וואס באדייט די ווארט?

די אחראים: אחראי, גבאי ביהמד

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » מיטוואך אפריל 01, 2009 12:36 am

הרב מילער עס איז יא, מילער'יש...
זיכער ביסטו גערעכט. דער רבי האט נישט געהאקט, פארקערט, ער האט אוועקגעמאכט אלס "נישט מילעריש".
אויף א צרה זאגט מען ס'איז א ביטער מילער. אז מ'וויל אוועקמאכן עפעס, זאגט מען: ס'איז נישט מילעריש.

איך וואלט איינגעלאזן הרב אידישיסט אויב ער קען באלייכטן אונזערע אויגן, וואס דאס ווארט מילער באדייט. "מילער" איר זענט דא א נוגע בדבר"...
בל' ס"ג - ניקס ווייסער וד"ל

אוועטאר
ערנסטער
שר חמש מאות
תגובות: 582
זיך איינגעשריבען אום: דינסטאג ינואר 30, 2007 11:23 am
לאקאציע: פון יעהופעץ

תגובהדורך ערנסטער » מיטוואך אפריל 01, 2009 7:55 am

דאס ווארט 'מילער' באדייט 'מילנער'.
די וואָר הענגט אויף א האָר

אוועטאר
farshlufen
שר עשרת אלפים
תגובות: 19630
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מיטוואך אפריל 01, 2009 8:17 am

הרב ערנסטער, דער "מילער" פון וואס מ'רעדט ווערט געזאגט מיט א שוואכע חיריק אייגענטליך כמעט ווי א שוא אויפן מ"ם, און א שטארקן דרוק אויפן סגול בערך ווי "מ'לעער".

גם אני כמיללער האב זיך געוואונדערט אויף זייער אפטייטש פון דעם ווארט, לדעתי באדייט עס "געפערליך" אדער א "צרה-ערנסטע פראבלעם".

אינעם ניגון "(שעפעלעך - נו! שוין פארגעסן)?" זינגט מען אויך "אז זיי זאל נישט געשען קיין "מילער".
סימן דלא ידע כלום, שבוחי.

אוועטאר
מיללער
שר עשרים אלפים
תגובות: 25269
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אפריל 01, 2009 10:25 am

ווייסער און פארשלאפן, א דאנק פאר אייערע רעאקציעס, כ'האב הנאה אז איך בין נישט געווען דער איינציגער.

פארשלאפן,
אויב האבן זיי עס פארטייטשט שלעכט, האבן זיי בכלל נישט גוט פארשטאנען דעם רבינ'ס כוונה, שוין זאל זיי עס נישט גערעכנט ווערן.

למעשה, בעטן מיר פון החכם האידישיסט, זאל ברענגען אביסל מער חומר אויפן ווארט 'מילער-מילעריש' עס איז דאך נישט מילעריש אויב אן אנדערער ווי מיללער וועט מסביר זיין דעם אפטייטש......

יידישיסט
שר חמש מאות
תגובות: 609
זיך איינגעשריבען אום: מיטוואך אוגוסט 13, 2008 10:48 pm

תגובהדורך יידישיסט » זונטאג אפריל 05, 2009 5:34 am

צום באדויערן האב איך דאס ווארט קיינמאל נישט געהערט אדער געזעהן, איך וועל אבער פרואוון זוכן בלי"נ דעם גענויען אפטייטש.

חידוש נפלא
שר חמישים ומאתים
תגובות: 342
זיך איינגעשריבען אום: דאנארשטאג ינואר 22, 2009 10:03 pm

דיקטשאנערי אויף די קרעטשמע אידיש/ענגליש

תגובהדורך חידוש נפלא » מאנטאג אפריל 27, 2009 2:12 pm

רבותי עס איז נישט קיין סוד אז אסאך אינגעלייט מיטשענען זיך צו פארשטיין אביסל ענגליש, עס פאסירט אסאך מאל ווען מען זוכט עפעס אויף דער אינטערנעט, אדער מען פרעגט ערגעץ אהן עפעס, און מען באקומט די תשובה אויף ענגליש איז דא אסאך מאל וואס מען פארשטייט נישט וואס די ווארט מיינט און וואס יענע ווארט מיינט און דאס פארשווערט זייער שטארק צו פארשטיין די גאנצע זאך, וויל איך דא ברשות הגבאים - האפנטליך אויפמאכן אן אפטיילונג ווי מען וועט קענען אנפרעגן אויף ענגלישע ווערטער וואס דאס מיינט אין אידיש און די חברי הקרעטשמע וועלן כפי מיטב ידיעתם פרובירן צו ענטפערן אויף דעם, ובשם השם נעשה ונצליח.

איך הייב אהן מיט די ערשטע ווארט
וואס מיינט beans די קאמפעני (l.l.beans)

ווער עס ווייסט וואס דאס מיינט זאל ביטע ענטפערן

יישר כח

אוועטאר
שאץ מאץ
שר האלפיים
תגובות: 2882
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תגובהדורך שאץ מאץ » מאנטאג אפריל 27, 2009 3:02 pm

לדעתי באלאנג דעי אשכול אין "שפראך"
.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג אפריל 27, 2009 3:19 pm

איך רוק עס אין שפראך.

