומוויסענדע פערזאנען.


לדאבוני איני מבין עומק כוונתו...
חכלילי עינים מיין ולבן שנים מחלב

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג דעצמבער 08, 2011 11:07 pm

חבורה תחת חבורה

פון רש"י (כתובות ה' ע"ב) האב איך פארשטאנען א משמעות אז דאס קומט פון לשון "חיבור", ווייל עס טוהט פונאנדערשיידן צוויי באהאפטענע זאכן (על דרך שורש/תשרש).

gamyuchad
שר חמישים ומאתים
תגובות: 303
זיך איינגעשריבען אום: דינסטאג נובעמבער 01, 2011 9:38 pm

תגובהדורך gamyuchad » פרייטאג דעצמבער 09, 2011 3:08 am

קרעמער האט געשריבן:חבורה תחת חבורה

פון רש"י (כתובות ה' ע"ב) האב איך פארשטאנען א משמעות אז דאס קומט פון לשון "חיבור", ווייל עס טוהט פונאנדערשיידן צוויי באהאפטענע זאכן (על דרך שורש/תשרש).


קרעמער.
וואו זעסטו עס אין רש"י? לענ"ד איז רש"י נאר מסביר וואס חבורה טוט, ער טייטשט נישט די ווארט.
דער רד"ק האלט אז חבורה מיינט שריטה וגדידה, ער זאגט אבער אז פון די גמרא אין מס' שבת קומט אויס אז חבורה מיינט א באל, דאס געשעט ווען די בלוט לויפט זיך צוזאם און בלייבט אויף א פלאץ נישט ארויסגייענדיג, און מיט דעם איז ער מסביר אז ס'קומט טאקע פון די שורש פון חיבור, אזוי ווי וחובר חבר.
לפי זה קומט זייער גוט אויס די לשון פון די איבע' הגמרא, צי דם איז פקיד ס'ליגט אפן בלוט און אויב דו עפנסט דעם פתח טרעפסטו אים אן, אדער ס'איז מיחבר, דאס טייטשט אז ס'איז נצרר תחת הדפנים און דאס טוט צוקלאפן דעם דופן עס זאל ארויסגעבן פון אינעווייניג די בלוט. לויט די וואס טייטשן אז חבורה מיינט שריטה [און ס'קוקט אויס אז רש"י טייטשט אזוי], איז שווער דער לשון דם חבורי מיחבר, וואס האט עס מיטן דם, און רש"י זאגט טאקע ע"י חבורה, אבער לויט די צווייטע וועג פון רד"ק, איז עס פשוט.

שוטה
שר האלף
תגובות: 1232
זיך איינגעשריבען אום: פרייטאג אוגוסט 29, 2008 2:21 am

תגובהדורך שוטה » דאנארשטאג דעצמבער 22, 2011 10:32 pm

ויאמר פרעה אל עבדיו הנמצא כזה איש אשר רוח אלוקים בו, זאגט רש"י: הנמצא כזה, אם נלך ונבקשנו הנמצא כמוהו.

דהיינו לאפוקי פון ווי מ'טייטשט געווענליך - און דא טייטשט מען אויך אזוי, נישט כאפענדיג כוונת רש"י - הנמצא 'צו דען געפינט זיך', נאר די טייטש איז הנמצא 'צו וועלן מיר געפינען' דהיינו אז די נו"ן איז דער נו"ן פון א פעולת רבים, 'מיר', [שו"ר באבן עזרא אז ער שמועסט אויס ביידע וועגן].

וטעמא בעי פארוואס וויל רש"י משנה זיין מברוב מקומות [ווי די פסוק וואס דער שפתי חכמים ברענגט 'הנהיה כדבר הגדול הזה או הנשמע כמוהו'].

וחשבתי ע"ד אפשר דאיש אשר רוח אלוקים בו איננו פלא גדול כ"כ שיהא מוחלט מצד עצמו שאיננו מצוי בעולם עוד איש כזה, רק דאם נלך ונבקש לא נמצא כזה, אבל לא שמציאות זו - דאיש אשר רוח אלוקים בו - הוא מושלל בעצם, לכן לא שייך לומר רק ע"י חשבון, שנלך ונבקש ולא ימצא.

משא"כ שמיעת קול אלוקים מתוך האש הרי הוא דבר הכי מפורסם, ואם איתא שקרה דבר כזה לאומה אחרת בודאי הי' נשמע, בזה שפיר שייך לומר דלא נהי'.

------------------

און אז מ'רעדט שוין איז דא נאך א אינטערעסאנטע רש"י די וואך [דער רמב"ן רירט צו די נקודה].

וירכב אותו במרכבת המשנה, זאגט רש"י: השני' למרכבתו המהלכת אצל שלו, איז לכאורה משמע מדבריו אז משנה איז נישט טייטש אין חשיבות, נאר במציאות איז ער געווען די צווייטע מרכבה נעבן פרעה'ס [הגם אין תוכן איז עס די זעלבע].
ונפשי יודעת מאד ידיעה ברורה שאין ביצת הנמלה כנגד הגלגל העליון צעירה כאשר חכמתי קטנה ודעתי קצרה (הקדמת הרמב"ן לפירושו עה"ת)

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » פרייטאג פאברואר 10, 2012 12:47 pm

אין ליכט פון די "אייוועלט אוועטאר יריד" וואס קומט פאר אין די פארברענגן פארום, האב איך אריינגעקלערט וואס איז די שורש פון די ווארט "יריד" און אויף וועלכן שפראך איז דאס.