Beans מיינט באנדלעך, די קאמפאני אבער הייסט נאך איר ערשטער בעה"ב מיסטער ביען (נישט דער באקאנטער...).

אוועטאר
מיללער
שר עשרים אלפים
תגובות: 25269
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג אפריל 27, 2009 3:51 pm

שוין דא אזא אשכול 'וואס מיינט די ווארט'?

אוועטאר
איך_הער
סעקרעטאר
תגובות: 18574
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מאנטאג אפריל 27, 2009 4:13 pm

איך דענק אויך אז ס'איז דא אזא אשכול, די וואס יכול'ן זאלן דאס צוזאם שטעלן.

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג אפריל 27, 2009 4:56 pm

מאחד געווען.

israel
שר מאה
תגובות: 159
זיך איינגעשריבען אום: דאנארשטאג נובעמבער 06, 2008 8:24 am

תגובהדורך israel » פרייטאג מאי 01, 2009 9:31 am

איך דערלאנג דא א שטיקל מעשה פון א מעשה וואס איך לייען יעצט און איך וויל פארשטיין דאס ווארט סטער וואס ווערט געבראכט אין מיטן. לויט די מעשה פארשטיי איך אז עס איז מיינט טייך, אבער פון וואנען שטאמט דאס ווארט. דאס ארטיקל האט געשריבן א ליטווישער ייד פון ליטע.

צוויי דריי טעג פאר פסח איז דער טאטע געקומען אהיים פון שול פרי, אפגעגעסן פרישטיק און אוועק צום רב ר' משה'לע סווינעכער באקן מצה שמורה. מען האט געדונגען א בעל-עגלה, וואס האט אויף זיין וואגן ארויפגעשטעלט די פעסער, פארדעקט זיי מיט ווייסן-לייוונט און פעסט פארבונדן מיט א שטריק, און אוועק צום סטער. דארט האט שוין געווארט א גוי פון טופילנע מיט א קליין שיפל, וואס האט געקענט ארייננעמען דריי פיר מאן. די מענטשן, מיט עמערס אין די הענט, האבן זיך ארויסגעשיפט ביז אינמיטן סטער, אנגעשעפט עמערס מיט ריין, קלאר וואסער, און געקומען צוריק צום ברעג.
ישראל

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » פרייטאג מאי 01, 2009 12:20 pm

מעגליך די נאמען פונעם ספעציפישן טייך.

"דניעסטער"

אוועטאר
farshlufen
שר עשרת אלפים
תגובות: 19630
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » פרייטאג מאי 01, 2009 12:24 pm

eקרעמער, סתם להערה בעלמא, אפשר פארקערט גאר, "דניע"- איז א נאמען, "סטער" מיינט א טייך און צוזאמען ווערט עס א סמיכות און באדייט דער טייך "דניע"??
סימן דלא ידע כלום, שבוחי.

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » פרייטאג מאי 01, 2009 12:27 pm

מיר האבן אמאל געהאט א געשפרעך מיט 'ערנסטער' א יליד אוקריינא דערוועגן.

דא האסטו פון וויקי אז 'דניע' איז די אפטייטש פון 'טייך', און 'סטער' באדייט נאנט.

http://en.wikipedia.org/wiki/Dniester

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » פרייטאג מאי 01, 2009 12:29 pm

זוכנדיג אויפן בלעטל דארט, שרייבט ער גאר אז אין 'אידיש' רופט מען דאס "נעסטער"...
מעגליך אז שפעטער האט זיך דאס פארקורצט אויף 'סטער (שילוב מיטן שכינות'דיגן אשכול פון ס'טו געהערט אזאנס..)
n Russian, it is known as Днестр, translit. Dnestr, in Romanian Nistru, in Yiddish: Nester - נעסטער; in Turkish, Turla and during antiquity, it was called Tyras in Latin and Danastris in Greek. Classical authors have also referred to it as Danaster.

israel
שר מאה
תגובות: 159
זיך איינגעשריבען אום: דאנארשטאג נובעמבער 06, 2008 8:24 am

תגובהדורך israel » זונטאג מאי 03, 2009 6:51 am

דא דעדט מען אויף א שאט וואס הייסט ראזשישטש (רוז'ישץ'), וואס געפינט זיך אין וואלין היינט אוקראינע, פאר דער צווייטער מלחמה וועלט פולין, לעבן שטעטל קובל.
אין מאפע סיי דעניעסטער און סיי דניפער שטראמען נישט לעבן דעם שטעטל. קען זיין אז טייכלעך וואס גייען ארויס פון זיי שטראמען דארטן, אבער מיט אנדערע נעמען.
דאס איז א ראיה אז האט מען גענוצט דאס ווארט סטער אלס טייטש פון א טייך, און נישט נאר צו דיניעסטער האט מען גערופן סטער.
ישראל

israel
שר מאה
תגובות: 159
זיך איינגעשריבען אום: דאנארשטאג נובעמבער 06, 2008 8:24 am

תגובהדורך israel » פרייטאג מאי 08, 2009 3:56 am

וואס מיינט האקעלע אין די פאלגענדיקע זאצן:

נישט גענומען די זעלבע שטעלונג אויף דעם האקעלע פאליטישע טעמע פון מתיר זיין די אומלעגאלע

אז זי פלאנט צו ווייטער גיין מיט א אן אפמאך צו פארקויפן האקעלע מיליטערישע טעכנאלאגיע פאר

איך האב דאס פונקט יעצט געענדיגט הערן, עס איז אביסל האקעלע טעריטאריע פאר קול מבשר
ישראל

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » פרייטאג מאי 08, 2009 4:56 am

סענסעטיווע.

israel
שר מאה
תגובות: 159
זיך איינגעשריבען אום: דאנארשטאג נובעמבער 06, 2008 8:24 am

תגובהדורך israel » זונטאג מאי 10, 2009 9:31 am

פון וואנען שטאמט דאס ווארט האקעלע צי דאס אן יידיש ווארט אדער אן ענגליש ווארט.

און וואס מיינט באשפיעגען

מיר זעען דאס די אלע עבודה זרה'ס, אויף וועלכע מיר האפן זיינען אלע צעבראכן און באשפיעגען. (ר' אלחנן וואסערמאן.)
ישראל

אוועטאר
farshlufen
שר עשרת אלפים
תגובות: 19630
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » זונטאג מאי 10, 2009 9:38 am

"האקעל" איז א אידיש ווארט.

"באשפיעגן" באדייט ווען מען שפייט [ווי ביי שהם משתחוים] אויף אדער צום זייט פון א זאך, ווערט די זאך באשפיגן, ביי דעם פאל וואס איר ברענגט מיינט עס נתבזה און פאר'מיאוס'ט ווערן.
סימן דלא ידע כלום, שבוחי.

israel
שר מאה
תגובות: 159
זיך איינגעשריבען אום: דאנארשטאג נובעמבער 06, 2008 8:24 am

תגובהדורך israel » מאנטאג מאי 11, 2009 9:48 am

צו
farshlufen
יישר כח. :lol:
למעשה דו מיינט צו זאגן באשפיגן איז ווי געשפיגן, זמן עבר פון שפייען. יעצט איך האב פאשטאנען.
איך האב געמייט אז דאס איז אן אנדער ווארט ווייל ער שרייבט באשפיעגען, און נישט באשפיגן
ישראל

אוועטאר
farshlufen
שר עשרת אלפים
תגובות: 19630
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג מאי 11, 2009 4:21 pm

ר' ישראל, די ג' קומט נאר אריין צו פארגרינגערן דאס ארויסזאגן, עס וואלט ווען געדארפט זייין "באשפיען".
סימן דלא ידע כלום, שבוחי.

אוועטאר
farshlufen
שר עשרת אלפים
תגובות: 19630
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג מאי 18, 2009 8:42 am

יאנאש האט געשריבן:
איך_הער האט געשריבן:שיעור יום ב' פרשת במדבר, ל"ט למ"ט מונים, תשס"ט לפ"ק.

סעיף י
אחר הבדיקה מיד יבטלנו, ועיקר הביטול הוא בלב, שיגמור בלבו שכל חמץ שברשותו הרי הוא כאלו אינו, ואינו חשוב כלום, והרי הוא כמו עפר וכדבר שאין בו צורך כלל, ותקנו חכמים שיוציא דברים אלו גם בפיו, ויאמר: כל חמירא וכו'. ומי שאינו יודע פירושו יאמר בלשון שהוא מבין (אללער זויערטייג, אונד אללעס געזייערטע וועלכעס זיך אין מיינעם רשות בעפינדעט, דאס איך ניכט געזעהן אונד ניכט וועגגעשאפט העבע, זאל פערניכטעט אונד דעם שטויבע דער ערדע גלייך געהאלטען זיין).

(אללער זויערטייג אונד אללעס געזייערטע, וועלכעס זיך אין מיינעם רשות בעפינדעט. דאס איך געזעהן אדער ניכט געזעהן, דאס איך וועגגעשאפט אדער ניכט וועגגעשאפט האבע, זאל פערניכטעט אונד דעם שטויבע דער ערדע גלייך געהאלטען זיין).


ריין דויטש, אדער דער יעמאלדיגער אידיש?

וואס באדייט די ווארט "וועגנשאפט"?
סימן דלא ידע כלום, שבוחי.

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג מאי 18, 2009 10:16 am

עס טייטשט איבער דביערתיה ודלא ביערתיה, מיינט דאס אוועק-געשאפט (שטימט מיט אונזער טעאריע אין די חידושים אין שפראך אשכול אז א-וועק איז אריגינעל א-וועג).


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: Google [Bot] און 4 געסט