מיר טרעפן שוין דאס ווארט אין תוספתא און אין מדרש, די גמרא אין עבודה זרה רעדט ארום איבער די יריד וואס די גוים פלעגן פראווען ביום אידם, פון חז"ל קוקט אויס אז עס איז א יום השוק, די פראגע איז נאר אויב דאס איז אן אראמישע ווארט אדער גאר גריכיש אדער עפעס אנדערש.

זוכנדיג האב איך געטראפן פון מדרש פנחס: "יריד הוא מלשון ירידת השפע"

ווער עס ווייסט עפעס דעריבער זאל זיך ביטע אנרופן.

משה'עלע
שר חמש מאות
תגובות: 604
זיך איינגעשריבען אום: דינסטאג ינואר 24, 2012 9:25 am
לאקאציע: נישט דאס פלאץ

תגובהדורך משה'עלע » פרייטאג פאברואר 10, 2012 1:38 pm

כהאב אמאל געלערט אז עס קימט פון דעם גרעסטען יריד וואס איזז אמאל געווען און היסטאריע דער יריד און מצרים בשעת די הונגער יאהרן און וויבאלד מהאט דעלמאטס גערופען צו גיין קיין מצרים אראפ נידערן ווי די רביס האבען געטיישט איז דער מארק יום השוק אנגערופען געווארען יריד
וכן כתוב בתורה
ויאמר הנה שמעתי כי יש שבר במצרים "רדו" שמה ושברו לנו משם ונחיה ולא נמות:
"וירדו" אחי יוסף עשרה לשבר בר ממצרים
ועוד ודו"ק כי קצרתי
אין חכמה כחכמת התורה (פרמ"ג הל' חנוכה סימן תר"ע) ואין חכמיה כישראל

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » פרייטאג פאברואר 10, 2012 2:07 pm

דארט שטייט טאקע ירד ירדנו.

א שיינע געדאנק!

אוועטאר
ווינקל
שר שבעת אלפים
תגובות: 7774
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מאנטאג אפריל 02, 2012 11:43 am

נישט קיין חידוש ס'איז מיר נישט איינגעפאלן אז קאמיוניזם באדייט פשוט קאמיוניטי.

אוועטאר
מיללער
שר עשרים אלפים
תגובות: 25462
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג אפריל 02, 2012 1:32 pm

ווינקל האט געשריבן:נישט קיין חידוש ס'איז מיר נישט איינגעפאלן אז קאמיוניזם באדייט פשוט קאמיוניטי.


דער נאכזילבער 'יזם' באצייכנט שטענדיג א שיטה, אן אידיעלאגיע, 'קאמיוניזם' איז די שיטה פון שפה אחת לכולם, כעשיר כדל, איין גרויסע אייניגע 'קאמיוניטי', וואס איך מיין מגיב צו זיין, נישט אז עס 'באדייט פשוט קאמיוניטי' נאר עס איז מוסיף אן אידיעלאגיע דערינען.

אוועטאר
קראק-פאט
שר חמש מאות
תגובות: 936
זיך איינגעשריבען אום: מיטוואך סעפטעמבער 14, 2011 11:13 am

תגובהדורך קראק-פאט » מאנטאג אפריל 02, 2012 1:34 pm

בבחינת זה איז מסתמא אויך סאציאליזם און סאסייעטי.

אוועטאר
מיללער
שר עשרים אלפים
תגובות: 25462
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג אפריל 02, 2012 1:36 pm

קראק-פאט האט געשריבן:בבחינת זה איז מסתמא אויך סאציאליזם און סאסייעטי.


נעבאדע, אז א מענטש איז סאציאל מיינט אז ער קאנעקט גוט מיט סאסייעטי, הגם שסאציאל איז אידישיזירט און סאסייטעי וכן קאמיוניטי נישט, ויש לעיין למה לא.

שוטה
שר האלף
תגובות: 1232
זיך איינגעשריבען אום: פרייטאג אוגוסט 29, 2008 2:21 am

תגובהדורך שוטה » פרייטאג אפריל 20, 2012 12:30 am

כ'ווייס נישט וויפיהל חידוש עס ליגט אין דעם, אבער כ'האב עס קיינמאהל [נישט] צוזאמען געשטעלט:

די ווארט אקופירט-occupied ווערט באנוצט אויף צוויי אופנים, דייטשלאנד האט אקופירט פוילן, און איך בין אקופירט [פארנומען].

ביידע האבן אבער די זעלבע באדייט, דהיינו אז דער ענין מיט וואס איך בין פארנומען נעמט מיך איבער און איך בין אקופירט פון-דורך איהם.
ונפשי יודעת מאד ידיעה ברורה שאין ביצת הנמלה כנגד הגלגל העליון צעירה כאשר חכמתי קטנה ודעתי קצרה (הקדמת הרמב"ן לפירושו עה"ת)

ווילוויסן
שר האלף
תגובות: 1430
זיך איינגעשריבען אום: דאנארשטאג אוקטובער 27, 2011 11:26 pm

תגובהדורך ווילוויסן » פרייטאג אפריל 20, 2012 1:09 am

ריכטיג
ובקיצור, אנפולן צייט אדער שטח.

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג מאי 10, 2012 12:31 am

ל"ג בעומר תשע"ב

אראפזעצנדיג זיך צו א שאכטל CAROB COATED RICE CAKES געב איך מיך א רוף אן אז היינט איז אן ענין דאס צו עסן, ווייל עס איז געמאכט מיט באקסער.

כאפ איך מיך אז CAROB איז חרוב. [א מילתא דפשיטא, אבער איך האב עס יעצט צוזאמגעשטעלט].


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט